ندامت کے آنسو

[الف عین]

معذرت کہ یہ اصلاح سخن کے زمرے میں نہیں تھی، لیکن بسمل نے اصلاح شروع کر دی تو میں بھی بھول گیا​

 

[محمد اسامہ سَرسَری]

البتہ ایک لفظ کے تصرف سے ان کی اصلاح شدہ شعر​

ارے نعت چھوڑو بڑا کام ہے یہ​

میں اک نظم کہہ نہ سکوں نعت کی سی​

اِدھر دل ہے کہتا کہ نعتیں لکھوں میں​

اُدھر عقْل بولے ’’ہے یہ راہ کڑی سی‘‘​

ندامت کے آنسو سجاکر ہیں لیتے​

قلم کپکپی سی ، زباں جھرجھری سی​

ان کو بھی بہتر بنایا جا سکتا ہے مثلإ​

اِدھر دل یہ کہتا ہے نعتیں لکھوں میں​

اُدھر عقْل بولے ’’ہیں راہیں کڑی سی‘‘​

ندامت کے آنسو سجاکر ہیں لیتے​

قلم کپکپی سی ، زباں جھرجھری سی​

اس شعر کو قلمزد ہی کر دیں تو بہتر ہو، ’جھرجھری‘ کا قافیہ اچھا نہیں لگتا۔ یا محض یوں کہیں​

ندامت کے آنسو سجا تو لئے ہیں​

قلم میں مگر آ گئی کپکپی سی​

​

جزاکم اللہ خیرا حضرت استاذ الشعراء! بندہ بہت بہت ممنون و متشکر ہے۔

 

[محمد اسامہ سَرسَری]

معذرت کہ یہ اصلاح سخن کے زمرے میں نہیں تھی، لیکن بسمل نے اصلاح شروع کر دی تو میں بھی بھول گیا​

ارے حضرت! کوئی بات نہیں، میں نے تو خود چاہا تھا کہ سب کے سامنے اصلاح ہوجائے، اس کی بات ہی اور ہوتی ہے۔

 

[مزمل شیخ بسمل]

معذرت کہ یہ اصلاح سخن کے زمرے میں نہیں تھی، لیکن بسمل نے اصلاح شروع کر دی تو میں بھی بھول گیا​

در اصل میں نے بھی مشورہ ہی دیا ہے۔ پہلے تو صرف پسند کرکے واپس ہو لیا تھا۔لیکن اسامہ بھائی کے اصرار پر یہاں ہی تبصرہ لکھ دیا ہے۔ اب کوئی مدیر آکر اسے اصلاح سخن میں لے جائے تو احسان عظیم ہو۔