وہ پھول کاڑھتی رہی............سرمد صہبائی

[فلک شیر]

وہ پھول کاڑھتی رہی

خزاں کی زرد شال پر وہ پھول کاڑھتی رہی
اُجڑتے ماہ و سال پر وہ پھول کاڑھتی رہی
دِلوں کے مرغزار میں
عجب اُداس شام تھی
گزرتے پل کے ہونٹ پر
وہ منتشر سا نام تھی

دکھوں کی تند دھار پر
لہولہان انگلیاں
مگر وہ سانس سانس اپنی عمر کے لباس پر
لہو کشیدتی رہی
گلاب سینچتی رہی
خزاں کی زرد شال پر اُجڑتے ماہ و سال پر
وہ پھول کاڑھتی رہی وہ پھول کاڑھتی رہی

سرمد صہبائی​

 

[نیرنگ خیال]

عجب اُداس شام تھی
گزرتے پل کے ہونٹ پر
وہ منتشر سا نام تھی

 

[عمر سیف]

خوب ۔۔

 

[فلک شیر]

خوب ۔۔

شکریہ عمر بھائی

 

[محمود احمد غزنوی]

لہو کشیدتی رہی یا کشیدگی رہی؟

 

[فلک شیر]

لہو کشیدتی رہی یا کشیدگی رہی؟

جہاں میں نے پڑھی، یہاں یہی لکھا تھا............لیکن جب میں نے پڑھی، تب میں اپنی روانی میں "کشیدتی "ہی پڑھتا رہا...........آپ نے درست نشاندہی فرمائی۔ شکرگزار ہوں۔
تدوین کر دی ہے۔