ڈاکٹر مشاہد رضوی
لائبریرین
نبی کا عشق و خیال دیدے
از قلم : مشاہد رضوی
کوئی رضا کی مثال دیدے
مجدّدِ عصرِ حال دیدے
ترے نبی کو پسند ہو ، جو
خدایا! ایسا کمال دیدے
نبی کے گستاخ کانپ اُٹھّیں
ہمیں تو ایسا جلال دیدے
کریں فقط تیری بندگی ہم
ترے نبی کا خیال دیدے
جو دیکھے جانے ہے مردِ مومن
جبیں پہ ا یسا جمال دیدے
نبی کے جتنے ہیں نام لیوا
تو سب کو رزقِ حلال دیدے
دلوں میں تیری تڑپ ہو یارب
تو ہم کو ایسا ملال دیدے
مری محبت کے آئنے میں
نبی کا عکسِ جمال دیدے
رضاؔ کے صدقے میں یا الٰہی
نبی کا عشق و خیال دیدے
کرے تری ہی ثنا مُشاہدؔ
اسی میں اس کو کمال دیدے
