نہ سوال بن کے ملا کرو

[یوسف سلطان]

کیا کسی کو معلوم ہے۔اس غزل کا شاعر کون ہے ؟ صدا کار تو(مرحوم) نصرت فتح علی خان صاحب ہیں

نہ سوال بن کے ملا کرو
نہ جواب بن کے ملا کرو
میری زندگی میرے خواب ہیں
مجھے خواب بن کے ملا کرو

ہر شام کو میرے دوستو
نہ عذاب بن کے ملا کرو
مجھے میکدے میں ملو اگر
تو شراب بن کے ملا کرو

مجھے اچھے لوگ بہت ملے
میں تو ان کے قرض سے مر گیا
ارے ہو سکے تو کبھی کبھی
تو خراب بن کے ملا کرو

ابھی سوچنا ہے تو سوچ لو
ابھی چھوڑنا ہے تو چھوڑ دو
نئے موسموں میں ملو مجھے
تو گلاب بن کر ملا کرو

نہ تو اِس طرح سے ملا کرو
نہ تو اُس طرح سے ملا کرو
ہاں حضور بن کے ملا کرو
ہاں جناب بن کے ملا کرو

نہ سوال بن کے ملا کرو
نہ جواب بن کے ملا کرو
میری زندگی میرے خواب ہیں
مجھے خواب بن کے ملا کرو​

 

[اسد مقصود]

کہیں ایوب خاور تو نہیں؟

 

[ابن توقیر]

مجھے اچھے لوگ بہت ملے میں تو ان کے قرض سے مر گیا
ارے ہو سکے تو کبھی کبھی تو خراب بن کے ملا کرو

بہت عمدہ انتخاب ہے۔شاعر کا نام کنفرم نہیں ہوا؟

 

[طاہر راجپوت ملتان]

اعلیٰ ایوب خاور ہی ہیں لکھاری

 

[سید نہال ہمدانی]

نہایت عمدہ انتخاب ہے..

 

[محمد عدنان اکبری نقیبی]

واہ یوسف بھائی زبردست انتخاب۔

 

[یوسف سلطان]

اعلیٰ ایوب خاور ہی ہیں لکھاری

نہایت عمدہ انتخاب ہے..

واہ یوسف بھائی زبردست انتخاب۔

شکریہ آپ احباب کا پسند کرنے کے لیے۔

بہت عمدہ انتخاب ہے۔شاعر کا نام کنفرم نہیں ہوا؟

شکریہ بھائی پسند کرنے کا۔
جیسا کہ اوپراسد بھائی اور سید نہال ہمدانی بھائی نے "ایوب خاور" کا نام لیا ہے تو پھر وہی ہوں گے۔

 

[فاخر]

ہر

ہر شام کو میرے دوستو

ہر شام کے بجائے ’’ارے شام کو مرے دوستو‘‘ درست ہے۔
آپ نے جس صورت میں لکھا ہے ، اُس صورت میں یہ یہ مصرعہ بحر میں بھی نہیں ہے ۔

 

[فاخر]

نہ سوال بن کے ملا کرو
نہ جواب بن کے ملا کرو
مری زندگی مرے خواب ہیں
مجھے خواب بن کے ملا کرو

ارے شام کو میرے دوستو
نہ عذاب بن کے ملا کرو
مجھے میکدے میں ملو اگر
تو شراب بن کے ملا کرو

مجھے اچھے لوگ بہت ملے
میں تو ان کے قرض سے مر گیا
ارے ہو سکے تو کبھی کبھی
تو خراب بن کے ملا کرو

ابھی سوچنا ہے تو سوچ لو
ابھی چھوڑنا ہے تو چھوڑ دو
نئے موسموں میں ملو مجھے
تو گلاب بن کر ملا کرو

نہ تو اِس طرح سے ملا کرو
نہ تو اُس طرح سے ملا کرو
ہاں حضور بن کے ملا کرو
ہاں جناب بن کے ملا کرو

نہ سوال بن کے ملا کرو
نہ جواب بن کے ملا کرو
مری زندگی مرے خواب ہیں
مجھے خواب بن کے ملا کرو​

اس طرح تمام مصرعے موزوں ہوگئے۔
یہ گیت بحر کامل مربع سالم میں ہے ۔

 

[دوست]