نوازشریف کے عدالتی فیصلے سے ڈیل یا ڈھیل کا تاثر زائل ہوا: فواد چوہدری

[جاسم محمد]

نوازشریف کے عدالتی فیصلے سے ڈیل یا ڈھیل کا تاثر زائل ہوا: فواد چوہدری

فائل فوٹو: فواد چوہدری
اسلام آباد: وفاقی وزیر اطلاعات فواد چوہدری نے نوازشریف کی درخواست مسترد ہونے کے فیصلے پر رد عمل میں کہا ہےکہ عدالتی فیصلے سے ڈیل یا ڈھیل کا تاثر زائل ہوا ہے۔

اسلام آباد میں کشمیر کانفرنس سے خطاب کرتے ہوئے فواد چوہدری نے کہا کہ کشمیریوں کو وہی حقوق دینے ہوں گے جو آزاد ریاست کو دیے جاتے ہیں، پاکستان امن چاہتا ہے، مقبوضہ کشمیر میں مظالم بند کرنا ہوں گے۔

انہوں نے کہا کہ کشمیر بھارت کا حصہ ہے اور نہ کبھی ہو گا، ریاستی رٹ کا مطلب یہ نہیں ہوتا کہ اپنے شہریوں پر گولی چلائی جائے، لوگوں کو طاقت کے زور پر نہیں دبایا جاسکتا، لہو بہنے سے آگ بڑھکتی ہے۔

وزیر اطلاعات کا کہنا تھا کہ پاکستان بھارت کو بار بار مذاکرات کی پیش کش کرچکا ہے، ہم ایک بار پھر بھارت کو تنازعات کے حل کے لیے مذاکرات کی دعوت دیتے ہیں، آئیں بیٹھیں، ہم اپنا موقف رکھیں گے اور آپ اپنا رکھیں۔

بعد ازاں میڈیا نمائندوں سے گفتگو کرتے ہوئے فواد چوہدری نے کہا کہ نوازشریف کے عدالتی فیصلے سے ڈیل یا ڈھیل کا تاثر زائل ہوا ہے، اس وقت بلاتفریق احتساب ہورہا ہے، نیب کومضبوط کرنے کے لیے نیب میں مزید ترامیم کریں گے، قوم اپنے لوٹے ہوئے پیسوں کا احتساب چاہتی ہے، ہمارے سینئر وزیر عبدالعلیم خان کو گرفتار کیا گیا ہم نے کچھ نہیں کیا۔

ایک سوال کے جواب میں ان کا کہنا تھا کہ نعیم الحق کے ساتھ اچھے تعلقات ہیں، ہمارا کوئی ایشو نہیں ہے بس آپس کی بات ہے، مسئلہ ذاتی نہیں اصول کا ہے، وزیر اعظم سےآج ملاقات ہوجائے گی۔

فواد چوہدری نے کہا کہ مریم بی بی اور مشاہد اللہ جلتی پر تیل نہ ڈالیں، ہم رہیں یا نہ رہیں احتساب کا عمل جاری رہے گا

 

[زیک]

کشمیریوں کو وہی حقوق دینے ہوں گے جو آزاد ریاست کو دیے جاتے ہیں،

کیا پاکستان آزاد کشمیر اور گلگت بلتستان کے لوگوں کو یہ حقوق دیتا ہے؟

 

[جاسم محمد]

کیا پاکستان آزاد کشمیر اور گلگت بلتستان کے لوگوں کو یہ حقوق دیتا ہے؟

مقبوضہ بھارتی کشمیر سے زیادہ برا حال ہے وہاں؟

 

[سید عاطف علی]

کیا پاکستان آزاد کشمیر اور گلگت بلتستان کے لوگوں کو یہ حقوق دیتا ہے؟

حقوق کی بات تو کچھ بعد میں آتی ہے ۔
"آزاد کشمیر کے علاقائی لوگوں میں پاکستان کے خلاف کوئی تحریک آزادی نہیں جب کہ مقبوضہ کشمیر میں یہ ایک شدید ترین تحریک آزادی عوامی سطح پر ہے"۔ جسے انڈیا کی فوج محض طاقت سے کچلتی آ رہی ہے ۔
یہ ایک کشمیر کے رہنے والے کی رائے ہے ۔

 

[زیک]

مقبوضہ بھارتی کشمیر سے زیادہ برا حال ہے وہاں؟

حقوق کی بات تو کچھ بعد میں آتی ہے ۔
"آزاد کشمیر کے علاقائی لوگوں میں پاکستان کے خلاف کوئی تحریک آزادی نہیں جب کہ مقبوضہ کشمیر میں یہ ایک شدید ترین تحریک آزادی عوامی سطح پر ہے"۔ جسے انڈیا کی فوج محض طاقت سے کچلتی آ رہی ہے ۔
یہ ایک کشمیر کے رہنے والے کی رائے ہے ۔

آپ انڈین کشمیر سے کیوں مقابلہ کرتے ہیں؟ یہ تو “آزاد” کشمیر ہے پھر یہ بتائیں کہ کتنا آزاد ہے؟

 

[جاسم محمد]

آپ انڈین کشمیر سے کیوں مقابلہ کرتے ہیں؟ یہ تو “آزاد” کشمیر ہے پھر یہ بتائیں کہ کتنا آزاد ہے؟

آزاد کشمیر اور گلگت بلتستان اگر بھارتی کلیم کی وجہ سے متنازعہ علاقے نہ ہوتے تو ان کو بھی پاکستانی صوبہ بنانے میں کوئی مسئلہ نہ تھا۔ اگر پاکستان اپنی جانب سے یکطرفہ کاروائی کرتا ہے تو بھارت بھی اپنے مقبوضہ کشمیر کے ساتھ یہی سلوک کرے گا اور یوں مسئلہ کشمیر دفن ہو کر رہ جائے گا۔ یہ پاکستان اور بھارت کے وسیع تر مفاد میں ہے کہ اس تنازع کو زندہ رکھا جائے۔ جو حالیہ اسٹیٹس کو سے ہی ممکن ہے

 

[جاسم محمد]

حقوق کی بات تو کچھ بعد میں آتی ہے ۔
"آزاد کشمیر کے علاقائی لوگوں میں پاکستان کے خلاف کوئی تحریک آزادی نہیں جب کہ مقبوضہ کشمیر میں یہ ایک شدید ترین تحریک آزادی عوامی سطح پر ہے"۔ جسے انڈیا کی فوج محض طاقت سے کچلتی آ رہی ہے ۔
یہ ایک کشمیر کے رہنے والے کی رائے ہے ۔

صرف فوج کی تعداد کا موازنہ کر لیں تو بات سمجھ میں آ جاتی ہے۔ آزاد کشمیر اور گلگت بلتستان میں بھارتی کشمیر کے مقابلہ میں کتنی فوج تعینات ہے؟ اور بھارت کیوں تاحال پاکستانی کشمیر سے آزادی کی تحریک بھڑکانے میں ناکام ہوا ہے؟

 

[زیک]

آزاد کشمیر اور گلگت بلتستان اگر بھارتی کلیم کی وجہ سے متنازعہ علاقے نہ ہوتے تو ان کو بھی پاکستانی صوبہ بنانے میں کوئی مسئلہ نہ تھا۔ اگر پاکستان اپنی جانب سے یکطرفہ کاروائی کرتا ہے تو بھارت بھی اپنے مقبوضہ کشمیر کے ساتھ یہی سلوک کرے گا

لیکن جموں کشمیر تو انڈیا کی باقاعدہ ریاست ہے۔

 

[سید عاطف علی]

آپ انڈین کشمیر سے کیوں مقابلہ کرتے ہیں؟ یہ تو “آزاد” کشمیر ہے پھر یہ بتائیں کہ کتنا آزاد ہے؟

یہ بات دراصل مسئلہ کشمیر کے تناظر میں کہی گئی تھی ۔
لیکن پھر بھی اتنا آزاد تو ہے نا کہ آزادی کی جدو جہد کی ضرورت محسوس نہیں کرتا ۔

 

[زیک]

لیکن پھر بھی اتنا آزاد تو ہے نا کہ آزادی کی جدو جہد کی ضرورت محسوس نہیں کرتا ۔

یعنی بلوچستان سے زیادہ؟

 

[سید عاطف علی]

لیکن جموں کشمیر تو انڈیا کی باقاعدہ ریاست ہے۔

ویسے ۔۔۔کیا انڈیا ریاستوں کا اتحاد ہے ؟
یونائیٹڈ اسٹیٹ آف انڈیا ؟

 

[زیک]

ویسے ۔۔۔کیا انڈیا ریاستوں کا اتحاد ہے ؟
یونائیٹڈ اسٹیٹ آف انڈیا ؟

نہیں

 

[سید عاطف علی]

یعنی بلوچستان سے زیادہ؟

کلبھوشن ۔

 

[زیک]

ویسے پاکستانی کشمیر کا نام “آزاد کشمیر” کیوں ہے جبکہ وہ زیادہ تر جموں ہے

 

[سید عاطف علی]

نہیں

تو پھر انڈین اسٹیٹ کا کیا مطلب ہے ؟
آندھرا ۔ مدھیا ۔ تلنگانہ وغیرہ وغیرہ۔انڈین لوگ تو اسی طرح کہتے ہیں ۔
ریڈیکل فرق کیا ہے ؟

 

[جاسم محمد]

لیکن جموں کشمیر تو انڈیا کی باقاعدہ ریاست ہے۔

ہے مگر وہاں آج بھی آئین کے آرٹیکل ۳۷۰ اور ۴۵ اے کا اطلاق ہوتا ہے۔ایسا اسپیشل کیس کسی اور اسٹیٹ میں نہیں ہے۔ اوپر سے بھارت کا وہاں مسلسل لاکھوں فوجی جوان تعینات رکھنے کا مطلب ہے کہ وہ غیر جمہوری طریقے سے وہاں قابض ہیں۔

 

[زیک]

اوپر سے بھارت کا وہاں مسلسل لاکھوں فوجی جوان تعینات رکھنے کا مطلب ہے کہ وہ غیر جمہوری طریقے سے وہاں قابض ہیں۔

فوج تو وہاں اسی کی دہائی سے ہے۔ کیا اس سے پہلے قابض نہ تھے؟

 

[جاسم محمد]

فوج تو وہاں اسی کی دہائی سے ہے۔ کیا اس سے پہلے قابض نہ تھے؟

نہیں۔ کشمیر میں بغاوتی عناصر ۱۹۸۷ میں سیاسی تنازعہ کے باعث وجود میں آئے۔ اس کو پاکستان کی جاہل آئی ایس آئی نے اپنے تیار کردہ جہادیوں کی مدد سے مزید ہوا دی۔ جس کا نقصان یہ ہوا کہ لینے کے دینے پڑ گئے۔
کشمیری خود ہی لڑ بھڑ کر وفاقی حکومت سے اپنے مطالبات منوانے میں یقیناً کامیاب ہو جاتے اگر پاکستان وہاں مداخلت نہ کرتا۔ اسی مداخلت کو روکنے کیلئے فوج بھیجی گئی تھی۔ جو اب واپس جانے کا نام نہیں لے رہی۔

 

[زیرک]

لیکن جموں کشمیر تو انڈیا کی باقاعدہ ریاست ہے۔

Indian Held Kashmir High Court ruled that Jammu and Kashmir is not part of India
Kashmir not part of India, rules Indian Held Kashmir High Court - 92 News HD Plus​

 

[زیک]

Indian Held Kashmir High Court ruled that Jammu and Kashmir is not part of India
Kashmir not part of India, rules Indian Held Kashmir High Court - 92 News HD Plus​

جو ہیڈلائن میں لکھا ہے یہ کورٹ نے بالکل نہیں کہا تھا