پاندھیوں کو نہ راہ میں رکھنا ٭ ماجد صدیقی

[محمد عدنان اکبری نقیبی]

پاندھیوں کو نہ راہ میں رکھنا
ربّ عالم پناہ میں رکھنا

عرش تک کو ہِلا کے جو رکھ دے
تاب ایسی بھی آہ میں رکھنا

لے نہ بیٹھیں یہ باتفنگ تمہیں
کوئی مُخبر سپاہ میں رکھنا

شیر جو ہو گیا ہے آدم خور
اُس کی یہ خُو نگاہ میں رکھنا

تاجور! نسخۂ حصولِ تخت
سینت رکھنا، کُلاہ میں رکھنا

ہو جو ماجِد سُخن پسند تو پِھر
فرق کیا واہ واہ میں رکھنا

ماجد صدیقی​

 

[فہد اشرف]

پاندھی کیا ہوتا ہے؟

 

[فرقان احمد]

پاندھی کیا ہوتا ہے؟

آندھی کی جڑواں بہن!

 

[سید عاطف علی]

آندھی کی جڑواں بہن!

تھوڑا تو فرق ہوتا ہی ہو ہوگا۔

 

[فرقان احمد]

ہم تو اسے غلطی سمجھے تھے تاہم شاید یہ پنجابی زبان کا لفظ ہے جس کے معنی یہاں سے مل سکتے ہیں۔ معذرت عدنان بھیا!

 

[محمد تابش صدیقی]

ہم تو اسے غلطی سمجھے تھے تاہم شاید یہ پنجابی زبان کا لفظ ہے جس کے معنی یہاں سے مل سکتے ہیں۔ معذرت عدنان بھیا!

چونکہ غزل اردو میں ہے، اس لیے سوال تو ابھی اٹھتا ہے۔ اردو میں یہ لفظ مستعمل نہیں۔
کیا شاعر نے یہی استعمال کیا یا غلطی ہو گئی؟

 

[ہادیہ]

مجھے اس کی سمجھ ہی نہیں آئی۔۔

 

[ہادیہ]

تھوڑا تو فرق ہوتا ہی ہو ہوگا۔

بالکل۔ میں آپ کی بات سے اتفاق کرتی ہوں۔ جڑواں میں بھی "تھوڑا" فرق تو ہوتا ہی ہے۔۔

سرگوشی

کیونکہ ہم دو بہنیں بھی جڑواں ہیں نااا۔۔۔

 

[ہادیہ]

ویسے پاندھی لفظ پہلی بار ہی پڑھا ہے۔۔

 

[محمد تابش صدیقی]

نیٹ پر تو اسی طرح موجود ہے۔
اس لیے اگر یہ غلطی ہے تو کم از کم عدنان بھائی اس الزام سے مبرا ہیں۔

 

[ہادیہ]

نیٹ پر تو اسی طرح موجود ہے۔
اس لیے اگر یہ غلطی ہے تو کم از کم عدنان بھائی اس الزام سے مبرا ہیں۔

پھر "شاعر" سے غلطی ہوئی ہوگی۔۔ میرے بھائی تو "معصوم" سے ہیں۔۔

 

[محمد عدنان اکبری نقیبی]

پھر "شاعر" سے غلطی ہوئی ہوگی۔۔ میرے بھائی تو "معصوم" سے ہیں۔۔

شکریہ بہنا۔