پاکستان کے شمالی علاقے، دنیاکے بہترین مہم جو سیاحتی مقامات قرار

[محمد عدنان اکبری نقیبی]

برطانیہ کی ٹریول ایجنسی برٹش بیک پیکرسوسائٹی نے پاکستان کے شمالی علاقہ جات اور وادی ہنزہ کو دنیا کے بیس بہترین انڈونچر سیاحتی مقامات میں سب سے بہترین قرار دے دیا۔
بیک پیکرسوسائٹی کے سربراہ کے مطابق ایڈونچر سے بھرپور سیاحت کرنے والوں کے لیے وادی ہنزہ بہترین مقام ہے جہاں کا دلفریب لینڈ اسکیپ آپ کو دنیا میں کہیں اور نہیں ملے گا، جہاں آپ سات ہزار میٹر کی بلندی پر بلند و بالا پہاڑوں کے بیچ بیٹھ کر ناشتہ کر سکتے ہیں۔

​

وادی ہنزہ کا بہترین آرکیٹکچر، ثقافت، کھانے اور رہائشی سہولیات سب مل کر ہنزہ کو دنیا کا بہترین ایڈونچر والا سیاحتی مقام بناتی ہیں۔شمالی علاقہ جات کی سیکورٹی صورتحال بہتر ہونے پر پاکستان میں غیر ملکی سیاحوں کی آمد میں اضافہ دیکھا گیا ہے۔2017 میں سترہ لاکھ غیرملکی سیاحوں نے پاکستان کے شمالی علاقوں کی سیر کی اور دنیا کو پاکستان کے دلکش اور خوبصورت نظاروں کے بارے میں بتایا۔
ربط

 

[زیک]

۔2017 میں سترہ لاکھ غیرملکی سیاحوں نے پاکستان کے شمالی علاقوں کی سیر کی

پکی بات ہے؟

 

[اکمل زیدی]

پکی بات ہے؟

کہیں تو مان لیا۔۔کریں۔ ۔ ۔

 

[یاز]

پکی بات ہے؟

غلط فگر ہے۔
تین سال قبل پاکستان سےگرمیوں کے ٹورسٹ سیزن میں گلگت بلتستان جانے والے سیاحوں کی تعداد ہی دس لاکھ تک بتائی گئی تھی۔ تو اب شاید یہ سترہ لاکھ والا عدد بھی پاکستانی سیاحوں کا ہی ہو۔

 

[عبداللہ محمد]

پکی بات ہے؟

اس میں بھی کوئی شک ہے کیا؟

پاکستان کے شمالی علاقہ جات اور وادی ہنزہ کو دنیا کے بیس بہترین انڈونچر سیاحتی مقامات میں سب سے بہترین قرار دے دیا۔

 

[محمد تابش صدیقی]

غلط فگر ہے۔
تین سال قبل پاکستان سےگرمیوں کے ٹورسٹ سیزن میں گلگت بلتستان جانے والے سیاحوں کی تعداد ہی دس لاکھ تک بتائی گئی تھی۔ تو اب شاید یہ سترہ لاکھ والا عدد بھی پاکستانی سیاحوں کا ہی ہو۔

سترہ لاکھ تو شاید کسی بھی وجہ سے پاکستان آنے والے غیر ملکیوں کی تعداد بھی نہ ہو، نہ کہ صرف سیاح۔