حسان خان
لائبریرین
اب دل میں وہ رم جھم ہے، وہ نغمے، وہ نوائیں
شعلوں سے بھی اٹھتی نظر آتی ہے گھٹائیں
اِس خاک کے سینے سے نکلتی ہوئی آنچیں
بُنتی ہوئی ملتی ہیں شفق رنگ ردائیں
اب تو نظر آتے ہیں دبے پاؤں خراماں
کہسار بھی۔۔۔ پہنے ہوئے شیشوں کی قبائیں
اب صرصر و گلخن کی طرف سے بھی شب و روز
آتی ہیں کسی گوشۂ داماں کی ہوائیں
غلطاں ہیں دلِ خاک میں سیّار و ثوابت
اب آؤ کہ ذرات کا گھونگٹ بھی اٹھائیں
فرقِ من و تو کفر ہے، احساسِ دوئی شرک
ہاں آؤ کہ اب دھوم سے یہ نعرہ لگائیں
آفاق ہے یک رشتہ و یک گوہر و یک نسل
بھٹکے ہوئے انسان کو یہ نکتہ سُجھائیں
اعداد کے فتنوں کو۔۔ اکائی میں جکڑ کر
نقشوں کی سیہ کار لکیروں کو مٹائیں
ہر اسم۔۔ بس اک حرف ہے، ہر جسم۔۔ بس اک حجم
اس اسم کی، اس حجم کی دیوار گرائیں
محدود تھے کل، دوست تک، آدابِ محبت
دشمن کو بھی، اب آؤ، کلیجے سے لگائیں
سب اپنے ہی خرمن ہیں، سب اپنے ہی نشیمن
اے لیلئِ توحید، کدھر آگ لگائیں؟
جنت کے اجالوں کو بھی آنکھوں پہ جگہ دیں
دوزخ کے اندھیروں کو بھی زانو پہ سلائیں
اُس ایک لبِ زندہ پہ قربان دو عالم
جس لب پہ حریفوں کے لیے بھی ہوں دعائیں
ہاں آؤ کہ اب کعبہ و کاشی سے اٹھا کر
انسان کو اللہ کی مسند پہ بٹھائیں
شعلوں سے بھی اٹھتی نظر آتی ہے گھٹائیں
اِس خاک کے سینے سے نکلتی ہوئی آنچیں
بُنتی ہوئی ملتی ہیں شفق رنگ ردائیں
اب تو نظر آتے ہیں دبے پاؤں خراماں
کہسار بھی۔۔۔ پہنے ہوئے شیشوں کی قبائیں
اب صرصر و گلخن کی طرف سے بھی شب و روز
آتی ہیں کسی گوشۂ داماں کی ہوائیں
غلطاں ہیں دلِ خاک میں سیّار و ثوابت
اب آؤ کہ ذرات کا گھونگٹ بھی اٹھائیں
فرقِ من و تو کفر ہے، احساسِ دوئی شرک
ہاں آؤ کہ اب دھوم سے یہ نعرہ لگائیں
آفاق ہے یک رشتہ و یک گوہر و یک نسل
بھٹکے ہوئے انسان کو یہ نکتہ سُجھائیں
اعداد کے فتنوں کو۔۔ اکائی میں جکڑ کر
نقشوں کی سیہ کار لکیروں کو مٹائیں
ہر اسم۔۔ بس اک حرف ہے، ہر جسم۔۔ بس اک حجم
اس اسم کی، اس حجم کی دیوار گرائیں
محدود تھے کل، دوست تک، آدابِ محبت
دشمن کو بھی، اب آؤ، کلیجے سے لگائیں
سب اپنے ہی خرمن ہیں، سب اپنے ہی نشیمن
اے لیلئِ توحید، کدھر آگ لگائیں؟
جنت کے اجالوں کو بھی آنکھوں پہ جگہ دیں
دوزخ کے اندھیروں کو بھی زانو پہ سلائیں
اُس ایک لبِ زندہ پہ قربان دو عالم
جس لب پہ حریفوں کے لیے بھی ہوں دعائیں
ہاں آؤ کہ اب کعبہ و کاشی سے اٹھا کر
انسان کو اللہ کی مسند پہ بٹھائیں
(جوش ملیح آبادی)
