پنجابی ٹپے

[ماہی احمد]

تسی مکھڑا دکھایا کرو
انے سوہنے لگدے نئیں
وا تھوڑا کھایا کرو

گلاں تھوڑیاں کریا کرو
جے اسی سوہنے لگدے نئیں
کیوں ساڈے اتے مردے او

کوئی چلدا جے زور ہندا
تیرے پچھے کیوں مردے
جے کوئی تیرے جیا ہور ہندا

 

[ماہی احمد]

اک جوڑا بگھیاں دا
ساڈے ول تک سوہنیے
کی جاندا اے اکھیاں دا

 

[عبدالقیوم چوہدری]

اوکوئی کیکراں دی چھاں ہوندی
کسی پچھے رُل جائیے
لج پالی تاں ہوندی

 

[عبدالقیوم چوہدری]

کوئی تانی تنی ہوئی آ
چھڈ کے نا جاویں سجنڑاں
ساڈی زندگی تے بنی ہوئی آ

۔۔

کوئی چمٹا ای اگ جوگا
نا توں سانوں آپ رکھیا
نا ای چھڈیا ای جگ جوگا

 

[عبدالقیوم چوہدری]

باری برسی کھٹن گیا تے کھٹ کے لیاندے لوٹے
میں ڈولی تری لے جانی
بھانویں چل جانڑ ڈانگاں سوٹے

 

[عبدالقیوم چوہدری]

ہتھ جوڑا پکھیّاں دا
نالے ساڈا ماہی لگدا​

نالے چانن اَکھیاں دا​

​

 

[عبدالقیوم چوہدری]

جتھے راوی تے چنھاں وگدی
دنیا توں ودھ سوہنی
سانوں دھرتی ماں لگدی
۔۔

پُھل کوئی نہ گلاب ارگا
دیس بتھیرے جگ تے،
کوئی نہ میرے ''پنجاب'' ارگا

 

[عبدالقیوم چوہدری]

مُل بھرنے آں لائیاں دا
اک پل سہیا نہ جائے
میتھوں یار جدائیاں دا
۔۔
جاء نہ کوئی بولن دی
لک کے پڑھاں گے راتیں
چٹھی اپنے ڈھولن دی
۔۔
ساوی کنک تے نہیں وڈھنی
جند جاندی پئی جائے
گل اپنی نہیں چھڈنی
۔۔
سونے دے بھاء چڑھ گئے
وینی پھڑ لئی اوس دھگانے
ساہواں نوں وی چاء چڑھ گئے
۔۔
کدی داغ نہ لہے انب دا
تیتھوں وکھ ہوواں یارا
ایہہ سوچ کے روح کنب دا

 

[یوسف سلطان]

کوئی زیتون دا تیل ہوندا
نہ ایہہ فیس بک ہوندی
نہ کاکا چوتھی چ فیل ہوندا

 

[عبدالقیوم چوہدری]

بارھیں برسیں کھٹن گیا تے کھٹ کے لیایا تمباکو
زورا زوری دل لٹیا میرا
تیریاں نیناں دے ڈاکو

 

[عبدالقیوم چوہدری]

تِکھیاں تلواراں نیں
دُنیا تے ہور کُج نہ
یاراں نالّ بہاراں نیں
۔۔۔
کوئی جوڑّی بئی کلّیِاں دی
ٹُر گیا ڈھول میرا
گئی رونڑق گلّیِاں دی
۔۔۔
زُلفاں دے چھلّے نی
سوہنڑے تاں بوہت وسّدے
میرے یار توں تھلّے نی
۔۔۔
کدّے وطنّاں نُوں آ ماہیا
لگیِاں دی چوٹ بُری
نہ اینہاں تڑپّا ماہیا
۔۔۔
پھُل پانڑی اُتے ترّدا نی
نظراں ملا سوہنڑئیے
مُنڈا تیرے اُتے مرّدا نی
۔۔۔

کوئی جوڑّی اے پکھّیاں دی
ایویں بدنام ہوئے آں
ساری مستی اے اکھیاں دی
۔۔۔
باہوُں قہر مچّاندا نی
دِل کڈّھ لیندا میرا
تیری گُت دا پراندا نی​

 

[عبدالقیوم چوہدری]

گارے دی کندھ ہووے
سوہنڑا پاویں نا ہووے
ڈھولا غیرت مند ہووے

 

[عبدالقیوم چوہدری]

کوئی کھوہ دا پانڑی اے
سجناں توں وار دیواں
جند ایویں وی تے جانڑی اے

 

[عبدالقیوم چوہدری]

کوئی سڑکاں تے پاء روڑی
اکھیں اچ اینج وسیا ایں
نہیں تکنے دی جاء چھوڑی

 

[رومانہ چوہدری]

اک جوڑا بگھیاں دا
ساڈے ول تک سوہنیے
کی جاندا اے اکھیاں دا

بہت خوبصورت

پُھل کوئی نہ گلاب ارگا
دیس بتھیرے جگ تے،
کوئی نہ میرے ''پنجاب'' ارگا

بلا شبہ

کوئی کھوہ دا پانڑی اے
سجناں توں وار دیواں
جند ایویں وی تے جانڑی اے

شاندار

 

[عبدالقیوم چوہدری]

کوئی سونا ماسّے دا
کِنا سوہنڑا لگّدا بندہ
ہووے سجّناں دے پاسّے دا

 

[ہارون اعجاز]

کسے بنے اتے منہ پیندے
گلاں یاد رہ جاندیاں ویلے اکو جئے نئیں ریندے

 

[کامران عاشر]

کوئی سونا ماسّے دا
کِنا سوہنڑا لگّدا بندہ
ہووے سجّناں دے پاسّے دا

کوئی بھور پتاسے دا
سارے رل دعا کرو
بندہ ملے سجنا پاسے دا

 

[کامران عاشر]

کولے وچ دہی ماہیا
مکھی تیرے منہ تے بہہ
سانوں پجدی نہیں ماہیا

 

[ہارون اعجاز]

کوئی باجرے پھل جایندن
او کدوں بھل ویندن جہیڑے لٹ کے ٹر جایندن