وہ آخر اپنے گھر کا ہو گیا نا

[Wasiq Khan]

وہ آخر اپنے گھر کا ہو گیا نا​

کلیجہ سب کا ٹھنڈا ہو گیا نا​

​

کہا تھا دوستی اِتنوں سے مت کر​

بوقتِ عقد پھڈا ہو گیا نا​

​

پہن کر ہار وہ پُھولا تھا کیسا​

وہی پھانسی کا پھندا ہوگیا نا​

​

ہمارے ساتھ بھی فرہاد چاچا​

وہی گڑ بڑ گھٹالا ہوگیا نا​

​

کلیساء میں مدر روزی سے مل کر​

مرا دل بھی "کلی سا" ہو گیا نا​

​

بلا میک اپ اسے دیکھا ہی کیوں تھا​

تمناؤں کا کونڈا ہو گیا نا​

​

لفافہ بھی ملا ہے داد کے ساتھ​

چلو کچھ دال دلیا ہو گیا نا​

​

غزل پڑھ کر یہاں بزمِ سخن میں​

عنایت پیٹ ہلکا ہو گیا نا​

​

 

[سید زبیر]

بہت خوب

 

[شمشاد]

اچھی غزل ہے عنایت صاحب کی۔

 

[عمر سیف]

لفافہ بھی ملا ہے داد کے ساتھ
چلو کچھ دال دلیا ہوگیا نا

بہت خوب