پشاور کے باچاخان چوک کے قریب سینمامیں تین دھماکے، 11 افراد جاں بحق

[اقبال جہانگیر]

پشاور کے باچاخان چوک کے قریب سینمامیں تین دھماکے، 11 افراد جاں بحق

وزیراعظم ،عمران خان اور الطاف حسین کی طرف سے دھماکے کی مذمت ، تحریک طالبان کا لاتعلقی کااعلان

11 فروری 2014 (16:03)

پشاور(مانیٹرنگ ڈیسک) باچاخان چوک کے قریب شمع سینماءمیں یکے بعد دیگرے تین دھماکوں میں کم ازکم11افرادجاں بحق اور22زخمی ہوگئے ہیں جنہیں ہسپتال منتقل کردیاگیاہے ،ہسپتال میں خون دینے کی اپیل کردی گئی، وزیراعظم نوازشریف ، عمران خان اور ایم کیوایم کے قائد الطاف حسین نے پشاور دھماکوں کی شدید مذمت کی ہے جبکہ کالعدم تحریک طالبان نے دھماکے سے لاتعلقی کا اعلان کردیا ۔ عینی شاہدین کے مطابق ایک پشتوفلم شروع ہوئے ابھی آدھاگھنٹہ ہواتھاکہ شمع سینما میں یکے بعد دیگرے تین دھماکے ہوگئے جس کے بعد سینماءمیں بھگدڑ مچ گئی ۔ ڈی ایم ایس لیڈی ریڈنگ ہسپتال نے بتایاکہ ایمرجنسی نافذ کردی گئی جبکہ 11 لاشیں اور22زخمی منتقل کردیئے گئے ہیںجن میں سے بعض کی حالت تشویشناک ہے۔ عینی شاہدین نے میڈیا سے گفتگو کرتے ہوئے بتایاکہ دھماکے کی آوازکم تھی جس کی وجہ شاید بند حال تھا،بظاہر دستی بم کے حملے محسوس ہوتے ہیں ،وہ ہال میں پہنچے تو اندھیراتھا اور دھواں بھراہواتھا۔پولیس کے مطابق ہینڈ گرنیڈ سے تینوں دھماکے کیے گئے ہیں ، ہال میں سے ایک دستی بم کی پن ملی ہے ۔ سی سی پی اوپشاور اعجاز خان نے بتایاکہ سہہ پہر تین بج کر چالیس منٹ پر چینی ساختہ بم کا پہلادھماکہ ہوا، سینماگھروں کے مالکان نے سیکیورٹی کی ذمہ داری خود قبول کی تھی ۔اُنہوں نے بتایاکہ دھماکوںمیں آٹھ افراد جاں بحق اور 22زخمی ہوئے ہیں ۔بتایاگیاہے کہ یہ سینمابلور برادران کی ملکیت ہے اوراِس کے دروازے پر ہی چھ ماہ پہلے ایک خود کش حملہ ہواتھاجبکہ ایک مرتبہ بارودی مواد بھی ملالیکن سیکیورٹی صورتحال جوں کی توں رہی ۔صوبے کی حکمران جماعت کے سربراہ عمران خان ، وزیراعظم نواز شریف اور ایم کیوایم کے قائد الطاف حسین نے پشاور دھماکوں کی شدید الفاظ میں مذمت کی ۔ عمران خان کاکہناتھاکہ ایسے دھماکے امن عمل کو سبوتاژ کرنے کی کوشش ہے اور اُنہوں نے زخمیوں کو بہترین طبی سہولیات فراہم کرنے کی ہدایت کردی ۔وزیراعلیٰ خیبرپختونخواہ کاکہناتھاکہ امن دشمن قوتیں چاہتی ہیں کہ مذاکراتی عمل شروع ہونے سے قبل ناکام ہوجائے ۔ کالعدم تحریک طالبان پاکستان کے ترجمان شاہداللہ شاہد نے پشاور کے شمع سینماءمیں ہونیوالے دھماکے سے لاتعلقی کا اعلان کردیا۔ یادرہے کہ کچھ عرصہ قبل پشاور کے ایک اور سینماءمیں ہونیوالے دھماکے کی ذمہ داری جنداللہ نے قبول کی تھی اور مسلمان کو عیش وعشرت کی زندگی ترک کرنے کی ہدایت کی تھی ۔

http://www.dailypakistan.com.pk/peshawar/11-Feb-2014/76301

 

[قیصرانی]

انا للہ و انا الیہ راجعون

 

[عمر سیف]

انا للہ و انا الیہ راجعون

 

[شمشاد]

انا للہ و انا الیہ راجعون۔

اللہ تعالیٰ کی لعنت ہو ظالموں پر۔

 

[اقبال جہانگیر]

سلام امن اور سلامتی کا دین ہے ، انتہا پسندی، فرقہ واریت اور دہشت گردی جیسی قبیح برائیوں کی اسلام میں کوئی گنجائش نہیں۔خودکش حملے اور بم دھماکے اسلام میں جائز نہیں. خودکش حملوں کے ضمن میں ۔ پاکستان میں مسلمانوں کے تمام مکاتب فکر بشمول بریلوی، دیو بندی ، شیعہ ، اہل حدیث کےجید علماء خود کش حملوں کو حرام قرار دے چکے ہیں ۔ دہشت گرد خود ساختہ شریعت نافذ کرنا چاہتے ہیں اور پاکستانی عوام پر اپنا سیاسی ایجنڈا مسلط کرنا چاہتے ہیں. اسلام میں ایک بے گناہ فرد کا قتل ، پوری انسانیت کا قتل ہوتا ہے.معصوم شہریوں، عورتوں اور بچوں کو دہشت گردی کا نشانہ بنانا، قتل و غارت کرنا، بم دہماکے کرنا،خود کش حملوں کا ارتکاب کرنا دہشتگردی ہے ،جہاد نہ ہے،جہاد تو اللہ کی راہ میں ،اللہ تعالی کی خشنودی کے لئےکیا جاتا ہے۔ عورتوں اور بچوں کا قتل اسلامی تعلیمات کے مطابق حالت جنگ میں بھی جائز نہ ہے۔اور نہ ہی عورتوں اور بچوں کو جنگ کا ایندھن بنایا جا سکتا ہے۔ نیز یہ ملا عمر کے حکم کی خلاف ورزی بھی ہے۔طالبان دہشت گرد ،اسلام کے نام پر غیر اسلامی حرکات کے مرتکب ہورہے ہیں. طالبان دنیا بھر اور پاکستان میں دہشت گردی کے میزبان ہیں۔ایک طرف مذاکرات اور دوسری طرف دہشت گردانہ حملے بھی جاری ہیں اور اس طرح طالبان گیمیں کھیل رہے ہیں۔ یہ ہیں کرتوت اسلام نافذ کرنے والوں کے؟


کیاطالبان کے قول و فعل میں تضاد نہیں ہے؟

........................................................................................................................

پشاور کے شمع سینمامیں دھماکہ ،11 ہلاک

http://awazepakistan.wordpress.com/

 

[Fawad -]

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

ايک مرتبہ پھران بے رحم قاتلوں [دہشت گردوں] نے پاکستانیوں کو قتل کیا ہے۔

ہم پشاور ميں سنیما کے اندر ہونے والے دھماکے کی شدید مذمت کرتے ہیں جس ميں انتہائ بزدلانہ طريقے سے بے گناہ افراد کو نشانہ بنايا گيا. بے گناہ افراد کو نشانہ بنا کر يہ دہشت گرد اپنے منصوبوں اور کاروائيوں سے يہ واضح کرتے ہيں کہ وہ انسانی زندگی کو کتنا حقير سمجھتے ہيں۔ ہم اس حملے کے متاثرين کے اہل خانہ اور دوست و احباب سے دلی تعزيت کرتے ہيں۔

http://s29.postimg.org/mgogrcs1j/SHAMA_CINEMA_BLAST.jpg

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

www.state.gov
http://www.facebook.com/USDOTUrdu

 

[قیصرانی]

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

ايک مرتبہ پھران بے رحم قاتلوں [دہشت گردوں] نے پاکستانیوں کو قتل کیا ہے۔

ہم پشاور ميں سنیما کے اندر ہونے والے دھماکے کی شدید مذمت کرتے ہیں جس ميں انتہائ بزدلانہ طريقے سے بے گناہ افراد کو نشانہ بنايا گيا. بے گناہ افراد کو نشانہ بنا کر يہ دہشت گرد اپنے منصوبوں اور کاروائيوں سے يہ واضح کرتے ہيں کہ وہ انسانی زندگی کو کتنا حقير سمجھتے ہيں۔ ہم اس حملے کے متاثرين کے اہل خانہ اور دوست و احباب سے دلی تعزيت کرتے ہيں۔

http://s29.postimg.org/mgogrcs1j/SHAMA_CINEMA_BLAST.jpg

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

www.state.gov
http://www.facebook.com/USDOTUrdu

جی یہ خبر اس دھاگے کی پہلی پوسٹ میں شیئر ہو چکی ہے

 

[واجدحسین]

مجھے بھی دکھ ہوا لیکن اس سینما کی پہچان یا تاریخ کہیں کہ اس میں تقریبا 14 15 سال سے صرف اور صرف ہیجان خیز یا وہ فلمیں دکھائی جاتی تھی جس میں انسان کی سوچ اور عقل کام چھوڑ دیں یعنی ماں بیوی اور بہن کا فرق۔۔ یعنی روحانی موت جس میں انسان جانور سے بھی بدتر ہو جاتا ہے کہی ایک ۔ڈاکومنٹری دیکھی تھی شائد کراچی کی تھی اور کہی اور جس میں ایک بندہ مردوں سے زنا کرتا تھا جس کو بعد میں پکڑ لیا گیا ۔۔ تو کیا جانوروں میں ایسی خصلت پائی جاتی ہے ؟
اللہ ہم سب پر رحم کریں
کیونکہ روز محشر میں ہمیں اربوں انسانوں کے سامنے اپنے اعمال کا ویڈیوں دیکھایا جائے گا جہاں انبیا ء بھی ہونگے صحابہ بھی ہونگے سب لوگ ہونگے تو پھر اس دن ان کے سامنے ۔۔۔۔۔۔۔۔۔اللہ ہمیں اس دن کی شرمندگی سے بچائیں
میں تو اکثر اپنے ساتھیوں سے بھی کہتا ہوں کہ یار ڈرائیونگ کرتے وقت میوزک بالکل نہ چلائیں اگر حادثہ ہوجائے اور اس حال میں موت آجائیے تو پھر
کیونکہ انسان کی جس حالت میں موت ہوئی ہوگی اسی حالت میں اٹھایا جائے گا