نظم: ام الکتاب (سورۃ الفاتحہ کا منظوم مفہوم) ٭ تابش

[محمد تابش صدیقی]

ام الکتاب
سورۃ الفاتحہ کا منظوم مفہوم
٭
لائقِ ہر ثنا، مالکِ دوجہاں
تو بڑا مہرباں، تیری رحمت رواں

بادشاہی بچے گی تری ہی یہاں
جب الٹ جائے گی یہ بساطِ جہاں

ہیں ہماری عبادات تیرے لیے
تیرے آگے ہی پھیلائے ہیں جھولیاں

سیدھے رستے پہ ہم کو چلا اے خدا!
یعنی ہم کو دکھا جادۂ منعماں

اپنے مغضوب لوگوں کی رہ سے بچا
مت بنا ہم کو ہمراہیِ گمرہاں
٭٭٭
محمد تابش صدیقی​

 

[فہد اشرف]

بہت خوب تابش، سبحان اللہ۔
دوسرے شعر میں آپ نے شاید لپٹ جائے گی کو لپیٹ دی جائے گی معنی میں استعمال کیا جو کہ صحیح نہیں لگ رہا ہے۔ ایک بہتر متبادل پلٹ جائے گی ہو سکتا ہے لیکن اس سے لپیٹ دی جائے گی کا معنی نہیں پیدا ہو گا۔

 

[محمد تابش صدیقی]

بہت خوب تابش، سبحان اللہ۔
دوسرے شعر میں آپ نے شاید لپٹ جائے گی کو لپیٹ دی جائے گی معنی میں استعمال کیا جو کہ صحیح نہیں لگ رہا ہے۔ ایک بہتر متبادل پلٹ جائے گی ہو سکتا ہے لیکن اس سے لپیٹ دی جائے گی کا معنی نہیں پیدا ہو گا۔

جزاک اللہ خیر۔
کوئی مناسب متبادل ملتا ہے تو بدل دیتا ہوں۔

 

[محمد تابش صدیقی]

بہت خوب تابش، سبحان اللہ۔
دوسرے شعر میں آپ نے شاید لپٹ جائے گی کو لپیٹ دی جائے گی معنی میں استعمال کیا جو کہ صحیح نہیں لگ رہا ہے۔ ایک بہتر متبادل پلٹ جائے گی ہو سکتا ہے لیکن اس سے لپیٹ دی جائے گی کا معنی نہیں پیدا ہو گا۔

جب الٹ جائے گی یہ بساطِ جہاں

 

[عرفان سعید]

بہت خوب تابش بھائی!
دو سوال پیشِ خدمت ہیں۔

اپنے مغضوب لوگوں کی رہ سے بچا
مت بنا ہم کو ہمراہیِ گمرہاں

1۔ درست املا ہمراہیِ گمرہاں ہو گی یا ہمراہیٔ گمرہاں؟
2۔ گمرہاں کس قاعدے سے وجود میں آیا ہے؟

 

[فہد اشرف]

دو سوال پیشِ خدمت ہیں۔

1۔ درست املا ہمراہیِ گمرہاں ہو گی یا ہمراہیٔ گمرہاں؟
2۔ گمرہاں کس قاعدے سے وجود میں آیا ہے؟

1- میرے خیال سے ی کے ساتھ کسرۂ اضافت ہی استعمال ہوتا ہے قواعد کے رو سے کیا درست ہے وہ اہل علم بتائیں گے۔
2- لاحقۂ جمع 'اں' کے استعمال سے۔

 

[محمد تابش صدیقی]

بہت خوب تابش بھائی!
دو سوال پیشِ خدمت ہیں۔

1۔ درست املا ہمراہیِ گمرہاں ہو گی یا ہمراہیٔ گمرہاں؟
2۔ گمرہاں کس قاعدے سے وجود میں آیا ہے؟

جزاک اللہ خیر
1۔ ہمراہیِ گمرہاں۔ ی کے ساتھ اضافت آتی ہے۔
2۔ قاعدہ اردو دان حضرات جانیں۔ میں نے تو جمع کا یہ انداز مستعمل دیکھا، اور استعمال کر لیا۔

 

[محمد خلیل الرحمٰن]

ہمارے ناقص خیال میں یہاں "ہمیں ہمراہیِ گمرہاں سے بچا" کا
یا " ہمیں ہمرہانِ گمرہاں" مت بنا کا محل ہے۔

وللہ اعلم

 

[فاتح]

واہ واہ خوبصورت منظوم ترجمہ ہے۔ مبروک تابش بھائی۔

1۔ درست املا ہمراہیِ گمرہاں ہو گی یا ہمراہیٔ گمرہاں؟

درست املا وہی ہے جو تابش بھائی نے لکھی۔

2۔ گمرہاں کس قاعدے سے وجود میں آیا ہے؟

راہ اور رہ دونوں مستعمل ہیں اس لیے گمراہ اور گمرہ اور گمراہان اور گمرہان ہر دو طرح درست ہیں۔
ہر اک ٹھوکر کی زد میں لاکھ منزل
ہمیں ڈھونڈو، نصیبِ گمرہاں ہم
(مجید امجد)

انشاؔ کروں جو پیرویِ شیخ و برہمن
میں بھی انہوں کی طرح سے جوں گمرہاں رہوں
(انشاء اللہ خان انشا)

 

[محمد تابش صدیقی]

ہمارے ناقص خیال میں یہاں "ہمیں ہمراہیِ گمرہاں سے بچا" کا
یا " ہمیں ہمرہانِ گمرہاں" مت بنا کا محل ہے۔

وللہ اعلم

میرا خیال ہے
گمراہوں کی ہمراہی سے بچا
یا
گمراہوں کا ہمراہی مت بنا

دونوں ہی درست ہیں۔

 

[محمد تابش صدیقی]

واہ واہ خوبصورت منظوم ترجمہ ہے۔ مبروک تابش بھائی۔

جزاک اللہ خیر فاتح بھائی۔
اسناد فراہم کرنے پر بھی ممنون ہوں۔

 

[عرفان سعید]

راہ اور رہ دونوں مستعمل ہیں اس لیے گمراہ اور گمرہ اور گمراہان اور گمرہان ہر دو طرح درست ہیں۔

فاتح بھائی! راہ کے متبادل رہ، گمراہ کے متبادل گمرہ لانے کا اصول کیا عمومی نوعیت کا ہے یا چند الفاظ کے لیے مخصوص ہے؟

 

[فاتح]

فاتح بھائی! راہ کے متبادل رہ، گمراہ کے متبادل گمرہ لانے کا اصول کیا عمومی نوعیت کا ہے یا چند الفاظ کے لیے مخصوص ہے؟

ضرورت شعری ۔
سند تو یہی ہے کہ اگر اساتذہ نے برتا ہے تو برت لیں۔
ویسے فارسی کے وہ الفاظ جن کے آخر میں اہ آتا ہو مثلاً راہ، گاہ ، ماہ وغیرہ کا الف گرا کر بالترتیب رہ، گہ، مہ، وغیرہ بھی مستعمل ہیں۔

 

[محمد تابش صدیقی]

ضرورت شعری ۔
سند تو یہی ہے کہ اگر اساتذہ نے برتا ہے تو برت لیں۔
ویسے فارسی کے وہ الفاظ جن کے آخر میں اہ آتا ہو مثلاً راہ، گاہ ، ماہ وغیرہ کا الف گرا کر بالترتیب رہ، گہ، مہ، وغیرہ بھی مستعمل ہیں۔

پناہ پنہ، نگاہ نگہ، گناہ گنہ

 

[جاسمن]

ماشاءاللہ۔
زبردست!
اللہ نے کیا کلام اتارا آپ کے ذہن میں!
سبحان اللہ۔ سبحان اللہ۔