نعت ۔ علامہ طاہر القادری

[محمد وارث]

ٹی وی پر چشتیہ محفلِ سماع کی ایک سی ڈی دیکھنے کا موقع ملا، اس میں طاہر القادری صاحب بھی موجود تھے۔ قوالوں نے طاہر القادری صاحب کا ایک نعتیہ کلام بھی گایا۔ شاعری مجھے پسند آئی سو یہاں پوسٹ کر رہا ہوں۔

تیرے ہوتے جنم لیا ہوتا
پھر کبھی تو تجھے ملا ہوتا​

کاش میں سنگِ در ترا ہوتا
تیرے قدموں کو چومتا ہوتا​

تُو چلا کرتا میری پلکوں پر
کاش میں تیرا راستہ ہوتا​

لڑتا پھرتا ترے عدوؤں سے
تیری خاطر میں مر گیا ہوتا​

ہوتا طاہر ترے فقیروں میں
تیری دہلیز پر پڑا ہوتا​

۔

 

[الف نظامی]

سبحان اللہ ، بہت خوب!

 

[عمار ابن ضیا]

یہ کلام شاید طاہر القادری صاحب نے خود بھی کسی محفل میں سنایا ہے۔۔۔۔ بہت خوب لکھا ہے۔

 

[فرخ منظور]

لڑتا پھرتا ترے عدوؤں سے
تیری خاطر میں مر گیا ہوتا​

ہوتا طاہر ترے فقیروں میں
تیری دہلیز پر پڑا ہوتا​

بہت خوب وارث صاحب واقعی خوبصورت نعت ہے اور مجھے حیرت ہوئی کہ میرا ہمسایہ اتنی اچھی نعت کہ سکتا ہے-

 

[Dilkash]

کیا قادری صاحب جو کہتا ہے وہ مانتا بھی ہے؟؟؟

 

[فرخ منظور]

اچھا تبصرہ ہے دلکش!

 

[محمد وارث]

بہت شکریہ آپ سب کا الف نظامی صاحب، عمار اور فرخ صاحب۔

کیا قادری صاحب جو کہتا ہے وہ مانتا بھی ہے؟؟؟

ارے خان بھائی یہ تو قادری صاحب خود بہتر فرما سکتے ہیں یا انکے ہمسائے۔

۔

 

[ساجد]

کیا قادری صاحب جو کہتا ہے وہ مانتا بھی ہے؟؟؟

فیروز بھائی ،
دلوں کے حال تو سوہنا رب ہی جانتا ہے۔ ہم نے تو طاہرالقادری صاحب کے نعتیہ اشعار اور نبی پاک کی مدحت پر پسندیدگی کا اظہار کیا ہے۔

 

[نوید]

السلام علیکم ورحمتہ اللہ وربرکاتہ
امید ہے کہ سب خیریت سے ہونگے

یہ نعت تسنیم صابری کے انداز میں ۔
[ame]http://video.google.com/videoplay?docid=6203700468795807478&[/ame]

خوش رہیں

 

[الف نظامی]

اسی زمین میں‌ حسن نثار صاحب کالم نگار کی نعت بھی ہے۔

 

[فرخ منظور]

اسی زمین میں‌ حسن نثار صاحب کالم نگار کی نعت بھی ہے۔

نظامی صاحب - حسن نثار صاحب کی نعت بھی پوسٹ کردیں تو عنائت ہوگی -

 

[محسن حجازی]

ہم تو سمجھے کہ حسن نثار محض مرثیے ہی کہتے ہیں۔

 

[الف نظامی]

نظامی صاحب - حسن نثار صاحب کی نعت بھی پوسٹ کردیں تو عنائت ہوگی -

معذرت اس وقت یہ نعت نہیں مل رہی ، حسن نثار کے کسی کالم میں پڑھی تھی۔

اس کا ایک شعر ذہن میں ہے:

مجھ کو خالق بناتا غار حسن
پھر میرا نام بھی حرا ہوتا

تلاش کے دوران اس سے ملتی جلتی ایک اور نعت مل گئی ، ملاحظہ ہو:

اے کاش عہدِ رسالت میں میں ہوا ہوتا
رسولِ پاک کے قدموں کو چومتا ہوتا

حضور ! آپ کے نعلین ہوتے آنکھوں پر
مدینہ پاک کی راہوں میں یوں بچھا ہوتا

مجھے بھی نسبتِ خاکِ مدینہ مل جاتی
کبھی جو مر کے مدینے کی گردِ راہ ہوتا

میں ان کے شہر کی گلیوں کی کنکری بن کر
گواہی شانِ رسالت کی دے رہا ہوتا

حِرا کے غار میں امت کے غم میں بہہ جاتا
جو ایک قطرہء چشمانِ مصطفیٰ ہوتا

میں نورِ جلوہء حسنِ ازل کی چاہت میں
بلالِ حبشی کی راہوں پہ چل پڑا ہوتا

سگانِ کوچہء جاناں میں نام آتا میرا
نبی کے خوانِ کرم پہ جو پل رہا ہوتا

دیے جلاتا میں پلکوں پہ ایسے شام و سحر
بس ان کے دیکھتے رہنے کا سلسلہ ہوتا

ہزار جان سے قرباں بنامِ سرورِ دیں
میرا وجود بھی سنگِ رہِ وفا ہوتا

رضا سے خار کو قربت چمن کی مل جاتی
میں پھول بن کے جہاں میں مہک گیا ہوتا

ربط

 

[برادر]

السلام علیکم۔
رضا سے خار کو قربت چمن کی مل جاتی
میں پھول بن کے جہاں میں مہک گیا ہوتا


یہ نعت ایک بہت اچھے دوست محمد نعیم رضا کی ہے۔

 

[محمد اقبال فانی]

کیا قادری صاحب جو کہتا ہے وہ مانتا بھی ہے؟؟؟

میرے بھائی جب تک دل سے تاجدارِ کائنات صلی اللہ علیہ وآلہ وسلم کا چشمہ نہ پھوٹے اس وقت تک دامنِ قرطاسِ اظہارِ محبت سے تہی رہتا ہے، قادری صاحب نے دل سے مانا، تو قلم کو سلیقہ مدحت نصیب ہوا، ورنہ ہر کلام تلقی بالقبول کے درجے پر فائز نہیں ہواکرتا، یہ تو دل سے نکلی ہے تو دل میں پیوست ہوئی ہے،
دل سے جو بات نکلتی ہے اثر رکھتی ہے
پر نہیں طاقتِ پرواز مگع رکھتی ہے۔



خیال اپنااپنا، سوچ اپنی اپنی

 

[حسن محمود جماعتی]

بہت خوب۔ زبردست ۔ سبحان اللہ۔