پاکستان چاہیے - آصف زرداری

[نبیل]

حوالہ : ڈیلی ایکسپریس (31 دسمبر 2007)

 

[حسن علوی]

میرے خیال میں آصف علی زرداری کو اس ضمن میں صرف بیانات ہی نہیں بلکہ اندرونِ سندھ بذاتِ خود دورے کرنے چاہیئں اور امن کی اپیلیں کرنی چاہیئں تاکہ جیالوں کے غم و غصے پر قابو پایا جا سکے اور ملک میں بڑھتی ہوئی فرقہ واریت کو روکا جا سکے۔

 

[خرم]

اور یہ بھی سوچنا چاہئے کہ کیوں‌سندھ کے لوگ ہر وقت پنجابیوں کو ہی کوستے ہیں اور وہ کون لیڈر ہیں جو ہر چیز کا الزام صرف اپنے اقتدار کے لئے پنجاب پر لگاتے ہیں؟ پاکستان پر سب سے زیادہ حکومت سندھ کے حکمرانوں‌نے کی ہے اور پھر بھی پنجاب قصور وار؟ اس ناانصافی کا بھی کسی کو توڑ کرنا چاہئے۔

 

[امیداورمحبت]

ذرداری نے بروقت معذرت کرکے اچھا اقدام اٹھایا ہے

 

[ایچ اے خان]

حقیقت میں‌سندھ میں‌پنجاب کے خلاف بہت نفرت پائی جاتی ہے۔ اسکی بہت سی وجوہات ہیں مگر پی پی پی ایک وہ نکاسی راستہ تھی جس کی وجہ سے نفرت کےاثرات زائل ہوجاتے تھے۔
اس میں‌کوئی شبہ نہیں‌ہے کہ سندھ میں‌پنجاب سے نفرت کی بہت سی وجوہ غیر حقیقی ہیں اور سندھ بھی اقتدار کے مزے لوٹتا رہا ہے۔ اس میں‌بھی کوئی شک نہیں‌ہے کہ سندھ کے غیریب عوام اور پنجاب کے غریب عوام بلکہ پاکستان کے غریب عوام کے مسائل ایک ہی ہیں۔ مگر بدقسمتی سے فوجی ٹولہ جو اقتدار میں‌ حقیقی طور پر پاکستان کے وجود میں‌انے سے اب تک موجود ہے کا تعلق زیادہ تر پنجاب سے رہا ہے۔ اور پھر پنجاب کے ابادی جو پاکستان کے باقی صوبوں‌ (موجودہ) سے زائد ہے نے پنجاب کی افرادی قوت کی ہر صوبے میں‌موجودگی کو نمایاں‌کردیا ہے۔ کم وسائل کی موجودگی، زیادہ وسائل کے طلب گار، معاشی مشکلات اور فوجی ٹولے کی مسلسل حکمرانی اور ان کے غلط فیصلوں‌نے بہت خراب صورت حال پیدا کردی ہے جس کی وجہ سے پنجاب کو برا بھلا کہا جاتا ہے۔
مسائل کا حل فوجی ٹولے سے نجات ہے۔ یہ نجات تشدد سے حاصل ہوسکتی ہے جو میرے خیال میں‌اچھا راستہ نہیں ۔ انتخابات میں درست رائے کا اظہار ایک اچھا طریقہ ہے۔
اللہ کرے کہ پاکستان کے ہر فرد میں‌یہ شعور پیدا ہو کہ وہ پاکستانی ہے اور پاکستان کے مفاد کے لیے کام کرنا ہے۔ یہ جب ہی ممکن ہوگا جب سیاسی تنظیموں کو طاقت دی جائے اور سیاسی نظام کو مضبوط کیا جائے۔

 

[محسن حجازی]

لیکن فوجی ٹولے سے نجات ضروری ہے فوج سے نہیں۔۔۔۔ بے چاری فوج تو بہت منظم اور فرمانبردار ہے۔

 

[ابوشامل]

سانحہ 27 دسمبر میں ایک تیر سے کئی شکار کھیلے گئے اور ایک سازش یہ بھی تھی کہ پیپلز پارٹی کو قومی کے بجائے صرف سندھ کی حد تک موجود جماعت سمجھا جائے اور جاہل کارکنان نے ان کا کام کافی حد تک آسان کر دیا تھا لیکن آصف زرداری نے عقل سے کام لیا ہے کیونکہ انہیں معلوم تھا کہ اگر جذباتیت سے کام لیا گیا تو واقعی پی پی صرف سندھ تک محدود رہ جائے گی۔ اب زرداری کو عملی طور پر کوئی قدم اٹھانا ہوگا تاکہ وہ ثابت کر سکے کہ پیپلز پارٹی ایک قومی و ملکی جماعت ہے جو ہر صوبے میں اپنا اثر و رسوخ رکھتی ہے۔

 

[ایچ اے خان]

زرداری اور نواز نے ثابت کیا کہ وہ قوم کی نبض پر ہاتھ رکھتے ہیں۔ اج امریت کی شکست پاکستان کی ترقی اور عوام کی خوشحالی کی راہ ہے ان شاللہ

 

[ایم اے راجا]

خدا کرے کے ہم صرف اور صرف پاکستانی بن سکیں اور صوبوں اور قوموں کے اس جال سے نکل سکیں۔

 

[مغزل]

اٰمین۔۔۔
مگر دوست ہمیں انفرادی کوششیں کرنی ہیں۔

 

[ایچ اے خان]

صوبائیت اور قومیت کے تعصب سے نکلنے کی واحد راہ ہے کہ ایک ایسے نظریہ سے منسلک ہوں‌ جو نظریہ پاکستان بھی ہے اور امت کی وحدانیت سے جوڑتی ہو۔