ساغر صدیقی پاکستان کے سیاستدان - ساغر صدیقی

[کاشفی]

پاکستان کے سیاستدان
(ساغر صدیقی)

گرانی کی زنجیر پاؤں میں ہے
وطن کا مقدر گھٹاؤں میں ہے

اطاعت پہ ہے جبر کی پہرہ داری
قیادت کے ملبوس میں ہے شکاری

سیاست کے پھندے لگائے ہوئے ہیں
یہ روٹی کے دھندے جمائے ہوئے ہیں

یہ ہنس کر لہو قوم کا چوستے ہیں
خدا کی جگہ خواہشیں پوجتے ہیں

یہ ڈالر میں آئین کو تولتے ہیں
یہ لہجہ میں سرائے کے بولتے ہیں

ہے غارت گری اہل ایماں کا شیوہ
بھلایا شیاطین نے قرآں کا شیوہ

اٹھو نوجوانو! وطن کو بچاؤ!
شراروں سے حد چمن کو بچاؤ​

 

[فرخ منظور]

واہ! بہت عمدہ کاشفی صاحب۔ لگتا ہے ساغر نے آج ہی یہ نظم لکھی ہو۔

 

[کاشفی]

واہ! بہت عمدہ کاشفی صاحب۔ لگتا ہے ساغر نے آج ہی یہ نظم لکھی ہو۔

شکریہ سخنور صاحب۔۔ جی آپ نے بجا فرمایا ، ایسا ہی لگتا ہے۔

 

[محمد مسلم]

قلندروں کی باتیں ہر دہر میں زندہ رہتی ہیں۔ یونہی لگتا ہے کہ آج ہی کہی ہوں۔

 

[فرحان محمد خان]

پاکستان کے سیاستدان
(ساغر صدیقی)
گرانی کی زنجیر پاؤں میں ہے
​

گدائی کی زنجیر پاؤں میں ہے