حسان خان
لائبریرین
بادل رواں ہیں، دَل کے دَل
جیسے دَمَن کی دُھن میں نَل
اور نعرہ زن ہے بر محل
ساقی بآوازِ دُہَل
گلشن میں آ، گھر سے نکل
حی علی خیر العمل
حی علی خیر العمل
ہر شور ہے، اک زیر بم
ہر ٹھیکرا ہے، جامِ جم
ہر تان، زلفِ خم بہ خم
ہر سنگ، اک بیت الصنم
ہر بول، ایک ضرب المثل
حی علی خیر العمل
حی علی خیر العمل
ہر گام۔۔ اک جولاں دُکھن
ہر سانس۔۔ اک غلطاں چبھن
لیکن نہ گھبرا یارِ من
غم کی دوا ہے بانکپن
تو زندہ ہے، دنیا زٹل
حی علی خیر العمل
حی علی خیر العمل
دوشِ ہوا پر بوئے مے
روئے سماعت، سوئے نَے
زریں سبو میں غرق ہے
تختِ سکندر، تاجِ کَے
تو بھی شہانہ چال چل
حی علی خیر العمل
حی علی خیر العمل
یہ کُوکتی کالی گھٹا
یہ گھومتی بھیگی ہوا
یہ ناچتی جھلمل فضا
یہ ڈولتے ارض و سما
یہ بولتے دشت و جبل
حی علی خیر العمل
حی علی خیر العمل
ہاں، بحر و بر کی جان ہے
جن و بشر کی جان ہے
شمس و قمر کی جان ہے
عمرِ خضر کی جان ہے
یہ ایک ساعت، ایک پل
حی علی خیر العمل
حی علی خیر العمل
رقصاں ہیں تُرکانِ جواں
گوہر فروش و گل چکاں
ہر لہجہ، اک نہرِ جناں
ہر عشوہ، اک شہرِ بتاں
ہر فقرہ، اک بیت الغزل
حی علی خیر العمل
حی علی خیر العمل
کُوکُو، خروشاں، کُوبکو
ہلچل، جوانی، ہاؤ ہو
پیہو، جھڑی، بربط، سبو
بکھرے ہوئے ہیں چار سو
مستی کے اسباب و عِلَل
حی علی خیر العمل
حی علی خیر العمل
آ، خلدِ رنداں میں در آ
ساغر اٹھا، سکے بٹھا
ڈرنا، ارے، کس بات کا
اس وقت تُو دھومیں مچا
کل آئے گی۔۔ آئے اجل
حی علی خیر العمل
حی علی خیر العمل
آ، حلقۂ سنبل میں آ
کاشانۂ قلقل میں آ
دولت سرائے گُل میں آ
دارالقضائے مُل میں آ
اے بندۂ مکر و دَغَل
حی علی خیر العمل
حی علی خیر العمل
دانا ہے، جو خوش خوش جیا
خود پر نہ غم طاری کیا
برخیز و بخروش و بیا
بجھنے نہ دے، دل کا دیا
پڑنے نہ دے، تیوری پہ بل
حی علی خیر العمل
حی علی خیر العمل
شاخِ ترنم پر چٹک
دنیا کو دامن سے جھٹک
انگڑائی لے، بن جا دھنک
مستی کے جھونکوں میں پھبک
ہستی کے شعلوں میں نہ جل
حی علی خیر العمل
حی علی خیر العمل
اے شرمگیں بنتِ سحر
آنکھیں اٹھا، پیمانہ بھر
رقصندہ ہو اے بحر و بر
اے زندگی، لچکا کمر
اے موج، ساحل پر مچل
حی علی خیر العمل
حی علی خیر العمل
اے غنچۂ خاطر، چٹک
اے شاخِ جولانی، لچک
اے کشتِ سرمستی، لہک
اے ذوقِ سرشاری، ہُمَک
اے چشمۂ صہبا، اُبَل
حی علی خیر العمل
حی علی خیر العمل
ہاں، اے اکائی کی ہوا
اعداد کے شعلے بجھا
اقوام کو واحد بنا
اطلاق کے حلقے میں لا
کثرت کو وحدت میں بدل
حی علی خیر العمل
حی علی خیر العمل
جیبِ تعصب پھاڑ دے
ہر سقف کو اڑواڑ دے
الفت کے جھنڈے گاڑ دے
دامانِ دل سے جھاڑ دے
خاشاکِ ادیان و ملل
حی علی خیر العمل
حی علی خیر العمل
سینوں میں تا کے یہ کلف
کب تک رہے گی عقل گف
ہاں چل، اٹھا کر چنگ و دف
توحیدِ انساں کی طرف
قوموں کی دلدل سے نکل
حی علی خیر العمل
حی علی خیر العمل
ہاں، پیشِ خاصانِ ادب
امراض ہیں، رنگ و نسب
ہندی و افغان و عرب
اک نسل سے ہیں سب کے سب
دل کو جگا، آنکھوں کو مل
حی علی خیر العمل
حی علی خیر العمل
الحاد و ایماں کے عَلَم
غلطان و جنباں ہیں بہم
چاروں طرف جولاں صنم
اور بیچ میں شمعِ حرم
خود کعبہ۔۔ کاشی در بغل
حی علی خیر العمل
حی علی خیر العمل
اے عرش کے مشکل کشا
اے فرش کے فرماں روا
انصاف کے جوہر دکھا
مظلوم کو سر پر بٹھا
ظالم کو تلووں سے مسل
حی علی خیر العمل
حی علی خیر العمل
اے طائرِ فکرِ بشر
پر کھول، بے خوف و خطر
ہاں، اور کچھ پرواز کر
وہ شمس ہے، اور یہ قمر
وہ مشتری ہے، یہ زحل
حی علی خیر العمل
حی علی خیر العمل
اے آدمی، نورِ احد
اے کردگارِ مستند
اے موجدِ حرفِ صمد
اے خسروِ شامِ ابد
اے داورِ صبحِ ازل
حی علی خیر العمل
حی علی خیر العمل
اٹھ، میکدے کی جان بن
ارض و سما کی آن بن
رزاق بن، رحمان بن
اے آدمی، انسان بن
تا چند یہ جنگ و جدل
حی علی خیر العمل
حی علی خیر العمل
اے شعلۂ احساں، بھڑک
اے شیشۂ نفرت، دَرَک
اے سایۂ وحشت، سَرَک
اے خوف کے اژدر، دَبَک
اے موت کے لوہے، پگھل
حی علی خیر العمل
حی علی خیر العمل
خورشید و ماہ و فرقداں
کہسار و قوس و کہکشاں
صحرا و دشت و بوستاں
عرش و زمین و آسماں
یہ سب ہیں دریا۔۔ تو کنول
حی علی خیر العمل
حی علی خیر العمل
لعل و دُر و گنج و گہر
غیب و شہود و خشک و تر
ان سب میں، اے اہلِ نظر
صرف آدمی ہے معتبر
باقی ہیں سب لات و ہبل
حی علی خیر العمل
حی علی خیر العمل
جیسے دَمَن کی دُھن میں نَل
اور نعرہ زن ہے بر محل
ساقی بآوازِ دُہَل
گلشن میں آ، گھر سے نکل
حی علی خیر العمل
حی علی خیر العمل
ہر شور ہے، اک زیر بم
ہر ٹھیکرا ہے، جامِ جم
ہر تان، زلفِ خم بہ خم
ہر سنگ، اک بیت الصنم
ہر بول، ایک ضرب المثل
حی علی خیر العمل
حی علی خیر العمل
ہر گام۔۔ اک جولاں دُکھن
ہر سانس۔۔ اک غلطاں چبھن
لیکن نہ گھبرا یارِ من
غم کی دوا ہے بانکپن
تو زندہ ہے، دنیا زٹل
حی علی خیر العمل
حی علی خیر العمل
دوشِ ہوا پر بوئے مے
روئے سماعت، سوئے نَے
زریں سبو میں غرق ہے
تختِ سکندر، تاجِ کَے
تو بھی شہانہ چال چل
حی علی خیر العمل
حی علی خیر العمل
یہ کُوکتی کالی گھٹا
یہ گھومتی بھیگی ہوا
یہ ناچتی جھلمل فضا
یہ ڈولتے ارض و سما
یہ بولتے دشت و جبل
حی علی خیر العمل
حی علی خیر العمل
ہاں، بحر و بر کی جان ہے
جن و بشر کی جان ہے
شمس و قمر کی جان ہے
عمرِ خضر کی جان ہے
یہ ایک ساعت، ایک پل
حی علی خیر العمل
حی علی خیر العمل
رقصاں ہیں تُرکانِ جواں
گوہر فروش و گل چکاں
ہر لہجہ، اک نہرِ جناں
ہر عشوہ، اک شہرِ بتاں
ہر فقرہ، اک بیت الغزل
حی علی خیر العمل
حی علی خیر العمل
کُوکُو، خروشاں، کُوبکو
ہلچل، جوانی، ہاؤ ہو
پیہو، جھڑی، بربط، سبو
بکھرے ہوئے ہیں چار سو
مستی کے اسباب و عِلَل
حی علی خیر العمل
حی علی خیر العمل
آ، خلدِ رنداں میں در آ
ساغر اٹھا، سکے بٹھا
ڈرنا، ارے، کس بات کا
اس وقت تُو دھومیں مچا
کل آئے گی۔۔ آئے اجل
حی علی خیر العمل
حی علی خیر العمل
آ، حلقۂ سنبل میں آ
کاشانۂ قلقل میں آ
دولت سرائے گُل میں آ
دارالقضائے مُل میں آ
اے بندۂ مکر و دَغَل
حی علی خیر العمل
حی علی خیر العمل
دانا ہے، جو خوش خوش جیا
خود پر نہ غم طاری کیا
برخیز و بخروش و بیا
بجھنے نہ دے، دل کا دیا
پڑنے نہ دے، تیوری پہ بل
حی علی خیر العمل
حی علی خیر العمل
شاخِ ترنم پر چٹک
دنیا کو دامن سے جھٹک
انگڑائی لے، بن جا دھنک
مستی کے جھونکوں میں پھبک
ہستی کے شعلوں میں نہ جل
حی علی خیر العمل
حی علی خیر العمل
اے شرمگیں بنتِ سحر
آنکھیں اٹھا، پیمانہ بھر
رقصندہ ہو اے بحر و بر
اے زندگی، لچکا کمر
اے موج، ساحل پر مچل
حی علی خیر العمل
حی علی خیر العمل
اے غنچۂ خاطر، چٹک
اے شاخِ جولانی، لچک
اے کشتِ سرمستی، لہک
اے ذوقِ سرشاری، ہُمَک
اے چشمۂ صہبا، اُبَل
حی علی خیر العمل
حی علی خیر العمل
ہاں، اے اکائی کی ہوا
اعداد کے شعلے بجھا
اقوام کو واحد بنا
اطلاق کے حلقے میں لا
کثرت کو وحدت میں بدل
حی علی خیر العمل
حی علی خیر العمل
جیبِ تعصب پھاڑ دے
ہر سقف کو اڑواڑ دے
الفت کے جھنڈے گاڑ دے
دامانِ دل سے جھاڑ دے
خاشاکِ ادیان و ملل
حی علی خیر العمل
حی علی خیر العمل
سینوں میں تا کے یہ کلف
کب تک رہے گی عقل گف
ہاں چل، اٹھا کر چنگ و دف
توحیدِ انساں کی طرف
قوموں کی دلدل سے نکل
حی علی خیر العمل
حی علی خیر العمل
ہاں، پیشِ خاصانِ ادب
امراض ہیں، رنگ و نسب
ہندی و افغان و عرب
اک نسل سے ہیں سب کے سب
دل کو جگا، آنکھوں کو مل
حی علی خیر العمل
حی علی خیر العمل
الحاد و ایماں کے عَلَم
غلطان و جنباں ہیں بہم
چاروں طرف جولاں صنم
اور بیچ میں شمعِ حرم
خود کعبہ۔۔ کاشی در بغل
حی علی خیر العمل
حی علی خیر العمل
اے عرش کے مشکل کشا
اے فرش کے فرماں روا
انصاف کے جوہر دکھا
مظلوم کو سر پر بٹھا
ظالم کو تلووں سے مسل
حی علی خیر العمل
حی علی خیر العمل
اے طائرِ فکرِ بشر
پر کھول، بے خوف و خطر
ہاں، اور کچھ پرواز کر
وہ شمس ہے، اور یہ قمر
وہ مشتری ہے، یہ زحل
حی علی خیر العمل
حی علی خیر العمل
اے آدمی، نورِ احد
اے کردگارِ مستند
اے موجدِ حرفِ صمد
اے خسروِ شامِ ابد
اے داورِ صبحِ ازل
حی علی خیر العمل
حی علی خیر العمل
اٹھ، میکدے کی جان بن
ارض و سما کی آن بن
رزاق بن، رحمان بن
اے آدمی، انسان بن
تا چند یہ جنگ و جدل
حی علی خیر العمل
حی علی خیر العمل
اے شعلۂ احساں، بھڑک
اے شیشۂ نفرت، دَرَک
اے سایۂ وحشت، سَرَک
اے خوف کے اژدر، دَبَک
اے موت کے لوہے، پگھل
حی علی خیر العمل
حی علی خیر العمل
خورشید و ماہ و فرقداں
کہسار و قوس و کہکشاں
صحرا و دشت و بوستاں
عرش و زمین و آسماں
یہ سب ہیں دریا۔۔ تو کنول
حی علی خیر العمل
حی علی خیر العمل
لعل و دُر و گنج و گہر
غیب و شہود و خشک و تر
ان سب میں، اے اہلِ نظر
صرف آدمی ہے معتبر
باقی ہیں سب لات و ہبل
حی علی خیر العمل
حی علی خیر العمل
(جوش ملیح آبادی)
