ولی دکنی ولی کی ایک معروف غزل

[سید عاطف علی]

ولی دکنی کی یہ شہرہٴآفاق غزل گویا ان کی پہچان ہے۔

تجھ لب کی صِفَت لعلِ بدخشاں سوں کہوں گا
جادو ہیں ترے نین، غزالاں سوں کہوں گا

دی حق نے تجھے بادشَہی حسن نگر کی
یو کشورِ ایراں میں سلیماں سوں کہوں گا

تعریف ترے قد کی الف دار، سری جن
جا سرو گلستاں کوں خوش الحاں سوں کہوں گا

مجھ پر نہ کرو ظلم، تم اے لیلٰیِ خوباں
مجنوں ہوں، ترے غم کوں بیاباں سوں کہوں گا

دیکھا ہوں تجھے خواب میں اے مایۂ خوبی
اس خواب کو جا یوسفِ کنعاں سوں کہوں گا

جلتا ہوں شب و روز ترے غم میں اے ساجن
یہ سوز ترا مشعلِ سوزاں سوں کہوں گا

یک نقطہ ترے صفحۂ رخ پر نہیں بے جا
اس مُکھ کو ترے صفحۂ قرآں سوں کہوں گا

زخمی کیا ہے مجھ تری پلکوں کی انی نے
یہ زخم ترا خنجر و بھالاں سوں کہوں گا

بے صبر نہ ہو اے ولی اس درد سے ہرگاہ
جلدی سوں ترے درد کی درماں سوں کہوں گا

http://muhammad-waris.blogspot.com/2009/01/blog-post_27.html
محمد وارث صاحب کے پیج سے مقتبس ۔

 

[عمر سیف]

بہت خوب

 

[سید عاطف علی]

مجھے لگتا ہے کہ سری جن کو سریجن لکھنا چاہیے۔بمعنی محبوب

 

[محمد عادل عزیز]

بہت خوب

 

[نیرنگ خیال]

اعلیٰ انتخاب۔ ہم بھی چرائیں گے اس کو۔

 

[محمد بلال اعظم]

آہا۔۔۔۔۔۔۔۔۔ خوبصورت
ایک الگ مزہ ہے اس غزل کا

 

[سید عاطف علی]

تجھ پاس ہے جو چیز، وہ گل پاس نہیں ہے
وہ رنگ نہیں اس میں وہ بو باس نہیں ہے
۔۔۔۔۔
ولی کے رنگ میں کہا گیا میراایک شعر۔