نہیں ہے کوئی ذریعہ صبا، حسین تو ہیں - صبا اکبر آبادی

[السید کامل عباس الجعفري]

حسین نزہتِ باغِ پیمبرِ عربی
حسین نازشِ فاقہ، وقارِ تشنہ لبی​

حسین مرکزِ ایثار و مخزنِ تسلیم
حسین شمعِ حقیقت، چراغِ بزمِ نبی

حسین لختِ دلِ مرتضیٰ و جانِ بتول
جہاں میں کس کو میسر ہے یہ علو نسبی

حسین، سینۂ اکبر سے کھینچ لی برچھی
حسین سینہ میں اس وقت کیسے آہ دبی

ستم کا تیر بھی دیکھا گلوئے اصغر میں
وہ مسکرانے کا انداز روحِ تشنہ لبی

جوان بھائی کے شانے کٹے ہوئے دیکھے
یہ صبر ابنِ ید اللہ، یہ رضا طلبی

یہی تو شان ہے سبطِ رسول ہونے کی
دعائے بخششِ امت، جوابِ بے ادبی

نہیں ہے کوئی ذریعہ صبا، حسین تو ہیں
بڑا سبب ہے زمانہ میں اپنی بے سببی​

 

[مدیحہ گیلانی]

جزاک اللہ ۔ کیا کہنے۔
ہو خلوص قلب کا مظہر کلام ایسا تو ہو
فاطمہ رویئں جسے سُن کر سلام ایسا تو ہو ۔

 

[میر انیس]

یہی تو شان ہے سبطِ رسول ہونے کی
دعائے بخششِ امت، جوابِ بے ادبی
بے شک بے شک
بہت عمدہ کلام ہے

 

[زبیر مرزا]

سبحان اللہ جزاک اللہ

 

[نایاب]

سبحان اللہ
جزاک اللہ خیراء
بلاشبہ حق کہا ۔۔۔۔۔۔۔۔۔۔
یہی تو شان ہے سبطِ رسول ہونے کی
دعائے بخششِ امت، جوابِ بے ادبی

 

[سید زبیر]

سبحان اللہ
حسین مرکزِ ایثار و مخزنِ تسلیم
حسین شمعِ حقیقت، چراغِ بزمِ نبی
جزاک اللہ

 

[مہ جبین]

یہی تو شان ہے سبطِ رسول ہونے کی
دعائے بخششِ امت، جوابِ بے ادبی

سبحان اللہ کیا عالیشان مرتبہ ہے نواسہء رسول صلی اللہ علیہ وسلم کا

لاکھوں کروڑوں درودو سلام اہلِ بیتِ اطہار رضوان اللہ علیہم اجمعین پر

 

[صائمہ شاہ]

سبحان اللہ​

یہ صبر ابنِ ید اللہ، یہ رضا طلبی