پانی، سمندر، دریا، نہر، ندی، نالا، چشمہ، جھیل، تالاب، آبشار، کنواں

[زیرک]

دی تشنگی خدا نے تو چشمے بھی دے دئیے
سینے میں دشت، آنکھوں میں دریا کیا مجھے​

آج خوشبو اور نازک احساسات کی ترجمان پروین شاکر کا جنم دن ہے

 

[زیرک]

پیاس جس نہر سے ٹکرائی، وہ بنجر نکلی
جس کو پیچھے کہیں چھوڑ آئے وہ دریا ہو گا

 

[زیرک]

وہ چاند ہے تو عکس بھی پانی میں آئے گا
کردار خود ابھر کے کہانی میں آئے گا
اقبال ساجد

 

[زیرک]

کب لوٹا ہے بہتا پانی، بچھڑا ساجن، روٹھا دوست
ہم نے اس کو اپنا جانا، جب تک ہاتھ میں داماں تھا
ابن انشا​

 

[زیرک]

حیراں ہے کئی روز سے ٹھہرا ہوا پانی
تالاب میں اب کیوں کوئی کنکر نہیں گرتا
قتیل شفائی​

 

[جاسمن]

جھیل آنکھوں میں سرمگیں آنسو
چاند بے خود تھا اس نظارے پر
احمد سجاد بابر

 

[جاسمن]

رنج کا اپنا ایک جہاں ہے، اور تو جس میں کچھ بھی نہیں
یا گہراؤ سمندر کا ہے، یا پھیلاؤ بیاباں کا
رئیس فروغ

 

[جاسمن]

اس دن سے پانیوں کی طرح بہہ رہے ہیں ہم
جس دن سے پتھروں کا ارادہ سمجھ لیا
سعید احمد

 

[لاريب اخلاص]

مرے جمال کا ہر آئنہ ابھر آیا
یہ ساز کون سے چھیڑے ہیں آبشاروں نے
صلاح الدین فائق برہانپوری

 

[سیما علی]

کون کہتا ہے کہ موت آئی تو مر جاؤں گا
میں تو دریا ہوں سمندر میں اتر جاؤں گا

قاسمی صاحب

 

[سیما علی]

اگر فرصت ملے پانی کی تحریروں کو پڑھ لینا
ہر اک دریا ہزاروں سال کا افسانہ لکھتا ہے

بشیر بدر

 

[سیما علی]

چاند بھی حیران دریا بھی پریشانی میں ہے
عکس کس کا ہے کہ اتنی روشنی پانی میں ہے

فرحت احساس

 

[سیما علی]

سفر میں کوئی کسی کے لیے ٹھہرتا نہیں
نہ مڑ کے دیکھا کبھی ساحلوں کو دریا نہیں

 

[سیما علی]

گرتے ہیں سمندر میں بڑے شوق سے دریا
لیکن کسی دریا میں سمندر نہیں گرتا!!!!!!!!

قتیل شفائی

 

[سیما علی]

میں کشتی میں اکیلا تو نہیں ہوں
مرے ہم راہ دریا جا رہا ہے

احمد ندیم قاسمی

 

[سید عاطف علی]

جن خلیجوں سے گزرتی ہے ضیا دیتی ہے
آپ کے عکس کی ہلکی سی کرن پانی میں
سید خورشید علی ضیاء (والد صاحب)

 

[سید عاطف علی]

دریا تھا ساتھ ساتھ ، مگر تشنگی نہ تھی
صحرا میں آکے آب رواں ڈھونڈتے رہے
فدوی ۔

 

[سیما علی]

دریا تھا ساتھ ساتھ ، مگر تشنگی نہ تھی
صحرا میں آکے آب رواں ڈھونڈتے رہے
فدوی ۔

بے حد کمال

 

[جاسمن]

اے سمندر تری آنکھیں ہیں یہاں سب سے قدیم
اس جزیرے پہ مکانات سے پہلے کیا تھا
شناور اسحاق

 

[جاسمن]

دل پہ مشکل ہے بہت دل کی کہانی لکھنا
جیسے بہتے ہوئے پانی پہ ہو پانی لکھنا
کچھ بھی لکھنے کا ہنر تجھ کو اگر مل جائے
عشق کو اشکوں کے دریا کی روانی لکھنا
کنور بے چین