وہ ہم نوا ہم خیال چپ ہے ...

[La Alma]

وہ ہم نوا ہم خیال چُپ ہے
جواب چُپ ہے سوال چُپ ہے

ابھی تلک ہے فراق میں گُم
ملن کی رُت میں وصال چُپ ہے

غمِ حیات آ لپٹ کے رو لیں
نجانے کب سے ملال چُپ ہے

بڑا مچایا تھا شور اس نے
عروج پا کر زوال چُپ ہے

جمال اُس کا بیاں ہو کیسے
خموش تشبیہ مثال چُپ ہے

زباں پہ کب سے پڑے ہیں تالے
لبوں پہ مہریں مجال چُپ ہے

ہُنر سے عاری مجھے نہ جانو
ابھی تو میرا کمال چُپ ہے

​

 

[رومانہ چوہدری]

بہت اعلیٰ
اس میں قابل اصلاح شاید کچھ بھی نہیں !

 

[اکمل زیدی]

اس میں قابل اصلاح شاید کچھ بھی نہیں !

یہ تو اساتذہ بتائیںگے ...یا پھر کہیں آپ خود استاد ہیں ........

 

[اکمل زیدی]

ہُنر سے عاری مجھے نہ جانو
ابھی تو میرا کمال چُپ ہے

خوب ہے ۔ ۔ ۔

 

[محمد ریحان قریشی]

خوب ہے۔
تشبیہ کو میرے ناقص علم کے مطابق فعلن کے وزن پر نہیں باندھا جا سکتا۔

 

[محمد تابش صدیقی]

بہت خوب بہن.

 

[La Alma]

بہت اعلیٰ
اس میں قابل اصلاح شاید کچھ بھی نہیں !

بہت نوازش .

خوب ہے ۔ ۔ ۔

مہربانی .

خوب ہے۔
تشبیہ کو میرے ناقص علم کے مطابق فعلن کے وزن پر نہیں باندھا جا سکتا۔

شکریہ۔ کیا تقطیع میں تشبیہ کی ہ کو ساکن نہیں کیا جا سکتا؟

بہت خوب بہن.

بہت شکریہ .

 

[محمد ریحان قریشی]

شکریہ۔ کیا تقطیع میں تشبیہ کی ہ کو ساکن نہیں کیا جا سکتا؟

تشبیہ کی ہ ساکن ہی ہے۔ فعلن کے وزن پر باندھتے ہوئے آپ نے تشبیہ کی ی دبا دی ہے۔ یعنی تقطیع تَش بِہ ہو رہی ہے۔

 

[La Alma]

تشبیہ کی ہ ساکن ہی ہے۔ فعلن کے وزن پر باندھتے ہوئے آپ نے تشبیہ کی ی دبا دی ہے۔ یعنی تقطیع تَش بِہ ہو رہی ہے۔

میں نے تو ہ گرائی تھی اور اسے تشبی تقطیع کیا تھا . کیا عروض کی رو سے ایسا کرنا غلط ہے ؟

 

[محمد ریحان قریشی]

میں نے تو ہ گرائی تھی اور اسے تشبی تقطیع کیا تھا . کیا عروض کی رو سے ایسا کرنا غلط ہے ؟

جی بالکل غلط ہے۔ یہ تو ایسے ہی ہے جیسے عطار کی ر دبا دی جائے۔
الف یا ہ ، جو لفظ کے آخر میں آئے، تب دبائی جا سکتی ہے، جب اس سے قبل آنے والے حرف پر زبر ہو۔

 

[سید لبید غزنوی]

بہت خوب

 

[الف عین]

باقی درست ے غزل ماشاء اللہ، تشبیہ پر تو بات ہو چکی ہے۔ اس کے علاوہ یہ مصرع بھی خلاف محاورہ ہے۔بات مکمل نہیں ہوتی اس طرح۔
لبوں پہ مہریں مجال چُپ ہے

 

[کاشف اسرار احمد]

ماشا اللہ خو ب غزل ہے۔
لطف آ گیا۔
سدا خوش رہیں۔