"اجالوں کا سفر" سے.....
ﻭﻗﺖ ﮐﮯ ﭘﺎﺱ ﮐﮩﺎﮞ ﺳﺎﺭﮮ ﺣﻮﺍﻟﮯ ﮨﻮﮞ ﮔﮯ
ﺯﯾﺐ ِ ﻗﺮﻃﺎﺱ ﻓﻘﻂ ﯾﺎﺱ ﮐﮯ ﮨﺎﻟﮯ ﮨﻮﮞ ﮔﮯ
ﮐﮭﻮﺟﺘﺎ ﮐﯿﻮﮞ ﮬﮯ ﺍﻧﺪﮬﯿﺮﻭﮞ ﻣﯿﮟ ﺗﻔﺎﮨﻢ ﮐﮯ ﺩﯾﮯ
ﺍٓ ،ﭼﺮﺍﻏﻮﮞ ﻣﯿﮟ ﻟﮩﻮ ﮈﺍﻝ ، ﺍُﺟﺎﻟﮯ ﮨﻮﮞ ﮔﮯ
ﺩﺷﺖ ﻣﯿﮟ ﺟﺎ ﮐﮯ ﺫﺭﺍ ﺩﯾﮑﮫ ﺗﻮ ﺍٓﺋﮯ ﮐﻮﺋﯽ
ﺫﺭّﮮ ﺫﺭّﮮ ﻧﮯ ﻣﺮﮮ ﺍﺷﮏ ﺳﻨﺒﮭﺎﻟﮯ ﮨﻮﮞ ﮔﮯ
ﯾﻮﮞ ﺗﻮ ﻣﻘﺪﻭﺭ ﻧﮩﯿﮟ ﺗﺠﮫ ﮐﻮ ﺗﺮﯼ ﻗﺴﻤﺖ ﭘﺮ
ﮨﺎﮞ ﻣﮕﺮ ، ﺗﻮ ﻧﮯ ﮐﺌﯽ ﺳﮑّﮯ ﺍُﭼﮭﺎﻟﮯ ﮨﻮﮞ ﮔﮯ
ﮨﻢ ﺗﮭﮯ ﺧﻮﺷﺒﻮ ﮐﮯ ﺧﺮﯾﺪﺍﺭ، ﻣﮕﺮ ﮐﯿﺎ ﻣﻌﻠﻮﻡ
ﺳﺮﺥ ﭘﮭﻮﻟﻮﮞ ﻧﮯ ﯾﮩﺎﮞ ﺳﺎﻧﭗ ﺑﮭﯽ ﭘﺎﻟﮯ ﮨﻮﮞ ﮔﮯ
ذوالفقار نقوی
جناب ذولفقار نقوی صاحب !
غزل شیئر کرنے کے لئے تشکّر !
مطلع:
ﻭﻗﺖ ﮐﮯ ﭘﺎﺱ ﮐﮩﺎﮞ ﺳﺎﺭﮮ ﺣﻮﺍﻟﮯ ﮨﻮﮞ ﮔﮯ
ﺯﯾﺐِ ﻗﺮﻃﺎﺱ ﻓﻘﻂ ﯾﺎﺱ ﮐﮯ ﮨﺎﻟﮯ ﮨﻮﮞ ﮔﮯ
اور یہ شعر:
ﺩﺷﺖ ﻣﯿﮟ ﺟﺎ ﮐﮯ ﺫﺭﺍ دیکھ ﺗﻮ ﺍٓﺋﮯ ﮐﻮﺋﯽ
ﺫﺭّﮮ ﺫﺭّﮮ ﻧﮯ ﻣِﺮﮮ ﺍﺷﮏ ﺳﻨﺒﮭﺎﻟﮯ ﮨﻮﮞ ﮔﮯ
بہت پسند آیا ، بہت سی داد قبول کیجئے
بقیہ اشعار بھی اچھے ہیں مگر کہیں کہیں مجھے اپنی بات پیش کرنی تھی
اور یہی سوچ کر لکھ پا رہا ہوں کہ آپ شاعر ہیں اور کشادہ دل و ذہن رکھتے ہونگے
یعنی میری بات کا، مجھے بحیثیتِ برادر بزرگ ، یا ایک کم علم سمجھ کر برا نہیں منائیں گے۔
۔۔۔۔۔۔۔۔۔۔۔
ﮐﮭﻮﺟﺘﺎ ﮐﯿﻮﮞ ہے ﺍﻧﺪﮬﯿﺮﻭﮞ ﻣﯿﮟ ﺗﻔﺎﮨﻢ ﮐﮯ ﺩﯾﮯ
ﺍٓ ،ﭼﺮﺍﻏﻮﮞ ﻣﯿﮟ ﻟﮩﻮ ﮈﺍﻝ ، ﺍُﺟﺎﻟﮯ ﮨﻮﮞ ﮔﮯ
تفاہم کے دیے اندھیروں میں بھی بجھے ہوئے ہی ہونگے (اسی لئے ہی اندھیرا بھی ہے ) اور اسے جلانے
یا روشنی کے لئے بھی کچھ نہ کچھ (لہو) ڈالنا ہی ہوگا ،
دوسرے مصرعے کا آ ، اسے کسی اور سے مخاطب بھی ظاہر کرتا ہے (میرے خیال میں خود کلامی ہے)
دوسرا یہ کہ چراغ حاصل ہیں یا دسترس میں ہیں، صرف جلانے کے لئے لہو کی شے دی جارہی ہے
اب اگر چراغ میسّر ہیں توبجھے دیے اندھیرے میں کیوں ڈھونڈھنا؟
کچھ اس قسم کا ہو ، یہ سرسری خیال ہے، آپ بہت اچھا یا بہتر سمجھتے ہیں کہ :
کفِ افسوس، تفاہم پہ اندھیروں کا، نہ مَل
پھر چراغوں میں لہو ڈال اجالے ہونگے
کفِ افسوس، تفاہم پہ اندھیروں کا، نہ مَل
چل چراغوں میں لہو ڈال اجالے ہونگے
کفِ افسوس، تفاہم پہ اندھیروں کا، نہ مَل
آ، چراغوں میں لہو ڈالیں اجالے ہونگے
یا
تجھ کو افسوس تفاہم پہ اندھیروں کا ہے کیوں
پھر چراغوں میں لہو ڈال اجالے ہوں گے
آپکا شعر اگر صحیح بھی ہے تو کھوجنا دیگر فارسی اور عربی الفاظ کی جلو میں زیب نہیں دیتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﯾﻮﮞ ﺗﻮ ﻣﻘﺪﻭﺭ ﻧﮩﯿﮟ تجھ ﮐﻮ ﺗِﺮﯼ ﻗﺴﻤﺖ ﭘﺮ!
ﮨﺎﮞ ﻣﮕﺮ ، ﺗﻮ ﻧﮯ ﮐﺌﯽ ﺳﮑّﮯ ﺍُﭼﮭﺎﻟﮯ ﮨﻮﮞ ﮔﮯ
دوسرا مصرع ایک ساتھ کئی سکے اچھالنے پر ذہن رجوع کرتا ہے
ﯾﻮﮞ ﺗﻮ ﻣﻘﺪﻭﺭ ﻧﮩﯿﮟ تجھ ﮐﻮ ﺗِﺮﯼ ﻗﺴﻤﺖ ﭘﺮ!
بارہا ﺳﮑّﮯ تسلّی کو ﺍُﭼﮭﺎﻟﮯ ﮨﻮﮞ ﮔﮯ
آپ بہت بہتر سوچ لیں گے
۔۔۔۔۔۔۔۔۔۔۔۔۔۔۔۔۔۔
ﮨﻢ ﺗﮭﮯ ﺧﻮﺷﺒﻮ ﮐﮯ ﺧﺮﯾﺪﺍﺭ، ﻣﮕﺮ ﮐﯿﺎ ﻣﻌﻠﻮﻡ
ﺳﺮﺥ ﭘﮭﻮﻟﻮﮞ ﻧﮯ ﯾﮩﺎﮞ ﺳﺎﻧﭗ ﺑﮭﯽ ﭘﺎﻟﮯ ﮨﻮﮞ ﮔﮯ
خوشبو، آپ نے سرخ پھولوں تک ہی محدود کردی ہے
ہم تھے خوشبو کے خریدار ، ہمیں کیا معلوم
پھول نےسائے میں کچھ سانپ بھی پالے ہوں گے
کچھ بھی اس قسم کا
۔۔۔۔۔۔۔۔۔۔۔۔۔۔
ذولفقار صاحب !
اپنا خیال ایک بھائی کی حیثیت سے لکھ دیا ، امید ہے کوئی بات بری نہ لگی ہوگی
اگر کہہ دیں گے تو آئندہ جرات نہیں کروں گا
الله کرے زور قلم اور زیادہ
میں نے یہ باتیں اپنے ذہنِ محدود و کج فہم، سے لکھیں ہیں ، جو لغو بھی ہو سکتی ہیں
بہت خوش رہیں
