وفا کے بدلے جفا نہ دینا

[ارشد چوہدری]

الف عین
عظیم
شکیل احمد خان23
سید عاطف علی
------------
وفا کے بدلے جفا نہ دینا
مری محبّت بھلا نہ دینا
-----------
دلوں میں ابھرے وفا کے جذبے
ہے قوم جاگی سُلا نہ دینا
--------
ہوئی منوّر ہے سوچ سب کی
یہ روشنی تم بجھا نہ دینا
----------
خطا ہو میری جو تم پہ ظاہر
نظر سے مجھ کو گرا نہ دینا
-------
میں آدمی ہوں تمہیں کے جیسا
مجھے فرشتہ بنا نہ دینا
--------
جو جرم میں نے کیا نہیں ہے
تو اس کی مجھ کو سزا نہ دینا
--------
جو درد مجھ کو دیا ہے تم نے
کبھی بھی اس کی شفا نہ دینا
---------
وفا کا بدلہ ملے گا اک دن
یہ وقت مشکل بھلا نہ دینا
------
مری محبّت چُھپی ہے ان میں
خطوط میرے جلا نہ دینا
-------
سدا یہ تم سے کہے گا ارشد
مری وفائیں بھلا نہ دینا
---------

 

[شکیل احمد خان23]

مری محبّت چُھپی ہے ان میں
خطوط میرے جلا نہ دینا

خطوں کو میرے جلا نہ دینا​

 

[شکیل احمد خان23]

سدا یہ تم سے کہے گا ارشد
مری وفائیں بھلا نہ دینا

وفائیں میری بھلا نہ دینا

 

[شکیل احمد خان23]

وفا کا بدلہ ملے گا اک دن
یہ وقت مشکل بھلا نہ دینا

مگر بُرے دن بھلا نہ دینا

 

[شکیل احمد خان23]

میں آدمی ہوں تمہیں کے جیسا
مجھے فرشتہ بنا نہ دینا

میں آدمی ہوں تمھارے جیسا
فرشتہ مجھ کو بنا نہ دینا

 

[شکیل احمد خان23]

خطا ہو میری جو تم پہ ظاہر
نظر سے مجھ کو گرا نہ دینا

خطا اگر ہو بھی جائے مجھ سے
تو تُم نظر سے گرا نہ دینا

 

[عظیم]

مزید یہ کہ
دلوں میں ابھرے وفا کے جذبے
ہے قوم جاگی سُلا نہ دینا
# ابھرے مجھے یہاں ٹھیک نہیں لگ رہا۔ "ابھرے ہوئے" کا محل معلوم ہوتا ہے
"ہے قوم جاگی" کا بیانیہ بھی پسند نہیں آیا، الفاظ کی ترتیب اچھی نہیں

جو جرم میں نے کیا نہیں ہے
تو اس کی مجھ کو سزا نہ دینا
-------- "جو جرم میں" کا تنافر بھی دور کر لیں تو بہتر ہے
خطا جو سرزد ہوئی نہ مجھ سے
تم اس کی مجھ کو سزا نہ دینا

 

[ارشد چوہدری]

عظیم بھائی اور شکیل بھائی ،آپ دونوں کا بے حد مشکور ہوں ،آپ دونوں نے جو اصلاح کی ہے ،اس کے مطابق تبدیلیاں کر لی ہیں ، ایک بار پھر شکریہ

 

[عظیم]

اصلاح کے بعد دوبارہ یہاں پیش کی جائے تو شاید مزید کچھ گفتگو ہو سکے