دائم
محفلین
کسی نیم شب کے سنہرے اندھیرے میں
اک نازک اندام احساس
قرطاسِ تَن پر تموُّج سے پُرکیف رونق سجائے
مرے خانۂ دل میں ہے یوں خراماں
وہ پُر لُطف منظر!
کہ روح و جَسَد میں کمالِ توصُّل تھا
حدت کی لذت سے ہم آشنا تھے
لبِ کُوزۂ قَند سے آبِ حیواں کے صدہا خزینے چُنے جا رہے تھے
حنا بستہ انگشتِ پیچاں کا وہ لمسِ دلکش
جبیں عکسِ صبحِ فزا تھی
اور اس پر وہ شبنم کا تھا بوسۂ شور افشاں
عیاں سینۂ جلوہ گاہِ نزاکت پہ تھے قبۂ نور کے دو نظارے
سہیلِ یمن وہ ذقن
گوشِ برگِ سَمَن
خالِ عنبر فشاں، سلکِ الماس دنداں
تبسّم، تکلُّم، ترنُّم کی یک طرفہ شوخی
اِدھر تھا یہ عشقِ جنوں خیز و سیماب
گُل رنگ و حسرت پسند و جگر تاب و شوریدہ سر
اور اُدھر حسنِ ایماں فریب و مسیحا صِفت
عشقِ شعلہ نُما
قُفلِ زندانِ زیریں سے دست و گریباں رہا دیر تک
شمعِ تابندہ پر تھا نثار ایک پروانہ
اپنے وجودِ گراں سے خلاصی کی چاہت لیے دامنِ التجا میں
گھڑی دو گھڑی میں
وہ ساعت قرینِ رگِ انتظار آ گئی
جس کی لذت کا احساس ادراک سے ماورا ہے
معاً دشتِ جاں سے وہ لاوا اُبل آیا
اور یوں
سفینہ سمندر میں ہچکولے کھاتا ہوا ساحلِ تن سے آخر جدا ہو گیا
ایسے گرداب کی غوطہ گیری کی
پھر سے تمنا ہے
لیکن
مسافت کی بندش سے ممکن نہیں ہے
وہ ماضی کا اک سرد
لیکن تپاں لمحۂ راحت افزا
ابھی بھی جو لوحِ نہاں پر رواں ہو رہا ہو تو
جذبات میں اک طلاطم بپا
اور تن میں نئی آگ سی پھیل جاتی ہے
یعنی مجھے وہ شبِ وصل پھر یاد آ جاتی ہے یوں!!
غلام مصطفیٰ دائم اعوان
اک نازک اندام احساس
قرطاسِ تَن پر تموُّج سے پُرکیف رونق سجائے
مرے خانۂ دل میں ہے یوں خراماں
وہ پُر لُطف منظر!
کہ روح و جَسَد میں کمالِ توصُّل تھا
حدت کی لذت سے ہم آشنا تھے
لبِ کُوزۂ قَند سے آبِ حیواں کے صدہا خزینے چُنے جا رہے تھے
حنا بستہ انگشتِ پیچاں کا وہ لمسِ دلکش
جبیں عکسِ صبحِ فزا تھی
اور اس پر وہ شبنم کا تھا بوسۂ شور افشاں
عیاں سینۂ جلوہ گاہِ نزاکت پہ تھے قبۂ نور کے دو نظارے
سہیلِ یمن وہ ذقن
گوشِ برگِ سَمَن
خالِ عنبر فشاں، سلکِ الماس دنداں
تبسّم، تکلُّم، ترنُّم کی یک طرفہ شوخی
اِدھر تھا یہ عشقِ جنوں خیز و سیماب
گُل رنگ و حسرت پسند و جگر تاب و شوریدہ سر
اور اُدھر حسنِ ایماں فریب و مسیحا صِفت
عشقِ شعلہ نُما
قُفلِ زندانِ زیریں سے دست و گریباں رہا دیر تک
شمعِ تابندہ پر تھا نثار ایک پروانہ
اپنے وجودِ گراں سے خلاصی کی چاہت لیے دامنِ التجا میں
گھڑی دو گھڑی میں
وہ ساعت قرینِ رگِ انتظار آ گئی
جس کی لذت کا احساس ادراک سے ماورا ہے
معاً دشتِ جاں سے وہ لاوا اُبل آیا
اور یوں
سفینہ سمندر میں ہچکولے کھاتا ہوا ساحلِ تن سے آخر جدا ہو گیا
ایسے گرداب کی غوطہ گیری کی
پھر سے تمنا ہے
لیکن
مسافت کی بندش سے ممکن نہیں ہے
وہ ماضی کا اک سرد
لیکن تپاں لمحۂ راحت افزا
ابھی بھی جو لوحِ نہاں پر رواں ہو رہا ہو تو
جذبات میں اک طلاطم بپا
اور تن میں نئی آگ سی پھیل جاتی ہے
یعنی مجھے وہ شبِ وصل پھر یاد آ جاتی ہے یوں!!
غلام مصطفیٰ دائم اعوان
