وگوچہ

[تلمیذ]

وگوچہ​

​

کتھے شرم حیا دی سُرخی، کتھے گُت پراندا نی​

ہُن نظر نہ آندا نی​

​

کیہڑی تیز ہوا دا بُلا لَے گیا سِروں دوپٹہ نی​

سِر وچ پَے گیا گھٹا نی​

​

کس نے کھوہ لئی تیرے کولوں تیری نظر لجیلی نی​

نیویں تے شرمیلی نی​

​

ویلا کُوک رہیا ای کرلَے باگے دی رکھوالی نی​

جے توں عقلاں والی نی​

​

ویلے دا جو پاس نہ کرسی ویلے نوں پچھتاوے گا​

دونہہ دونہہ ہتھیں تاوے گا​

​

اک کڑی دی چیز گواچی بھلکے چیتا آوے گا​

​

_______انور مسعود​

​

 

[زبیر مرزا]

بھلکے چیتا آوے گا
بڑی وڈی تے ڈونگھی گل اناں اکھراں وچ سما دتی اے
لاجواب نظم ساڈے نال ونڈن دا شکریہ

 

[فلک شیر]

سبحان اللہ.........واہ سئیں واہ.......

 

[نایاب]

ویلا کوک ریا ای ۔۔۔۔۔۔۔۔۔۔۔۔۔
ڈونگیاں گلاں سوکھے بول ۔۔۔۔۔۔۔۔۔
محترم تلمیذ بھائی بہت خوب شراکت

 

[فرخ منظور]

اک کڑی دی چیز گواچی بھلکے چیتا آوے گا
واہ کیہ یاد کروا دتا اے۔ چھوٹے ہوندیاں بڑے کھیڈنے ساں۔

 

[ابن سعید]

لڑیاں شروع کرتے ہوئے نیچے ٹیگ کا جو خانہ ہوتا ہے وہ محفلین کو ٹیگ کرنے کے لیے نہیں ہوتا بلکہ وہاں کلیدی الفاظ شامل کیے جاتے ہیں جن سے یہ معلوم ہو کہ لڑی کس چیز سے متعلق ہے۔ محفلین کو ٹیگ کرنا ہو تو پیغام میں @ کے نشان کے فوراً بعد محفلین کا نام لکھیں۔

 

[تلمیذ]

نیرنگ خیال حسیب نذیر گِل باباجی پردیسی فرحت کیانی عبدالرزاق قادری ساجد

 

[تلمیذ]

لڑیاں شروع کرتے ہوئے نیچے ٹیگ کا جو خانہ ہوتا ہے وہ محفلین کو ٹیگ کرنے کے لیے نہیں ہوتا بلکہ وہاں کلیدی الفاظ شامل کیے جاتے ہیں جن سے یہ معلوم ہو کہ لڑی کس چیز سے متعلق ہے۔ محفلین کو ٹیگ کرنا ہو تو پیغام میں @ کے نشان کے فوراً بعد محفلین کا نام لکھیں۔

معلومات بہم پہنچانے کا شکریہ۔ انشا اللہ آئندہ عمل ہوگا۔

 

[حسیب نذیر گِل]

اج کل دے حالات نال مطابقت رکھ دی بوت ودیا نظم
ونڈن دا بوت شکریہ

 

[باباجی]

واہ بوہت ودیا تے ڈونگھا کلام

کس نے کھوہ لئی تیرے کولوں تیری نظر لجیلی نی
نیویں تے شرمیلی نی

 

[ساجد]

”اک کُڑی دی چیز گواچی بھلکے چیتا آوے گا“۔
بڑی سوہنی سانجھ پائی اے محترم تلمیذ صاحب۔ ہُن تے اے وی بھیلیکھا پیندا اے پئی ساڈا چیتا وی بھلان دی کوشش کیتی جارہی اے۔

 

[پردیسی]

اک کُڑی دی چیز گواچی
بھلکے چیتا آوے گا

واہ واہ ۔۔ بڑی ودیا اے بھائی جی ۔۔۔ کمال کر دتا
خوش رہو جی

 

[فرحت کیانی]

واہ۔ بہت خوب۔ زبردست انتخاب اے۔ شیئر کرن لئی بہت شکریہ

 

[نیرنگ خیال]

کی سچا، کھرا تے سوہنا کلام ائے۔ میری گل منوں تے ایدا کوئی اردو ترجمہ کردیوے کہ جنہاں سنگیاں نوں پنجابی نئیوں آندی۔۔۔ اوہ وی تھوڑی سئی پر ایدی چاش نوں چکھ لین۔۔۔۔