وزیراعظم کا گلگت بلتستان کو عبوری صوبائی حیثیت دینے کا اعلان

[جاسم محمد]

وزیراعظم کا گلگت بلتستان کو عبوری صوبائی حیثیت دینے کا اعلان

ویب ڈیسک

01 نومبر ، 2020

فوٹو: فائل

وزیراعظم عمران خان نے گلگت بلتستان کو عبوری صوبائی حیثیت دینے کا اعلان کر دیا۔

گلگلت بلتستان کے 73 ویں قومی دن کی تقریب میں شرکت سے قبل وزیراعظم عمران خان نے یادگار شہداء پر حاضری دی اور فاتحہ خوانی کی۔

تقریب سے خطاب کرتے ہوئے وزیراعظم عمران خان کا کہنا تھا کہ جب شاہراہ قراقرم بن رہی تھی تو اس وقت 15 برس کی عمر میں کرکٹ کھیلنے یہاں آیا تھا، اس وقت سے ہی یہاں کی خوبصورتی نے مجھے بہت متاثر کیا۔

فوٹو: اسکرین گریب

ان کا کہنا تھا کہ گلگت بلتستان اسکاؤٹس اور عوام نے بہت قربانیوں کے بعد اس علاقے کو آزاد کرایا جس پر انہیں مبارکباد پیش کرتا ہوں۔

عمران خان نے اس موقع پر گلگلت بلتستان کو عبوری صوبائی حیثیت دینے کا اعلان کرتے ہوئے کہا کہ یہ یہاں کے عوام کا دیرینہ مطالبہ تھا جسے ہم نے آج پورا کر دیا ہے۔

ان کا کہنا تھا کہ ہم نے یہ فیصلہ اقوام متحدہ کی سلامتی کونسل کی قراردادوں کو سامنے رکھتے ہوئے کیا ہے۔

عمران خان کا کہنا تھا کہ جب تک وزیراعظم ہوں ہر سال گلگت بلتستان کے یوم آزادی کی تقریب میں شرکت کے لیے یہاں آؤں گا۔

وفاقی وزیر برائے سائنس و ٹیکنالوجی فواد چوہدری کا ٹوئٹر پر اپنے پیغام میں کہنا تھا کہ ‏گلگت بلتستان کے عوام کو نیا صوبہ مبارک ہو، اب آپ کو تمام آئینی حقوق حاصل ہوں گے، وہ حقوق جو پاکستان کے باقی صوبوں کے عوام کو حاصل ہیں۔

فواد چوہدری کا کہنا تھا کہ وزیراعظم عمران خان نے ایک اور وعدہ پورا کیا، بھارت کے رونے کا وقت ہوا چاہتا ہے۔

 

[جاسم محمد]

 

[زیک]

کیوں؟ کیسے؟ آئینی ترمیم کہاں ہے؟

 

[محمد خلیل الرحمٰن]

کیوں؟ کیسے؟ آئینی ترمیم کہاں ہے؟

آئینی ترمیم کی ضرورت نہیں ہے۔ اب پاکستان میں تمام حکومتی کام صدارتی آرڈیننس پر ہوتے ہیں جو کبھی پارلیمنٹ سے پاس ہی نہیں ہوتے۔ سی پیک اتھارٹی بھی اس کی ایک مثال ہے۔ اب جبکہ صدارتی آرڈیننس کی مدت تمام ہوئی اور پارلیمنٹ نے اسے پاس نہیں کیا لیکن اتھارٹی ڈنکے کی چوٹ پر موجود ہے۔ کس مائی کے لال میں ہمت ہے کہ اس اتھارٹی کو جسے محکمۂ زراعت دیکھ رہا ہے چیلنج کرسکے۔

 

[جاسم محمد]

کیوں؟ کیسے؟ آئینی ترمیم کہاں ہے؟

گلگت بلتستان میں جلد الیکشن متوقع ہیں۔ اس کے بعد وہاں اسمبلی سے پاکستان کے ساتھ الحاق کی قرارداد پاس ہوگی۔ جس کے بعد وفاق میں آئینی ترمیم کے تحت گلگت بلتستان کو ملک کا پانچواں صوبہ بنا دیا جائے گا۔ تمام بڑی سیاسی جماعتوں کا اس پر اتفاق ہے بشمول اسٹیبلشمنٹ۔

 

[جاسم محمد]

آئینی ترمیم کی ضرورت نہیں ہے۔ اب پاکستان میں تمام حکومتی کام صدارتی آرڈیننس پر ہوتے ہیں جو کبھی پارلیمنٹ سے پاس ہی نہیں ہوتے۔ سی پیک اتھارٹی بھی اس کی ایک مثال ہے۔ اب جبکہ صدارتی آرڈیننس کی مدت تمام ہوئی اور پارلیمنٹ نے اسے پاس نہیں کیا لیکن اتھارٹی ڈنکے کی چوٹ پر موجود ہے۔ کس مائی کے لال میں ہمت ہے کہ اس اتھارٹی کو جسے محکمۂ زراعت دیکھ رہا ہے چیلنج کرسکے۔

سینیٹ میں اپوزیشن کی اکثریت کی وجہ سے حکومت کو مجبوراً صدارتی آرڈیننس کا استعمال کرنا پڑتا ہے۔ اگلے سال جب سینیٹ الیکشن کے بعد حکومتی اتحاد اکثریت میں ہوگا تو آرڈیننس کی بجائے سیدھا دونوں ایوانوں سے قوانین منظور کروا لئے جائیں گے۔

 

[محمد خلیل الرحمٰن]

'گلگت کو مراعات دینے کے حق میں ہیں لیکن مسئلہ کشمیر کو مدنظر رکھا جائے'
ڈان نیوز 14 نومبر 2020
Facebook Count
Twitter Share
0
Translate

 

[محمد خلیل الرحمٰن]

گلگت بلتستان پر ایک جانب احمق وزیراعظم کا موقف اور دوسری جانب حساس معاملات کو سمجھنے والے مولانا کا موقف جو پوری اپوزیشن کا موقف ہے۔

وزیر اعظم اسٹیٹس کو کو تسلیم کرکے ہندوستان کے ساتھ سازش کرنا چاہتے ہیں۔

 

[محمد خلیل الرحمٰن]

 

[جاسم محمد]

حساس معاملات کو سمجھنے والے مولانا کا موقف جو پوری اپوزیشن کا موقف ہے۔

مولانا جو کہ کئی دہائیوں سے ہر حکومت میں کشمیر کمیٹی کے صدر رہے اور قومی خزانہ سے ۴۰ لاکھ کی لسی پی گئے، ان کی بات ہو رہی ہے؟

 

[جاسم محمد]

گلگت بلتستان پر ایک جانب احمق وزیراعظم کا موقف

گلگت بلتستان سے سی پیک گزر رہا ہے، وہاں ڈیم بن رہے ہیں۔ اگر پاکستان اسے اپنا صوبہ نہیں بناتا تو یہاں آئینی و قانونی مسائل آتے رہے ہیں۔

 

[شمشاد]

آج گلگت بلتستان میں الیکشن کی کیا رپورٹ ہے؟

 

[الف نظامی]

ہونا ہوانا کچھ نہیں
مثال:
کیا جنوبی پنجاب صوبہ بن چکا ہے؟

 

[شمشاد]

ہونا ہوانا کچھ نہیں
مثال:
کیا جنوبی پنجاب صوبہ بن چکا ہے؟

نہیں بنا اور بنے گا بھی نہیں۔

یہ سب بول بچن ہوتے ہیں جو سیاسی لیڈر عوام کو لگاتے رہتے ہیں۔ یہ کوئی بھی کام انتہائی مجبوری میں اس وقت کرتے ہیں جب وہ بلکل ہی ناگزیر ہو جائے اور یہ کہ مکمل ان کے حق میں ہو۔

 

[جاسم محمد]

آج گلگت بلتستان میں الیکشن کی کیا رپورٹ ہے؟

غیر حتمی غیر سرکاری نتائج تو آ رہے ہیں۔ مکمل نتیجہ کل آئے گا۔

 

[جاسم محمد]

نہیں بنا اور بنے گا بھی نہیں۔

یہ سب بول بچن ہوتے ہیں جو سیاسی لیڈر عوام کو لگاتے رہتے ہیں۔ یہ کوئی بھی کام انتہائی مجبوری میں اس وقت کرتے ہیں جب وہ بلکل ہی ناگزیر ہو جائے اور یہ کہ مکمل ان کے حق میں ہو۔

گلگت بلتستان کو صوبہ بنانا ناگزیر ہو چکا ہے

 

[محمد خلیل الرحمٰن]

گلگت بلتستان کو صوبہ بنانا ناگزیر ہو چکا ہے

کیا ہندوستان کے ساتھ اسٹیٹس کو کو تسلیم کرنے کا یہ عمل غداری کے زمرے میں نہیں آئے گا؟

 

[جاسم محمد]

کیا ہندوستان کے ساتھ اسٹیٹس کو کو تسلیم کرنے کا یہ عمل غداری کے زمرے میں نہیں آئے گا؟

نہیں آئے گا۔ گلگت بلتستان سے سی پیک گزر رہا ہے۔ وہاں ڈیم بن رہے ہیں۔ اگر ان علاقوں کو پاکستان کا حصہ نہ بنایا گیا تو قانونی مشکلات بڑھیں گی۔

 

[الف نظامی]

کیا ہندوستان کے ساتھ اسٹیٹس کو کو تسلیم کرنے کا یہ عمل غداری کے زمرے میں نہیں آئے گا؟

انہوں نے تقسیم کشمیر کا خفیہ معاہدہ کر لیا ہے۔ آدھا اُدھر ، آدھا اِدھر۔

 

[شمشاد]

غیر حتمی غیر سرکاری نتائج تو آ رہے ہیں۔ مکمل نتیجہ کل آئے گا۔

اور وہ غیر حتمی اور غیر سرکاری نتائج کیا کہہ رہے ہیں؟