پولینڈ: چڑیا گھر میں جانوروں کی جگہ انسان پنجرے میں

[عثمان رضا]

پولینڈ: دنیا کے ہر چڑیا گھر میں جانور تو ہوتے ہی ہیں لیکن پولینڈ کے ایک چڑیا گھر کے پنجروں میں جانوروں کی جگہ انسان لوگوں کو تفریح فراہم کر رہے ہیں ۔

جانوروں کے پنجرے میں انسانوں کو دیکھنے کےلئے لوگوں کی بڑی تعداد نے چڑیا گھر کا رخ کیا۔ چڑیا گھر کی انتظامیہ کا کہنا ہے کہ اس نمائش کا مقصد نایاب نسل کے جانوروں کے تحفظ کے بارے میں شعور اجاگر کرنا ہے۔ تاہم پنجروں میں بند ہونے والے افراد کو لگتا ہے کہ وہ بیرونی دنیا کے مقابلے میں پنجرے میں خود کو زیادہ محفوظ محسوس کرتے ہیں۔

مآخذ و مزید

 

[مغزل]

آدمی رے آدمی ، تیری کون سے کل سیدھی

 

[شمشاد]

ان انسانوں کو زمانہ قدیم کے انسانوں کے طور پر پیش کیا گیا ہے۔

 

[arifkarim]

درست- ویسے پنجرے سے باہر کونسا آزادی ہوتی ہے، ایک مومن کیلئے؟

 

[مغزل]

قبلہ مذہبی رنگ میں جانے لگے پھر آپ ۔۔۔۔۔

 

[محمود احمد غزنوی]

ان جانوروں نے تو کپڑے بھی پہنے ہوئے ہیں

 

[طالوت]

ذرا یہ گتھی تو سلجھائیے کہ انسانوں کو یوں پنجروں میں قید کر کے دکھانے سے نایاب نسل کے جانوروں کے تحفظ کے بارے میں کس طرح شعور اجاگر کیا جا سکتا ہے ۔۔ کم از کم انسان تو ہرگز نایاب نہیں ۔۔
وسلام

 

[مغزل]

ارے اس موقع پر وہ --------- کیا ہے کہ ’’ ادارہ انسدادِ بے رحمیِ حیوانات ‘‘ والے ۔۔
عزیز امین بھائی کو بلانا چاہیے کہ دیکھیے جانوروں پر ظلم کہ ان کے پنجروں پر آدموں کو مسلط کردیا گیاہے ۔۔۔۔

 

[شمشاد]

کمانے کا ڈھنگ ہے۔
چڑیا گھر کے مارکیٹنگ مینجر کو یہ اچھوتا خیال آیا ہو گا اور جو پنجرے میں ہیں، ان کو بھی چار پیسے مل جائیں گے۔

 

[مغزل]

روٹی تو کسی طور کما کھائے مچھندر، والا معاملہ ہے