پاکستان کی سیر پر مجبور کردینے والی خوبصورت تصاویر

[جاسم محمد]

پاکستان کی سیر پر مجبور کردینے والی خوبصورت تصاویر

دنیا بھر میں ہر سال 19 اگست کو فوٹوگرافی کا عالمی دن منایا جاتا ہے جس کا مقصد کیمرے کی آنکھ میں محفوظ ہونے والے حسین نظاروں کو دنیا کے سامنے پیش کرنا ہے۔

اس دن کو منانے کا آغاز 1839 سے ہوا تھا جس کی وجہ 1837 میں فوٹوگرافی کی ایسی جدید تیکنیک daguerreotype کی ایجاد تھی جس نے تصاویر لینے کے عمل کو بہت مختصر بنادیا تھا۔

19 اگست 1839 کو فرانسیسی حکومت نے اس ایجاد کو دنیا بھر کے لیے مفت فراہم کرنے کا اعلان کیا ہے جبکہ پہلی بار کلر تصویر 1861 میں تھامس شٹن نے لی اور پہلی ڈیجیٹل تصویر 1957 میں لی گئی، دلچسپ بات یہ ہے کہ پہلا ڈیجیٹل کیمرا 20 سال بعد کوڈک نے تیار کیا۔

پاکستان دنیا کے خوبصورت ترین ممالک میں سے ایک ہے جہاں کے قدرتی نظارے فوٹوگرافر کے لیے کسی جنت سے کم نہیں۔

فوٹوگرافی کے عالمی دن کے موقع پر پاکستان کے چند خوبصورت علاقوں کی تصاویر دیکھیں جو ہوسکتا ہے آپ کے اندر اپنے ملک میں گھومنے کی خواہش کو بھی اجاگر کریں۔

وادی کاغان

شٹر اسٹاک فوٹو
یہ تصویر ضلع مانسہرہ کی خوبصورت وادی کی ہے یعنی اپر وادی کاغان کی، جہاں پہنچنے کے بعد اکثر افراد بس جھیل سیف الملوک تک جانا ہی پسند کرتے ہیں، مگر اس علاقے کی دیگر اہم جگہوں کو نظرانداز کردیتے ہیں۔

جھیل سیف الملوک

شٹر اسٹاک فوٹو
سطح سمندر سے 10578 فٹ بلند سیف الملوک جھیل ہمیشہ سے ملک بھر اور پوری دنیا کے سیاحوں کی توجہ کا مرکز بنی رہتی ہے، یہاں تک پہنچنے کا سفر تو کافی خوفزدہ کردینے والا ہوتا ہے مگر اس جھیل کی دید سب کچھ بھلا دیتی ہے۔

بابوسر ولیج

شٹر اسٹاک فوٹو
ناران اور گلگت بلتستان کی سرحد پر واقع درہ بابوسر کے مقام سے نیچے دیکھیں تو گیتی داس کا ہموار میدان اور پولو گراؤنڈ نظر آتے ہیں۔ یہاں سال میں ایک بار پولو کا مقابلہ بھی منعقد ہوتا ہے جس میں چلاس کی ٹیمیں حصہ لیتی ہیں۔

بابو سر ٹاپ

شٹر اسٹاک فوٹو
بابوسر کو پار کر کے سڑک ٹھک نالے سے ہوتی ہوئے چلاس اور قراقرم ہائی وے کو جا ملتی ہے۔

وادی غذر

شٹر اسٹاک فوٹو
غذر رنگین پانیوں کی سرزمین ہے۔ درختوں میں گھِرا یہ علاقہ واقعی جنت نظیر ہے اور وادی پھنڈر اس علاقے کے سر کا موتیوں جڑا تاج۔ لفظ 'غذر' مقامی زبان کے لفظ 'غرض' سے نکلا ہے جس کے مقامی زبان میں معنیٰ 'پناہ گزین' کے ہیں۔

شٹر اسٹاک فوٹو
گوپس ضلع غذر کا مرکزی مقام ہے اور وہاں کی سڑک پر گزرتے ہوئے اس جھیل سے نظر لازمی پڑتی ہے جس کا نظارہ مسحور کردیتا ہے۔

وادی ہنزہ

شٹر اسٹاک فوٹو
گلگت بلتستان کی وادی ہنزہ کا ذکر کیا جاتا ہے تو اس کے ساتھ خزاں کا ذکر بھی زیادہ تر ہوتا ہے کیونکہ اس موسم میں اس وادی کے رنگ دیکھنے والے ہوتے ہیں یعنی نارنجی، زرد، سرخ اور دیگر رنگ ہر جگہ پھیلے ہوتے ہیں۔

شٹر اسٹاک فوٹو
مگر اس وادی کی خوبصورتی خزاں کے موسم تک ہی محدود نہیں، اگر آپ کو بہار کے رنگ دیکھنے ہوں تو بھی اس وادی کا رخ کریں، وہاں کی خوبصورتی دنگ کرکے رکھ دے گی۔

پسو کونز

شٹر اسٹاک فوٹو
وادی گوجال کا مشہور سیاحتی مقام ہے جہاں ایک گلیشیئر بٹورا موجود ہے جس کی لمبائی 56 کلومیٹر ہے اور یہ سیاچن کے بعد پاکستان کا سب سے بڑا گلیشیئر مانا جاتا ہے، اس تصویر میں پسوکونز کی جانب جانے والی قراقرم ہائی وے کو دکھایا گیا ہے۔

عطا آباد جھیل

شٹر اسٹاک فوٹو
پاکستان کو چین سے ملانے والی شاہراہ قراقرم بھی وادی گوجال سے گزرتے ہوئے خنجراب کے مقام پر چین میں داخل ہوتی ہے۔ اس سفر کے دوران آپ ہنزہ، پسو کونز، گلمت، بورت جھیل، سوست اور متعدد خوبصورت علاقوں کی سیر بھی کرسکیں گے اور سب سے بڑھ کر عطا آباد جھیل جیسے عجوبے کو دیکھ سکیں گے۔

خوبصورت مگر نامعلوم مقام

شٹر اسٹاک فوٹو
یہاں ہوسکتا ہے آپ کسی جگہ گھوم رہے ہوں اور اچانک بادلوں کی ٹکڑیاں نیچے آکر آپ کو چھولیں بلکہ لپٹ جائیں، یعنی بادل آنکھوں کے عین سامنے آجائیں گے جو انتہائی شفاف ہوتے ہیں جن کے آرپار دیکھ سکیں۔

شٹر اسٹاک فوٹو
ان لمحات میں پورا وجود ملک کی محبت سے بھر جاتا ہے۔ سمجھ نہیں آتا کہ کن الفاظ میں اس احساس کو بیان کریں، مگر ہمارے وطن کے رنگ ایسے ہی سدا بہار ہیں جو دل کو جیت لیتے ہیں۔

 

[سید عمران]

یعنی بادل آنکھوں کے عین سامنے آجائیں گے جو انتہائی شفاف ہوتے ہیں جن کے آرپار دیکھ سکیں۔

ایسے بادل کہاں پائے جاتے ہیں؟؟؟

 

[جاسم محمد]

ایسے بادل کہاں پائے جاتے ہیں؟؟؟

شاید دھند کی طرف اشارہ ہے۔

 

[سید عمران]

شاید دھند کی طرف اشارہ ہے۔

ایسی دھند کہاں پائی جاتی ہے؟؟؟

 

[محمد وارث]

انتہائی خوبصورت تصاویر ہیں، لیکن افسوس مجھے پھر بھی "سیر پر مجبور" نہیں کر سکیں۔

 

[جاسم محمد]

انتہائی خوبصورت تصاویر ہیں، لیکن افسوس مجھے پھر بھی "سیر پر مجبور" نہیں کر سکیں۔

آپ کو اپنے کتابی حجرے سے نکالنے کیلئے بیگم مجبور نہیں کر سکیں، یہ تو پھر تصاویر ہیں

 

[محمد وارث]

آپ کو اپنے کتابی حجرے سے نکالنے کیلئے بیگم مجبور نہیں کر سکیں، یہ تو پھر تصاویر ہیں

بیگم تو حجرے میں دندناتی چلی آتی ہے، سوچ رہا ہوں کسی طرح بابو سر ٹاپ کو بھی اپنے کمرے میں گھسیٹ لاؤں۔

 

[عبداللہ محمد]

بیگم تو حجرے میں دندناتی چلی آتی ہے، سوچ رہا ہوں کسی طرح بابو سر ٹاپ کو بھی اپنے کمرے میں گھسیٹ لاؤں۔

تو سمندر کینسل کر دیں؟

 

[محمد وارث]

تو سمندر کینسل کر دیں؟

نہیں وہ بھی چلے گا۔

 

[عبداللہ محمد]

ایسا بُلند مقام پر ایسی سڑک اور موڑ پاکستان میں تو کہیں نہیں ہے یہ ڈان والوں نے کس کو پاکستان بنا دیا ہے۔۔۔

خوبصورت مگر نامعلوم مقام

شٹر اسٹاک فوٹو

 

[عبداللہ محمد]

بقول گوگل امیج یہ لونے والا مہابلیشور انڈیا ہے۔

ایسا بُلند مقام پر ایسی سڑک اور موڑ پاکستان میں تو کہیں نہیں ہے یہ ڈان والوں نے کس کو پاکستان بنا دیا ہے۔۔۔

 

[جاسمن]

سبحان اللہ!

 

[زیک]

اسے filler content کہتے ہیں۔ سٹاک فوٹو ڈال دیں اور دو تین جملے لکھ دیئے۔ نہ یہ غور کیا کہ کہاں کی تصاویر شامل کرنی چاہئیں نہ یہ کہ معلومات کیا دی جائیں

 

[زیک]

ایسا بُلند مقام پر ایسی سڑک اور موڑ پاکستان میں تو کہیں نہیں ہے یہ ڈان والوں نے کس کو پاکستان بنا دیا ہے۔۔۔

بقول گوگل امیج یہ لونے والا مہابلیشور انڈیا ہے۔

واہ واہ

 

[زیک]

انتہائی خوبصورت تصاویر ہیں، لیکن افسوس مجھے پھر بھی "سیر پر مجبور" نہیں کر سکیں۔

سیر پر تصویریں کبھی مجبور نہیں کر سکتیں۔ یہ wanderlust آپ کے اندر ہوتا ہے۔ جب آپ ایک سفر سے واپسی پر جہاز میں بیٹھتے ہی اگلے نہیں بلکہ اس سے بھی بعد کے سفر کے بارے میں غور شروع کر دیتے ہیں۔ جب باس آپ کو کہتا ہے کہ ایک ہفتہ پہلے ہی پوری سٹیٹ کی سائیکلنگ کر کے آئے ہو اب کہاں جا رہے ہو

 

[یاقوت]

آپ کو اپنے کتابی حجرے سے نکالنے کیلئے بیگم مجبور نہیں کر سکیں، یہ تو پھر تصاویر ہیں

میاں کتاب مت کہیں سوتن کہیں سوتن

 

[سید ذیشان]

میاں کتاب مت کہیں سوتن کہیں سوتن

بلکہ یاقوت و مرجان کہیں۔

 

[زیک]

سوچ رہا ہوں کسی طرح بابو سر ٹاپ کو بھی اپنے کمرے میں گھسیٹ لاؤں۔

خیال کیجیے گا اس کا سارا کوڑا بھی ساتھ نہ آ جائے

 

[یاقوت]

بلکہ یاقوت و مرجان کہیں۔

سید بادشاہو آپ وی ناں۔۔۔۔۔۔۔۔۔

 

[رانا]

وارث بھائی ایسے مقامات کی سیر کو اسی وقت مجبور ہوسکتے ہیں جب ان کی مزید تین بیویاں ہوں۔ ایک کا گھر ہو وادی کاغان میں دوسری کا پسو کونز کے پاس اور تیسری کا ہنزہ میں۔ سیالکوٹ والی کی موجودگی تو ناگزیر ہے تاکہ ان خوبصورت مقامات سے واپس سیالکوٹ آنے کو مجبور بھی کئے جا سکیں۔