پاکستانی مظاہرین نے لندن میں نواز شریف کے گھر پر حملہ کردیا

[جاسم محمد]

پاکستانی مظاہرین نے لندن میں نواز شریف کے گھر پر حملہ کردیا
دسمبر 8, 2019
لندن ( آن لائن) برطانوی دارالحکومت میں پاکستانی مظاہرین نے سابق وزیر اعظم نواز شریف کے گھر پر حملہ کردیا۔

نجی ٹی وی کے مطابق سابق وزیر اعظم نواز شریف کے لندن کے علاقے پارک لین میں موجود فلیٹس کے باہر پاکستانی نژاد شہریوں کی جانب سے احتجاج کیا جارہا تھا جس میں نواز شریف اور شہباز شریف کے خلاف نعرے بازی کی جارہی تھی۔ کچھ دیر کے احتجاج کے بعد مظاہرین مشتعل ہوگئے اور انہوں نے ایون فیلڈ اپارٹمنٹس کے مرکزی دروازے پر ہلہ بول دیا۔ مظاہرین کی جانب سے نواز شریف کی رہائش گاہ کا مرکزی دروازہ توڑنے کی کوشش کی گئی تاہم برطانوی پولیس نے بر وقت کارروائی کرتے ہوئے انہیں پیچھے ہٹادیا۔

خیال رہے کہ ایون فیلڈ اپارٹمنٹس کے باہر پاکستانی نژاد طارق محمود نامی شخص نے تحریک انصاف کی جانب سے احتجاج کرنے کا اعلان کرتے ہوئے کارکنوں کو شرکت کی دعوت دی تھی۔پی ٹی آئی برطانیہ کے سیکرٹری اطلاعات تقویم احسن صدیقی نے ایون فیلڈ اپارٹمنٹس کے باہر ہونے والے مظاہرے سے لاتعلقی کا اعلان کر دیا۔ انہوں نے کہا کہ تحریک انصاف نے نواز شریف کے گھر کے باہر احتجاج کی کوئی کال نہیں دی۔ اگر نوازشریف ضمانت کی شرائط پر عمل پیرا رہے تو مظاہرے نہیں کریں گے ۔

پی ٹی آئی کی جانب سے لاتعلقی کا اظہار کیے جانے کے بعد مظاہرے میں لوگوں کی خاطر خواہ تعداد تو جمع نہ ہوسکی البتہ مظاہرین میں سے بعض نے عمران خان کی تصاویر بھی اٹھا رکھی تھیں۔

دوسری جانب شریف فیملی نے مظاہرے کی مخالفت میں مظاہرے کیلئے ایون فیلڈ اپارٹمنٹس کے باہرآنے کے خواہشمند لیگی کارکنوں کو وہاں آنے سے روک دیا تھا۔

 

[جاسم محمد]

پر امن احتجاج ہر شہری کا حق ہے۔ البتہ اس طرح گیٹ توڑ کر اندر گھسنے کی کوشش کرنا شدت پسندی کی علامت ہے۔ بطور انصافین اس کی بھرپور مذمت کرتا ہوں۔

 

[جاسم محمد]

تحریک انصاف برطانیہ اس احتجاج سے لاتعلقی کا اظہار کر چکی ہے۔ اس کے باوجود لفافے اس احتجاج کو تحریک انصاف سے منسوب کر کےپراپگنڈہ کر رہے ہیں۔

 

[جاسم محمد]

چلیں یہ بھی کر کے دیکھ لیں۔

 

[جاسم محمد]

 

[جاسم محمد]

وزیر اعظم کی اہلیہ کو اپوزیشن لیڈر شہباز شریف نے جادوگرنی کہا گیا۔ مذمت؟

 

[جاسم محمد]

اپوزیشن، لبرل، لفافے: ہم آزادی اظہار کے ساتھ کھڑے ہیں
مظاہرین: جنرل باجوہ زندہ باد، عمران خان زندہ باد، نواز شریف چور ہے
اپوزیشن، لبرل، لفافے: یہ سب مظاہرین کی گھٹیا تربیت کا نتیجہ ہے۔ لندن پولیس ایکشن لے

 

[فرقان احمد]

آج کل باجوہ اینڈ کمپنی اس قدر بوکھلائی کیوں ہوئی ہے؟ آخر کیا وجہ ہے؟ سوچیے!

 

[جاسم محمد]

آج کل باجوہ اینڈ کمپنی اس قدر بوکھلائی کیوں ہوئی ہے؟ آخر کیا وجہ ہے؟ سوچیے!

ان ہتھکنڈوں سے اپوزیشن کو مجبور کیا جا رہا ہے کہ وہ جنرل باجوہ کی ایکسٹینشن کیلئے مطلوبہ قانون سازی کرے۔

 

[فرقان احمد]

ان ہتھکنڈوں سے اپوزیشن کو مجبور کیا جا رہا ہے کہ وہ جنرل باجوہ کی ایکسٹینشن کیلئے مطلوبہ قانون سازی کرے۔

نون لیگ ایک دو شرائط کے ساتھ دست بستہ تیار ہو گی کہ وہ مطلوبہ قانون سازی کرے، بس باجوہ صاحب دوسرے دھڑے کو باز رکھیں کہ وہ اپوزیشن جماعتوں سے رابطے نہ کرے۔ باجوہ صاحب کو اصل مسئلہ شاید اپنے ساتھی جرنیلوں سے ہی ہو گا۔ یہ سیاست دان کیا تیر مار لیں گے!

 

[آورکزئی]

پاکستانی مظاہرین کے بجائے پیٹی آئی کے مظاہرین لکھنا تھا۔۔۔۔۔۔۔۔۔

 

[جاسم محمد]

پاکستانی مظاہرین کے بجائے پیٹی آئی کے مظاہرین لکھنا تھا۔۔۔۔۔۔۔۔۔

چونکہ پارٹی لاتعلقی کا اظہار کر چکی ہے اس لئے لکھنا ضروری نہیں سمجھا

 

[جاسم محمد]

پاکستانی مظاہرین کے بجائے پیٹی آئی کے مظاہرین لکھنا تھا۔۔۔۔۔۔۔۔۔

یہ وہی گھر ہے جس کے بارہ میں نواز شریف نے نیب عدالت کو کہا تھا کہ ان کو نہیں معلوم کس کا ہے