وہ حیلہ جُو بھی کمال کا تھا جو لڑکھڑایا تو مسکرایا

[اسامہ جمشید]

وہ میرے دل کے اداس کمروں میں جگمگایا تو مسکرایا
وہ حیلہ جُو بھی کمال کا تھا جو لڑکھڑایا تو مسکرایا

اسے یہ خو تھی کہ میرے دل کے برامدے میں وہ رقص دیکھے
عجیب شے تھا کہ وسوسوں نے اسے ستایا تو مسکرایا

وہ محو حیرت تھا میری سوچوں کے کچھ کواڑوں کی خامشی پر
حسین چہرے نے سادگی سے سراغ پایا تو مسکرایا

وہ مسکراتی سے ایک شب تھی، کے ایک رُت تھی، کے ایک پل تھا
میں گل بدن کی عیاں شرارت کو چھیڑ آیا تو مسکرایا

وہ "آپ" تھے یا وہ "تم" تھے یا پھر "حضور" تھے یا "جناب" تھے وہ
اس اک غزالاں کو اتنے لہجوں میں جب بلایا تو مسکرایا

اسامہ جمشیدؔ
صبح 7 بجے، 1 مئی 2018، راولپنڈی​

 

[محمد تابش صدیقی]

اچھی غزل ہے

عجیب شیہ تھا کہ وسوسوں نے اسے ستایا تو مسکرایا

شے

وہ محو حیرت تھا میری سوچوں کے بند کواڑوں کی خامشی پر

بند کا وزن فاع ہے فع باندھنا درست نہیں۔

وہ "آپ" تھے کے وہ "تم" تھے یا پھر "حضور" تھے یا "جناب" تھے وہ

کہ
کہ دو حرفی اچھا نہیں لگتا

 

[اسامہ جمشید]

محمد تابش صدیقی صاحب بہت شکریہ ۔ ۔ ۔ تدوین کر دیے ہے بند کی جگہ کچھ کردیا اور کہ کی جگہ یا کردیا ۔ ۔ سپاس گزار ہوں حضور ۔ ۔ ۔

 

[فرقان احمد]

اعلیٰ! روانی بھی ہے اور تغزل کا رنگ بھی۔

 

[فاخر رضا]

ایک جوانوں میں مقبول شاعر ہیں جو ہمارے محمد وارث بھائی کو بہت پسند ہیں۔ انہی کی طرح کی شاعری ہے۔ کیا نام ہے بھئی انکا۔

 

[فاخر رضا]

بھئی وہ ٹی وی پر پروگرام بھی کرتےہیں

 

[اسامہ جمشید]

تمام احباب کا بہت شکریہ۔۔۔۔۔۔۔

 

[محمداحمد]

بہت خوب!

مترنم بحر میں اچھی غزل ہے۔