عدم وہ مرے اس قدر قریب ہوا - عبدالحمید عدم

[معاویہ وقاص]

وہ مرے اس قدر قریب ہوا​

اس سے ملنا نہ پھر نصیب ہوا​

جس قدر سوچتا ہوں ہنستا ہوں​

آج ایک ماجرا عجیب ہوا​

آپ سے اب کوئی ملال نہیں​

شکر ہے کچھ سکوں نصیب ہوا​

دیکھ آیا ہے آج خود بھی انہیں​

آج کچھ مطمئن طبیب ہوا​

میں تو چپ ہی رہونگا محشر میں​

وہ پری وش اگر قریب ہوا​

پوجتی ہے عدم جسے دنیا​

کون اتنا بڑا ادیب ہوا​

------

ہاتھ رکھتے ہی نبض پر میری​

کس قدر مضطرب طبیب ہوا​

تجھ سے کیا چیز قیمتی ہوگی​

تو تو پیارے مرا حبیب ہوا​

دو ہی با ذوق آدمی ہیں عدم​

میں ہوا یا مرا رقیب ہوا​

عبدالحمید عدم​

 

[فرخ منظور]

واہ! معاویہ بھائی۔ بہت عمدہ انتخاب۔ بہت بہت شکریہ آپ کا

 

[فاتح]

واہ واہ خوب انتخاب ہے
اس سے قبل اس غزل کا صرف مقطع ہی سن رکھا تھا۔۔۔ آج مکمل غزل پڑھنے کی سعادت بھی نصیب ہو گئی۔

 

[شیزان]

عدم کو پڑھنا مجھے ہمیشہ بہت اچھا لگا۔
شکریہ اس شیئرنگ کا

 

[صائمہ شاہ]

دو ہی با ذوق آدمی ہیں عدم
میں ہوا یا مرا رقیب ہوا

 

[محمد بلال اعظم]

دو ہی با ذوق آدمی ہیں عدم
میں ہوا یا مرا رقیب ہوا

 

[محمود احمد غزنوی]

زبردست۔۔۔

 

[محمداحمد]

 

[محمد وارث]

شکریہ جناب خوبصورت غزل ارسال فرمانے کیلیے