رضا وہ سوئے لالہ زار پھرتے ہیں

[مہ جبین]

وہ سوئے لالہ زار پھرتے ہیں​

تیرے دن اے بہار پھرتے ہیں​

​

جو ترے در سے یار پھرتے ہیں​

در بدر یونہی خوار پھرتے ہیں​

​

آہ کل عیش تو کیے ہم نے​

آج وہ بے قرار پھرتے ہیں​

​

ہر چراغِ مزار پر قدسی​

کیسے پروانہ وار پھرتے ہیں​

​

اس گلی کا گدا ہوں میں جس میں​

مانگتے تاجدار پھرتے ہیں​

​

جان ہیں ، جان کیا نظر آئے​

کیوں عدو گردِ غار پھرتے ہیں​

​

پھول کیا دیکھوں میری آنکھوں میں​

دشتِ طیبہ کے خار پھرتے ہیں​

​

لاکھوں قدسی ہیں کامِ خدمت پر​

لاکھوں گردِ مزار پھرتے ہیں​

​

ہائے غافل وہ کیا جگہ ہے جہاں​

پانچ جاتے ہیں ، چار پھرتے ہیں​

​

بائیں رستے نہ جا مسافر سُن​

مال ہے راہ مار پھرتے ہیں​

​

جاگ سنسان بن ہے ، رات آئی​

گرگ بہرِ شکار پھرتے ہیں​

​

نفس یہ کوئی چال ہے ظالم​

کیسے خاصے بِجار پھرتے ہیں​

​

کوئی کیوں پوچھے تیری بات رضا​

تجھ سے کتّے ہزار پھرتے ہیں​

​

اعلیٰ حضرت الشاہ امام احمد رضا خان فاضلِ بریلوی رحمۃاللہ علیہ​

 

[فرحت کیانی]

جزاک اللہ۔
اس نعت کی آڈیو ہو گی میرے پاس شاید۔ ابھی اپلوڈ کرتی ہوں۔

 

[فرحت کیانی]

آڈیو۔ وہ سُوئے لالہ زار پھرتے ہیں۔ سید فصیح الدین سہروردی

 

[مہ جبین]

آڈیو۔ وہ سُوئے لالہ زار پھرتے ہیں۔ سید فصیح الدین سہروردی

بہت بہت شکریہ فرحت نعت شریف کی آڈیو پیش کرنے کا

سید فصیح الدین سہروردی صاحب نے اسکو پڑھا بھی بہت اچھی طرح سے ہے ماشاءاللہ

جزاک اللہ خیراً

 

[مدیحہ گیلانی]

سبحان الله !کیا کہنے ۔۔۔۔ ماشا الله بہت خوبصورت انتخاب ہوتا ہے اپکا

 

[مہ جبین]

سبحان الله !کیا کہنے ۔۔۔ ۔ ماشا الله بہت خوبصورت انتخاب ہوتا ہے اپکا

بہت شکریہ مدیحہ بہنا

میں کیا ،اور میری اوقات کیا

بس اللہ پاک اعلیٰ حضرت علیہ الرحمہ کی نعتیں ٹائپ کرنے کی یہ ادنیٰ سی کوشش اپنی بارگاہ میں قبول فرمالے تو شاید اِس سیہ کار کی بخشش کا کچھ سامان ہوجائے آمین

دعاؤں کی طلبگار ہوں

 

[احمد بلال]

میری پسندیدہ نعتوں میں سے ایک ہے۔ کیا کمال ہے۔ سبحان اللہ

 

[مہ جبین]

بے شک اعلیٰ حضرت کا سارا ہی کلام کمال کا ہے

جزاک اللہ احمد بلال

 

[حسیب نذیر گِل]

"جو ترے در سے یار پھرتے ہیں​

در بدر یونہی خوار پھرتے ہیں"​

سبحان اللہ کیا کہنے ہیں اعلٰی حضرت​

جزاک اللہ مہ جبین خالہ​

 

[شیخ محمد نواز]

اللہ تعالیٰ کی اس عظیم ہستی پر لاکھوں کروڑوں رحمتیں نازل ہوں۔ آمین

 

[ابرار بھائی]

ہائے غافل وہ کیا جگہ ہے جہاںپانچ جاتے ہیں ، چار پھرتے ہی​

اس غافل کو بھی اس شعر کی سمجھ نہیں آئی۔ کوئی سمجھا دے تو نوازش

 

[علی احمد صاحب]

وہ سوئے لالہ زار پھرتے ہیں
تیرے دن اے بہار پھرتے ہیں

جو ترے در سے یار پھرتے ہیں
در بدر یونہی خوار پھرتے ہیں

آہ کل عیش تو کیے ہم نے
آج وہ بے قرار پھرتے ہیں

ہر چراغِ مزار پر قدسی
کیسے پروانہ وار پھرتے ہیں

اس گلی کا گدا ہوں میں جس میں
مانگتے تاجدار پھرتے ہیں

جان ہیں ، جان کیا نظر آئے
کیوں عدو گردِ غار پھرتے ہیں

پھول کیا دیکھوں میری آنکھوں میں
دشتِ طیبہ کے خار پھرتے ہیں

لاکھوں قدسی ہیں کامِ خدمت پر
لاکھوں گردِ مزار پھرتے ہیں

ہائے غافل وہ کیا جگہ ہے جہاں
پانچ جاتے ہیں ، چار پھرتے ہیں

بائیں رستے نہ جا مسافر سُن
مال ہے راہ مار پھرتے ہیں

جاگ سنسان بن ہے ، رات آئی
گرگ بہرِ شکار پھرتے ہیں

نفس یہ کوئی چال ہے ظالم
کیسے خاصے بِجار پھرتے ہیں

کوئی کیوں پوچھے تیری بات رضا
تجھ سے کتّے ہزار پھرتے ہیں

اعلیٰ حضرت الشاہ امام احمد رضا خان فاضلِ بریلوی رحمۃاللہ علیہ​

ما شاء اللّٰہ
بہت خوب

 

[سید رافع]

اس گلی کا گدا ہوں میں جس میں
مانگتے تاجدار پھرتے ہیں
بہت خوبصورت شعر۔

 

[سید رافع]

اس غافل کو بھی اس شعر کی سمجھ نہیں آئی۔ کوئی سمجھا دے تو نوازش

یہاں ایک مفہوم یہ لکھا ہے

مراد شاید یہ ہے کہ اے غافل میت کو چار کاندھے قبر تک لے کر جاتے ہیں تو کل پانچ ہوتے ہیں اور واپسی پر چار واپس آتے ہیں۔

 

[a.waqar]

ایک بہت ہی خوبصورت نعت۔ میں نے بھی یہ نعت پڑھی ھے اورا س فورم پر شٔیر کر رہا ہوں۔

 

[a.waqar]

 

[محمد خلیل الرحمٰن]

خوبصورت آواز!

 

[زوجہ اظہر]

سبحان اللہ ، ماشاءاللہ a.waqar بہت خوب پڑھا ہے

 

[زوجہ اظہر]

کہیں پڑھا تھا کہ
جب اسوقت ذوق نے یہ شعر سنا
وہ سوئےلالہ زار پھرتے ہیں
تیرےدن اے بہار پھرتے ہیں
کہا، مولوی ہوکر ایسے شعر کہتا ہے