غزل قاضی
محفلین
ننگ و نام
صُبح تک آتی ہے سینے سے کِسی کی آواز
ہائے ، یہ سِلسلہ ء شامِ غریباں زیدی
تُو مرے واسطے کُیوں مَورِدِ الزام ہُوا
تُونے کُیوں ترک کیا رشتہ ء یاراں، زیدی
اب نہ وُہ کوچہ و بازار میں آنا جانا
اب نہ وہ صحبت ِ احباب و ادیباں ، زیدی
اب ترے غم پہ زمانے کو ہنسی آتی ہے
پُھول جلتا ہے ، تو کِھلتا ہےگُلستاں ، زیدی
ترے نزدیک سے کترا کے نِکل جاتے ہیں
تیرے اَیوانِ لب و فکر کے درباں ، زیدی
لشکر و افسر اَورنگ مِٹا کر تُونے
وضع کی صُورت مستورِ فقیراں ، زیدی
آج اِک گوشہء گُمنام میں اُفتادہ ہے
کل ترے نام سے تھا نامِ نگاراں ، زیدی
تیرے وجدان کا خُورشید کہاں ڈُوب گیا
کیا ہُوا فلسفہ ء عِصمتِ عصیاں ، زیدی
ہائے تُو راکھ کی مانند بُجھا بیٹھا ہے
شُعلہ رُخ ، شُعلہ صِفت ، شُعلہ خراماں ، زیدی
میں ترے نام کی لَو ، میں ترا روشن آغوش
میرے رُسوا ، مرے حیراں ، مرے ویراں ، زیدی
میں نے یُوں اپنے سلاسل کی نہیں کی پروا
ٹوٹ جائے نہ کہیں سلسلہ ء جاں ، زیدی
اِس لئے آئی ہُوئی ناموس سے غافل ہو کر
تو نہ ہو جائے کہیں چاک ِ گریباں ، زیدی
رشتہ و رسم کو اس واسطے ٹھکرایا تھا
تو نہ رہ جائے کہیں بے سروساماں ، زیدی
کیسے سینے کی اِس آواز کو سمجھاؤں میں
میرے سینے میں مزا میر نہ الحاں ، زیدی
وُہ مُجسّم کوئی آیت ، کوئی نُورِ افلاک
میں پراگندہ ، نہ مُلحِد ، نہ مسلماں ، زیدی
میں کہ محصُور ہُوں افکار کی دیواروں میں
وہ کہاں اور کہاں وحشتِ زنداں ، زیدی
آگ کے سامنے جس طرح کوئی موم کا بُت
دُھوپ میں جیسے طلسمات کی پریاں ، زیدی
ایک ننّھی سی کرن اور امڈتے بادل
ایک چھوٹی سی کلی اور بیاباں ، زیدی
میں تو بس ایک دِیا تھا، سو کہیں جَل بُجھتا
اُس نے کُیوں چھوڑ دیا جشن ِ چراغاں؟ زیدی
(مصطفیٰ زیدی از گریباں )
صُبح تک آتی ہے سینے سے کِسی کی آواز
ہائے ، یہ سِلسلہ ء شامِ غریباں زیدی
تُو مرے واسطے کُیوں مَورِدِ الزام ہُوا
تُونے کُیوں ترک کیا رشتہ ء یاراں، زیدی
اب نہ وُہ کوچہ و بازار میں آنا جانا
اب نہ وہ صحبت ِ احباب و ادیباں ، زیدی
اب ترے غم پہ زمانے کو ہنسی آتی ہے
پُھول جلتا ہے ، تو کِھلتا ہےگُلستاں ، زیدی
ترے نزدیک سے کترا کے نِکل جاتے ہیں
تیرے اَیوانِ لب و فکر کے درباں ، زیدی
لشکر و افسر اَورنگ مِٹا کر تُونے
وضع کی صُورت مستورِ فقیراں ، زیدی
آج اِک گوشہء گُمنام میں اُفتادہ ہے
کل ترے نام سے تھا نامِ نگاراں ، زیدی
تیرے وجدان کا خُورشید کہاں ڈُوب گیا
کیا ہُوا فلسفہ ء عِصمتِ عصیاں ، زیدی
ہائے تُو راکھ کی مانند بُجھا بیٹھا ہے
شُعلہ رُخ ، شُعلہ صِفت ، شُعلہ خراماں ، زیدی
میں ترے نام کی لَو ، میں ترا روشن آغوش
میرے رُسوا ، مرے حیراں ، مرے ویراں ، زیدی
میں نے یُوں اپنے سلاسل کی نہیں کی پروا
ٹوٹ جائے نہ کہیں سلسلہ ء جاں ، زیدی
اِس لئے آئی ہُوئی ناموس سے غافل ہو کر
تو نہ ہو جائے کہیں چاک ِ گریباں ، زیدی
رشتہ و رسم کو اس واسطے ٹھکرایا تھا
تو نہ رہ جائے کہیں بے سروساماں ، زیدی
کیسے سینے کی اِس آواز کو سمجھاؤں میں
میرے سینے میں مزا میر نہ الحاں ، زیدی
وُہ مُجسّم کوئی آیت ، کوئی نُورِ افلاک
میں پراگندہ ، نہ مُلحِد ، نہ مسلماں ، زیدی
میں کہ محصُور ہُوں افکار کی دیواروں میں
وہ کہاں اور کہاں وحشتِ زنداں ، زیدی
آگ کے سامنے جس طرح کوئی موم کا بُت
دُھوپ میں جیسے طلسمات کی پریاں ، زیدی
ایک ننّھی سی کرن اور امڈتے بادل
ایک چھوٹی سی کلی اور بیاباں ، زیدی
میں تو بس ایک دِیا تھا، سو کہیں جَل بُجھتا
اُس نے کُیوں چھوڑ دیا جشن ِ چراغاں؟ زیدی
(مصطفیٰ زیدی از گریباں )
