پختہ ہونے نہ دیا خام بھی رہنے نہ دیا

[راحیل فاروق]

پختہ ہونے نہ دیا خام بھی رہنے نہ دیا
عشق نے خاص تو کیا عام بھی رہنے نہ دیا

ہائے ری گردشِ ایام کہ اب کے تو نے
شکوۂِ گردشِ ایام بھی رہنے نہ دیا

آخرِ کار پکارا اسے ظالم کہہ کر
درد نے دوست کا اکرام بھی رہنے نہ دیا

کوئی کیوں آئے گا دوبارہ تری جنت میں
دانہ بھی چھین لیا، دام بھی رہنے نہ دیا

عیش میں پہلے کہاں اپنی بسر ہوتی تھی
یاد نے دو گھڑی آرام بھی رہنے نہ دیا

دل کو آوارگیاں دور بہت چھوڑ آئیں
ذکرِ خیر ایک طرف، نام بھی رہنے نہ دیا

وہی زنجیر ہے تیرے بھی گلے میں راحیلؔ
جس نے سورج کو لبِ بام بھی رہنے نہ دیا

راحیلؔ فاروق
۲۸ جنوری ۲۰۱۷ء​

 

[محمد تابش صدیقی]

بہت خوب راحیل بھائی.

ہائے ری گردشِ ایام کہ اب کے تو نے
شکوۂِ گردشِ ایام بھی رہنے نہ دیا

عیش میں پہلے کہاں اپنی بسر ہوتی تھی
یاد نے دو گھڑی آرام بھی رہنے نہ دیا

 

[فہد اشرف]

کیا ہی لاجواب غزل ہے، بہت خوب راحیل بھائی
آخرِ کار پکارا اسے ظالم کہہ کر
درد نے دوست کا اکرام بھی رہنے نہ دیا

 

[ظہیراحمدظہیر]

کیا بات ہے راحیل بھائی!! بہت ہی اعلی!! اولین دو اشعار تو لاجواب ہیں! خصوصا مطلع بہت ہی جاندار ہے !

پختہ ہونے نہ دیا خام بھی رہنے نہ دیا​

عشق نے خاص تو کیا عام بھی رہنے نہ دیا

بہت خوب! سلامت رہیں!​

 

[یوسف سلطان]

پختہ ہونے نہ دیا خام بھی رہنے نہ دیا
عشق نے خاص تو کیا عام بھی رہنے نہ دیا

آخرِ کار پکارا اسے ظالم کہہ کر
درد نے دوست کا اکرام بھی رہنے نہ دیا

عیش میں پہلے کہاں اپنی بسر ہوتی تھی
یاد نے دو گھڑی آرام بھی رہنے نہ دیا

دل کو آوارگیاں دور بہت چھوڑ آئیں
ذکرِ خیر ایک طرف، نام بھی رہنے نہ دیا

بہت عمدہ !

 

[سید ذیشان حیدر]

بہت خوبصورت زمین میں بہت خوبصورت کلام ہے!

 

[ڈاکٹرعامر شہزاد]

پختہ ہونے نہ دیا خام بھی رہنے نہ دیا
عشق نے خاص تو کیا عام بھی رہنے نہ دیا

وہی زنجیر ہے تیرے بھی گلے میں راحیلؔ
جس نے سورج کو لبِ بام بھی رہنے نہ دیا

واہ واہ واہ ۔۔ کیا بات ہے سر ۔۔ حسب ِ روایت اور حسبِ عادت بہت ہی اعلیٰ اور خوبصورت غزل ۔۔ ڈھیروں داد ۔۔

 

[الف عین]

زبردست۔ تازہ بہ تازہ گرما گرم۔ داد قبول کرو

 

[حماد علی]

واہ سبحان اللہ پڑھ کر مزاہ آ گیا!

 

[عاطف ملک]

بہت ہی عمدہ راحیل بھائی!
ہر شعر لاجواب!

 

[کاشف اسرار احمد]

آخرِ کار پکارا اسے ظالم کہہ کر
درد نے دوست کا اکرام بھی رہنے نہ دیا

آہا ۔ کیا خوب۔
ڈھیروں داد راحیل بھائی!

 

[محمد عدنان اکبری نقیبی]

کوئی کیوں آئے گا دوبارہ تری جنت میں
دانہ بھی چھین لیا، دام بھی رہنے نہ دیا

بہت عمدہ جناب

 

[منیب احمد فاتح]

وہی زنجیر ہے تیرے بھی گلے میں راحیل
جس نے سورج کو لبِ بام بھی رہنے نہ دیا
واہ۔ بہت عمدہ۔ بہت خوبصورت انداز!

 

[نوید ناظم]

ماشاء اللہ !!

 

[طارق سعید]

مطلع اتنا اچھا ہو تو پوری غزل میں اس کا لطف اور اثر حاوی رہتا ہے۔ کیا خوب اشعار ہیں

 

[عمر سیف]

خوب

 

[ظہیر عباس ورک]

پیارا کلام ہے راحیل بھائی!

 

[فیضان قیصر]

جب جی کچھ اچھا کلام پڑھنے کا چاہتا ہے ۔ تو ڈھونڈھ کر آپ کی غزلیں پڑھتا ہوں۔ ہر شعر پوری غزل واہ واہ سبحان اللہ

 

[رومانہ چوہدری]

پختہ ہونے نہ دیا خام بھی رہنے نہ دیا
عشق نے خاص تو کیا عام بھی رہنے نہ دیا

بہت خوب راحیل

 

[محمداحمد]

لاجواب!

بہت ہی خوب!

سرگوشی: صرف شاعر کے لئے

یہ وہی غزل ہے نا جس کے صرف دو اشعار سننے کو ملے تھے۔
ویسے میں ہی غلطی پر تھا۔ ایسے اچھے شاعر کا مغرور ہو جانا بعید از قیاس نہیں تھا۔