سترھویں سالگرہ ًمشاعرہ اگست 2022۔۔۔آنکھوں دیکھا، کانوں سُنا تحریری حال

[گُلِ یاسمیں]

عبدالرؤف بھائی بھی شاعر ہیں اس بات کا علم نہیں تھا۔ لیکن اب آپ کا کلام سُن کر بہت اچھا لگا۔ ماشاءاللہ ماشاءاللہ

آخر کو بھائی کس کے ہیں۔۔ گُلِ یاسمین کے۔
ہرفن مولا ہیں ہمارے روؤف بھائی۔ اللہ پاک انھیں ہمیشہ خیر و عافیت سے رکھیں۔ آمین۔

 

[صابرہ امین]

کیا کہنے صابرہ امین صاحبہ۔ دونوں غزلیں بہت خوب صورت ہیں۔
دوسری غزل کے یہ اشعار بہت اچھے لگے:

بہت شکریہ بھائی۔ ایک اچھے شاعر کی جانب سے یہ حوصلہ افزائی بہت معنی رکھتی ہے۔ آپ کا بہت شکریہ ۔

 

[محمد عبدالرؤوف]

آخر کو بھائی کس کے ہیں۔۔ گُلِ یاسمین کے۔
ہرفن مولا ہیں ہمارے روؤف بھائی۔ اللہ پاک انھیں ہمیشہ خیر و عافیت سے رکھیں۔ آمین۔

سدا سلامت رہیں

 

[میم الف]

آدھا مشاعرہ کل سنا تھا، باقی آدھا آج سن رہا ہوں۔
اب محمّد احسن سمیع :راحل: صاحب آئے ہیں۔
ماشاءاللہ بہت اچھے اشعار سنائے اور ترنم کے کیا کہنے۔
یہ اشعار خاص طور پر پسند آئے:

اب کون سا غم ،کیسا فسوں ،کیسا تاسف؟
قسمت کا لکھا پورا ہوا کرتا ہے آخر

میں تیرے عشق میں ہوں ڈوب کر بھی تشنہ لب
کسی کی پیاس بجھائی ہے کب سمندر نے

ظلمتِ شب میں اجالے کا نشاں کوئی نہیں
اب شکست اور حوصلے کے درمیاں کوئی نہیں

آسماں سے مت الجھنا دوست، اس کا انتقام
آگ وہ برسائے گا جس سے اماں کوئی نہیں

 

[گُلِ یاسمیں]

ہماری گُلِ یاسمیں بٹیا کی خیر ماشاء اللہ ماشاءاللہ خوب آنکھوں دیکھا حال گذشتہ سال کی طرح اس سال بھی محفلین تک پہنچانے کا کام شاندار جاندار اور زبردست انداز میں پایہ تکمیل تک پہنچایا ۔۔
سلامت رہیے اور اسی طرح اُردو محفل کو چار چاند لگاتی رہیے آمین ۔
ہماری پیاری دلاری اور چہیتی سی بٹیا کو ڈھیروں پیار دعائیں اور بے حساب داد و تحسین ؀
گل ترے گلشن ہے تیرا سب بہاریں ہیں تیری
آشیان و برق سب کہتے ہیں افسانہ ترا!!!!!
🥇🥇🥇🥇🥇🥇🥇🥇🥇🥇🥇🥇🥇

سیما آپا آپ کی محبتیں ہمیشہ ہمیں سرشار کرتی ہیں۔ اللہ پاک ان محبتوں کو یونہی سلامت رکھیں۔ آمین۔
اردو محفل تو اپنے گھر جیسی ہے۔اور گھر سے محبت ہی یوں کچھ تھوڑا بہت کرنے پہ ہمت دیتی ہے۔
سلامت رہئیے ہمیشہ۔ 🥰🥰🥰

 

[گُلِ یاسمیں]

بہت شکریہ سلامت رہیں۔
ایک خوبصورت محفل خوبصورت لوگوں کے ساتھ۔
احباب کا کلام سن کر مزہ آگیا۔

بے شک بہت خوبصورت محفل رہی خوبصورت لوگوں کے خوبصورت کلام کے ساتھ۔

سلامت رہئیے۔

 

[گُلِ یاسمیں]

زبردست کام ہے بہنا! سلامت رہیں۔
آپ کا کام مشاعرے کو چار چاند لگاتا ہے۔ دوستوں کو دوبارہ مل کر اچھا لگا۔

بہت شکریہ روؤف بھائی۔
مشاعرے کو تحریری شکل دینا۔۔۔۔ یوں لگ رہا ہوتا ہے کہ کمرہء امتحان میں بیٹھے ہیں۔ اور جب آخر میں سب کی طرف سے شاباشی ملتی ہے تو تسلی ہو جاتی ہے کہ ہم امتیازی نمبرات حاصل کر کے پاس ہو گئے۔
سالانہ امتحان کے علاوہ سہ ماہی۔ ششماہی امتحانات بھی تو ہوتے ہیں۔ ان کی طرف بھی توجہ دیجئیے نا۔ سہ ماہی نہ سہی۔ ششماہی تو بنتا ہے۔

 

[گُلِ یاسمیں]

باجی گل !شاباش ۔ماشاء اللہ اردو کی خدمت کے معاملے میں آپ اعجاز عبید صاحب کے نقش قدم پہ چل پڑی ہیں کہ اپنی ذات کو ایک طرف رکھ کر جت گئی ہیں ۔
اللہ جل شانہ آپ کی من مانگی مرادیں پوری فرمائے۔آمین
جزاک اللہ خیر و احسن الجزا

آمین ثم آمین۔
استادِ محترم سےاردو کی خدمت کا درس لینے کی کوشش میں ہیں کہ ان کے بنائے راستے پر جتنے قدم بھی چل سکیں۔
زندگی کی دیگر مصروفیات کے ساتھ ساتھ محفل میں اپنا حصہ ڈالنا بھی خود پہ فرض کر لیا ہے۔بیرون ملک رہتے ہوئے ہر دم اپنے ہم زبانوں کی محفل میں موجود رہنا ہمارے لئے بہت خوشی کی بات ہے۔
بہت شکریہ اردو محفل کا۔ تمام محفلین کا۔

 

[گُلِ یاسمیں]

واقعی حسن صاحب نے خوب نظامت کے فرائض انجام دیے۔کیا بات ہے۔
آدمی خود تو شاعری نہ کرے پھر بھی اتنے شاعروں کو بیٹھ کر سننا اور سب کو داد دینا وہ بھی مفت میں ، بڑے دل گردے کا کام ہے۔
پھر گفتگو کی شائستگی ،ملائمت اور نفاست کمال تھی ۔سلوٹ ہے آپ کو حسن بھائی۔

ارے واہ۔۔۔ یعنی کہ ہم اکیلے ہی ایسے نہیں۔

 

[گُلِ یاسمیں]

اعجاز صاحب کا کلام کیوں نہیں پیش کیا گل باجی؟

تھوڑی تاخیر ہو گئی تھی استادِ محترم کا کلام پیش کرنے میں۔ لیکن اب ہم نے یہ فرض بھی ادا کر دیاہے۔

 

[گُلِ یاسمیں]

یہاں بھی یہی معاملہ تھا۔ اب نئے سرے سے مشاعرہ دیکھنے کا ارادہ ہے۔

آپ کا مطلب ہے کہ نئے سرے سے نیا مشاعرہ؟؟؟
روؤف بھائی تیاری پکڑئیے۔۔۔

 

[گُلِ یاسمیں]

یہ کس کی جان قربان کر رہی ہیں ۔ ناحق قتل بہت خطرناک جرم ہے ۔

ناحق تو ہم اپنی بھی جان نہ دیں فیصل بھائی۔ اوروں کی کیسے لے سکتے ہیں۔

 

[علی وقار]

آپ کا مطلب ہے کہ نئے سرے سے نیا مشاعرہ؟؟؟
روؤف بھائی تیاری پکڑئیے۔۔۔

اب انہیں ایک سال تک تنگ نہ کیجیے گا۔ ویسے ایک بات ہے کہ روفی بھائی شاعروں کو مشاعرےکے لیے مناتے مناتے خود اچھے خاصے شاعر بن گئے۔ لطف کی بات یہ کہ داد بھی سمیٹ لی۔ ہم تو انہیں یوں ہی لائٹ لے رہے تھے۔

 

[گُلِ یاسمیں]

آپ آ جاتے تو محفل میں مزید لطف بڑھتا۔ خیر۔۔۔ آئندہ برس ضرور تشریف لائیے گا۔

آئندہ برس؟
روؤف بھائی یہ تو بہت لمبا عرصہ ہوتا ہے۔ ہم نے تو سن رکھا ہے کہ شاعر حضرات پر تو آمد ہوتی رہتی ہے چلتے پھرتے۔ اور ان کی شاعری کی داد یہی ہے کہ انھیں بھرپور توجہ سے بار بار سُنا جائے تا کہ ان کے ذوقِ سُخن کی تسکین ہوتی رہے اور ہم جیسے غیر شاعر لوگوں کی سماعتوں میں خوبصورت کلام اترتا رہے۔
ہم سب چاہتے کہ یہ مشاعرہ ایک سے زیادہ بار ہونا چاہئیے سال میں۔

 

[میم الف]

واہ عاطف ملک صاحب
ڈاکٹری بھی فرماتے ہیں، شاعری بھی فرماتے ہیں۔
شاعری خوب فرماتے ہیں تو ڈاکٹری بھی خوب ہی فرماتے ہوں گے۔
سارے اشعار ہی بہت اچھے ہیں۔
اور آخر میں ظریفانہ تڑکا بھی خوب ہے۔
بس ذرا کمر بچائے رہیے تاکہ آئندہ بھی مشاعروں میں شرکت کے لیے تشریف لا سکیں۔

اور اب آتے ہیں محفل کے ایم بی بی ایس معالج اور نوجوان شاعر۔۔۔ اس وقت ڈیوٹی پر موجود ہیں مگر عالمی مشاعرہ کو اپنے کلام سے رونق بخشنے کے لئے کچھ قیمتی وقت نکالا ہے۔
آتے ہیں عاطف ملک اپنے کلام کے ساتھ

بکاہ و نالہ و شیون پہ اختیار نہ ہو
کسی کے ہجر میں یوں کوئی بے قرار نہ ہو

لبوں پہ تذکرہ، دل میں خیالِ یار نہ ہو
دعا ہے عمر میں میری وہ پل شمار نہ ہو

لگایا جس نے مجھے روگ زندگی بھر کا
وہ زندگی میں کبھی غم سے ہم کنار نہ ہو

خدا کرے کہ نہ بیتے شبِ فراق اس پر
خدا کرے کہ کسی سے بھی اس کو پیار نہ ہو

بچھڑنے والے بھی لَوٹے ہیں آہ و زاری سے؟
کسی کے واسطے عاطفؔ یوں سوگوار نہ ہو

بہت زبردست۔۔
ایک اور غزل کے اشعار پیش کرتے ہوئے

اک حسن کی مورت کا اک دل ہے صنم خانہ
اتنی سی کہانی ہے ، اتنا سا ہے افسانہ

سب ہی سے تعلق ہےمیرا تو رقیبانہ
ہر ایک تیراعاشق ، ہر اک ترا دیوانہ

سینے میں چھپایا ہےہونٹوں سے لگایا ہے
خارِ رہِ جاناناں ، سنگِ درِ جاناناں

ہر سمت تجھے ڈھونڈوں ہر اک سے ترا پوچھوں
پھر کیوں نہ کہے دنیا مجھ کو ترا دیوانہ

بہت ہی زبردست ۔۔

چند نئے اشعار پیش کرتے ہیں

دل میں ہے جو بسا وہ کوئی دوسرا نہیں
ہونٹوں پہ کوئی نام تمہارے سوا نہیں

میں تیری اک نگاہِ تلطف کا منتظر
تو ہے کہ اک نظر بھی ادھر دیکھتا نہیں

ایسا فغاں ہے دل میں کہ محشر کا ہو گماں
گر کھولتا ہوں لب تو کوئی مدعا نہیں

آنکھوں سے ایک سیل سا اشکوں کا ہے رواں
پوچھو تو کوئی عرض نہیں ، التجا نہیں

کہہ دوں گا صرف تو، وہ اگر پوچھ لے کبھی
کیا چاہتا ہے اور تیرے پاس کیا نہیں

تو دور تھا تو روگ بھی جیسے تھے بے شمار
تو پاس ہے تو جیسے کبھی کچھ ہوا نہیں

سوچا کبھی کہ گزرے گی دل پر کسی کے کیا
تم نے تو اپنے دل کی سنی کہہ دیا نہیں

ایک اور سنئیے۔۔۔۔
ارشاد ارشاد کی آوازوں کی گونج میں

پہلو میں لے کے پھر تو رہا ہوں سحر کو میں
ڈر ہے کہ دِکھ نہ جاؤں سحر کے پدر کو میں

بیگم سے کل کہا تھا کمر کچھ تو کم کرو
سہلا رہا ہوں تب سے ہی اپنی کمر کو میں

جب مانتا نہیں وہ مجھے نیوٹرل تو پھر
پہچانتا نہیں ہوں تیرے رہبر کو میں

سب کلام بہت خوبصورت۔ سلامت رہئیے عاطف ملک

غلطیاں نکال کر ، اصلاح کر کے شکریہ کا موقع دیجئیے۔

 

[گُلِ یاسمیں]

اب انہیں ایک سال تک تنگ نہ کیجیے گا۔ ویسے ایک بات ہے کہ روفی بھائی شاعروں کو مشاعرےکے لیے مناتے مناتے خود اچھے خاصے شاعر بن گئے۔ لطف کی بات یہ کہ داد بھی سمیٹ لی۔ ہم تو انہیں یوں ہی لائٹ لے رہے تھے۔

نہیں نہیں روؤف بھائی تو پہلے بھی شاعر تھے۔ اب مزید ہو گئے ہیں۔
ایک سال تک کیوں نہ تنگ کریں بھلا۔۔۔یہ بھی کوئی بات ہے۔
سال میں چار مشاعرے کروانے سے بات شروع کریں گے۔ کم کرتے کرتے دو پر تو حامی بھروا کر ہی چھوڑنی ہے۔ ان شاء اللہ

 

[گُلِ یاسمیں]

جزاک اللہ خیرا

سلامت رہئیے فیصل بھائی

 

[علی وقار]

نہیں نہیں روؤف بھائی تو پہلے بھی شاعر تھے۔ اب مزید ہو گئے ہیں۔
ایک سال تک کیوں نہ تنگ کریں بھلا۔۔۔یہ بھی کوئی بات ہے۔
سال میں چار مشاعرے کروانے سے بات شروع کریں گے۔ کم کرتے کرتے دو پر تو حامی بھروا کر ہی چھوڑنی ہے۔ ان شاء اللہ

چلیے اس بار شاعروں کو منانے کی باری آپ کی اور مشاعرے کا کُلی انتظام آپ سنبھالیے۔ یہ تو ہم سے پوچھیے کہ اس کے لیے کیا کیا پاپڑ بیلنے پڑتے ہیں۔ اس مشاعرے کا انعقاد بھی بمشکل ہو پایا؛ ویسے وجوہات زیادہ تر جینوئن تھیں۔ روفی بھائی کے پاس ذاتی مکالمات کا ریکارڈ ہوا تو اس کی ایک نقل اُن سے ضرور لے لیجیے گا، اُس کے بعد یہ ایڈونچر کر گزریے۔ ہم آپ کی ہاں میں ہاں ملاتے چلے جائیں گے۔

 

[علی وقار]

میں اس مشاعرے کے انعقاد کا ستر فیصدکریڈٹ روفی بھائی کو دوں گا کہ اُن کی بے لوث کاوشوں کے بعد رواں برس مشاعرے کا انعقاد، قدرے تاخیر سے ہی سہی، عمل میں آیا۔

 

[محمد عبدالرؤوف]

بہت شکریہ روؤف بھائی۔
مشاعرے کو تحریری شکل دینا۔۔۔۔ یوں لگ رہا ہوتا ہے کہ کمرہء امتحان میں بیٹھے ہیں۔ اور جب آخر میں سب کی طرف سے شاباشی ملتی ہے تو تسلی ہو جاتی ہے کہ ہم امتیازی نمبرات حاصل کر کے پاس ہو گئے۔
سالانہ امتحان کے علاوہ سہ ماہی۔ ششماہی امتحانات بھی تو ہوتے ہیں۔ ان کی طرف بھی توجہ دیجئیے نا۔ سہ ماہی نہ سہی۔ ششماہی تو بنتا ہے۔

اچھی بات ہے۔لیجیے وزارتِ تعلیم کا قلمدان آپ کو سونپا جاتا ہے۔ جس طرح چاہیں امتحانات کرائیں۔😊