نظم : اسے یہ کون سمجھائے : از : علی عدنان

[مغزل]

اسے یہ کون سمجھائے

اسے یہ کون سمجھائے ۔۔۔۔۔
وہ دشت خامشی میں ۔۔۔
انگلیوں میں سیپیاں پہنے ۔۔۔۔۔
کسی سوکھے سمندر کی ۔۔۔
ادھوری پیاس کی باتیں ۔۔
بہت چپ چاپ سنتا ہے ۔۔۔۔۔
بہت خاموش رہتا ہے ۔۔۔
اسے یہ کون سمجھائے ۔۔
خوشی کے ایک آنسو سے ۔۔۔۔۔
سمندر بھر بھی جاتے ہیں ۔۔۔
بہت خاموش رہنے سے ۔۔۔
تعلق مر بھی جاتے ہیں ۔۔۔

علی عدنان

 

[مغزل]

شکریہ کاشفی بھائی سلامت رہیں ۔

 

[مغزل]

محمد خلیل الرحمٰن صاحب آپ کی محبت کے سامنے سرنگوں ہوں۔۔

 

[غ۔ن۔غ]

اسے یہ کون سمجھائے

اسے یہ کون سمجھائے ۔۔۔ ۔۔
وہ دشت خامشی میں ۔۔۔
انگلیوں میں سیپیاں پہنے ۔۔۔ ۔۔
کسی سوکھے سمندر کی ۔۔۔
ادھوری پیاس کی باتیں ۔۔
بہت چپ چاپ سنتا ہے ۔۔۔ ۔۔
بہت خاموش رہتا ہے ۔۔۔
اسے یہ کون سمجھائے ۔۔
خوشی کے ایک آنسو سے ۔۔۔ ۔۔
سمندر بھر بھی جاتے ہیں ۔۔۔
بہت خاموش رہنے سے ۔۔۔
تعلق مر بھی جاتے ہیں ۔۔۔

شاعر نامعلوم : مرسلہ : اشرف جہانگیر خان

بہت پیاری نظم ہے محمود لیکن کچھ تعلق ایسے بھی ہوتے ہیں جو کبھی نہیں ٹوٹتے ، بہت خاموش رہنے سے بھی نہیں
کیا خیال ہے تمھارا؟

 

[فاتح]

بہت خاموش رہنے سے ۔۔۔
تعلق مر بھی جاتے ہیں ۔۔۔

اگر خاموش رہنےسے
تعلق مرنے لگ جائیں
تو حیف ایسے تعلق پر
تو لعنت ایسے رشتے پر
تو اس مردود سے کہہ دو
تمھارا مرنا ہی اچھا
تمھاری موت ہی بہتر

 

[غ۔ن۔غ]

اگر خاموش رہنےسے
تعلق مرنے لگ جائیں
تو حیف ایسے تعلق پر
تو لعنت ایسے رشتے پر
تو اس مردود سے کہہ دو
تمھارا مرنا ہی اچھا
تمھاری موت ہی بہتر

بہت خوب فاتح بھیا ، اب دیکھتے ہیں محمود کی کیا رائے ہے اس سلسلے میں

 

[فاتح]

بہت خوب فاتح بھیا ، اب دیکھتے ہیں محمود کی کیا رائے ہے اس سلسلے میں

محترم م۔م۔مغل صاحب اور محترمہ غزل ناز غزل صاحبہ یہ غزل دیکھیے گا کہ جس قسم کے جذبات کا اظہار ہم نے اوپر کیا ہے اس سے ملتی جلتی داخلی کیفیات کی غماز ایک غزل ہے یہ۔

 

[مغزل]

بہت پیاری نظم ہے محمود لیکن کچھ تعلق ایسے بھی ہوتے ہیں جو کبھی نہیں ٹوٹتے ، بہت خاموش رہنے سے بھی نہیں
کیا خیال ہے تمھارا؟

میرا جو خیال ہے وہ تو تم نے کہہ دیا ہے غزل ۔۔
بعض اوقات ہم شاعر کی داخلی کیفیات کو منہا کرکے محض لفظوں کی صراحت پر محمول کرتے ہیں۔
تمھارا کہنا سو فیصد درست ہے مگر اب ہم کسی شاعر کو یہ تو نہیں سکھا سکتے ناں کہ وہ کیا لکھے ۔
حقیقت وہی ہے جو تم نے کہا کہ ، کچھ تعلق ایسے ہوتے ہیں جو کائنات کی کوئی طاقت نہیں توڑ سکتی ۔
برجستہ اظہار پر جی خوش ہوا۔۔

 

[مغزل]

اگر خاموش رہنےسے
تعلق مرنے لگ جائیں
تو حیف ایسے تعلق پر
تو لعنت ایسے رشتے پر
تو اس مردود سے کہہ دو
تمھارا مرنا ہی اچھا
تمھاری موت ہی بہتر

سو فیصد متفق فاتح بھائی ۔۔
بچارے شاعر نے محض ڈراوا دیا ہوگا۔۔
باقی آپ نے جو ردِ عمل ظاہر کیا ہے یہ شاعری کی معراج ہے۔۔
یہ شاعری اتنا اثر رکھتی ہے کہ جوابی ردِ عمل بھی اتنا ہی شدید ہوتا ہے۔۔
سلامت باشید رو بخیر۔۔

 

[مغزل]

بہت خوب فاتح بھیا ، اب دیکھتے ہیں محمود کی کیا رائے ہے اس سلسلے میں

محترم م۔م۔مغل صاحب اور محترمہ غزل ناز غزل صاحبہ یہ غزل دیکھیے گا کہ جس قسم کے جذبات کا اظہار ہم نے اوپر کیا ہے
اس سے ملتی جلتی داخلی کیفیات کی غماز ایک غزل ہے یہ۔

غزل میں رائے دے چکا ہوں اور تمھاری اور فاتح بھائی کی رائے سے صد فیصد متفق ہوں۔۔
جی فاتح بھائی میں بھی دیکھتا ہوں دیے گئے ربط پر ، بس ابھی حاضر ہوا۔۔

 

[محمد وارث]

خوب نظم ہے محمود صاحب، شکریہ شیئر کرنے کیلیے۔

ذاتی طور پر مجھے بھی اس خیال سے اتفاق نہیں ہے یعنی

بہت خاموش رہنے سے ۔۔۔
تعلق مر بھی جاتے ہیں ۔۔۔

لیکن میں اتنا ضرور جانتا ہوں کہ کچھ لوگ ایسا خیال رکھتے ضرور ہیں سو اس کو اگر نظم کر دیا گیا ہے تو خوب ہے

 

[الف عین]

گوگلنے سے پتہ چلتا ہے کہ یہ نظم عباس تابش کی ہے۔

 

[مغزل]

شکریہ وارث بھائی ۔ شکریہ بابا جانی میں نام تدوین کرکے شامل کرتا ہوں۔۔

 

[محمد عارب]

یہ نظم علی عدنان کی ہے۔ اس کے دو حصے ہیں.

 

[Maha]

اسے کون سمجھائے
اسے عشق ہوا ہے
اور عشق خود عالم ہے
سمجھنے کو سمجھانے کو

 

[محمد تابش صدیقی]

یہ نظم علی عدنان کی ہے۔ اس کے دو حصے ہیں.

تفصیل؟

 

[محمد عارب]

تفصیل؟

نیٹ پہ مختلف شعرا کے نام سے موجود ہے. لیکن میں ذاتی طور پر جانتا ہوں اور بارہا مشاعرے میں علی عدنان سے سن رکهی ہےمجهے. ان کی شاگردی کا شرف بهی حاصل ہے.

 

[محمد تابش صدیقی]

نیٹ پہ مختلف شعرا کے نام سے موجود ہے. لیکن میں ذاتی طور پر جانتا ہوں اور بارہا مشاعرے میں علی عدنان سے سن رکهی ہےمجهے. ان کی شاگردی کا شرف بهی حاصل ہے.

ضرور پیش کیجیے گا مکمل

 

[محمد عارب]

علی عدنان

اسے یہ کون سمجھائے

اسے یہ کون سمجھائے ۔۔۔۔۔
وہ دشت خامشی میں ۔۔۔
انگلیوں میں سیپیاں پہنے ۔۔۔۔۔
کسی سوکھے سمندر کی ۔۔۔
ادھوری پیاس کی باتیں ۔۔
بہت چپ چاپ سنتا ہے ۔۔۔۔۔
بہت خاموش رہتا ہے ۔۔۔
اسے یہ کون سمجھائے ۔۔
خوشی کے ایک آنسو سے ۔۔۔۔۔
سمندر بھر بھی جاتے ہیں ۔۔۔
بہت خاموش رہنے سے ۔۔۔
تعلق مر بھی جاتے ہیں ۔۔۔

دوسرا حصہ

اے دشت خامشی میں چلنے والے بے نوا ساتھی
مجھے کیوں ایسا لگتا ہے
تری خاموشیاں کچھ بھی نہیں
بس اک دکھاوا ہے
ترے اس موم جیسے جسم میں خاموش لاوا ہے
کہ تو سب کچھ سمجھتا ہے
مگر کچھ کر نہیں سکتا
کسی کو مارنے والا
کسی پہ مر نہیں سکتا

علی عدنان

نوٹ: کچھ دن پہلے ان سے ملاقات ہوئی تو انھوں نے بتایا کہ یہ دونوں نظمیں زمانہ ء طالب علمی کی ہیں۔ جب وہ بی۔اے میں تھے۔

 

[فاخر رضا]

فاتح
اب کچھ لکھیں