عبدالقیوم چوہدری
محفلین
پوے قہر خدا دا جھوٹھیاں تے لعنت رب دی اے اکاذبین قاضی
مونہوں بول اولڑے بولنائیں وے توں رد ہوویں مشرکین قاضی
قدر عشق دا عاشقاں صادقاں نوں جھکھ مار دے نے جاہلین قاضی
سچ آکھنے توں عاشق نہیں مُڑ دے قول ان کنتم صادقین قاضی
رانجھے رب دے وچ جے وِتھ جاناں درجے عشق دے کیویں ڈھین قاضی
حُسن چاکدا جلوہ ذات ربی ہیر دیکھیا نال یقین قاضی
نقش چاکدے حرف تبارک اللہ خوشخط لکھے خالقین قاضی
رُخ یار دا صفحہ قران دا ای نبی ﷺ نُور ختم المرسلین قاضی
اعوذ باللہ من الشیطان پڑھ کے کیتا رد شیطان لعین قاضی
عقدے بسم اللہ الرحمن الرحیم کھولے الرحیم تھیں میں صاحبدین قاضی
پوّے نظر آکھاں الحمد اللہ آوے یاد رب العلمین قاضی
بخش الرحمن الرحیم اندر روز حشر مالک یوم الدین قاضی
پوجاں صدق توں ایاک نعبدو ایاک نستعین قاضی
اھدنا الصراط مستقیم سِدّھے ٹُرے راہ صراط الذین قاضی
لکھ نعمتاں انعمت علیہم اوپر اوہناں جو اہل صفین قاضی
من حکم غیر المغضوب علیہم ہوئی امر دی ہیر تلقین قاضی
جنہاں شک کیتا اوہ گمراہ ہوئے پڑھ کے ویکھ ولا اضالین قاضی
اک وار جے رانجھنا دید دیوے آکھیں لکھ تھیں لکھ آمین قاضی
موہڈے کملی دھری مزملے دی کھونڈی رانگلی یسٰین قاضی
نبی ﷺ پاک ہویا چھیڑو اُمتاں دا رانجھے باہج مہ مہیں چرین قاضی
رانجھا دید شہید حسین٘ مینوں کھیڑا شمر یزید لعین قاضی
متھا چاک دا خاص محراب مسجد سجدے پئی ہاں نال یقین قاضی
آوے ریہہ سر دتیاں لکھ ہووے عشق دلوں آفرین قاضی
پچھے عشق دے موت شہید مینوں حاجت نہیں تجہیز تکفین قاضی
جیوندی جان جے کراں قبول کھیڑا نگھر جاں میں وچ زمین قاضی
دھوکے بندیاں دے رب جاندا اے نال خبر خیر الماکرین قاضی
سولی چڑھنا تے ذرا نہ فکر کرنا مڈھوں عشق دی رمز آمین قاضی
وارث قول زبان توں ہار جانا نہیں عاشقاں دا مذہب دین قاضی
مونہوں بول اولڑے بولنائیں وے توں رد ہوویں مشرکین قاضی
قدر عشق دا عاشقاں صادقاں نوں جھکھ مار دے نے جاہلین قاضی
سچ آکھنے توں عاشق نہیں مُڑ دے قول ان کنتم صادقین قاضی
رانجھے رب دے وچ جے وِتھ جاناں درجے عشق دے کیویں ڈھین قاضی
حُسن چاکدا جلوہ ذات ربی ہیر دیکھیا نال یقین قاضی
نقش چاکدے حرف تبارک اللہ خوشخط لکھے خالقین قاضی
رُخ یار دا صفحہ قران دا ای نبی ﷺ نُور ختم المرسلین قاضی
اعوذ باللہ من الشیطان پڑھ کے کیتا رد شیطان لعین قاضی
عقدے بسم اللہ الرحمن الرحیم کھولے الرحیم تھیں میں صاحبدین قاضی
پوّے نظر آکھاں الحمد اللہ آوے یاد رب العلمین قاضی
بخش الرحمن الرحیم اندر روز حشر مالک یوم الدین قاضی
پوجاں صدق توں ایاک نعبدو ایاک نستعین قاضی
اھدنا الصراط مستقیم سِدّھے ٹُرے راہ صراط الذین قاضی
لکھ نعمتاں انعمت علیہم اوپر اوہناں جو اہل صفین قاضی
من حکم غیر المغضوب علیہم ہوئی امر دی ہیر تلقین قاضی
جنہاں شک کیتا اوہ گمراہ ہوئے پڑھ کے ویکھ ولا اضالین قاضی
اک وار جے رانجھنا دید دیوے آکھیں لکھ تھیں لکھ آمین قاضی
موہڈے کملی دھری مزملے دی کھونڈی رانگلی یسٰین قاضی
نبی ﷺ پاک ہویا چھیڑو اُمتاں دا رانجھے باہج مہ مہیں چرین قاضی
رانجھا دید شہید حسین٘ مینوں کھیڑا شمر یزید لعین قاضی
متھا چاک دا خاص محراب مسجد سجدے پئی ہاں نال یقین قاضی
آوے ریہہ سر دتیاں لکھ ہووے عشق دلوں آفرین قاضی
پچھے عشق دے موت شہید مینوں حاجت نہیں تجہیز تکفین قاضی
جیوندی جان جے کراں قبول کھیڑا نگھر جاں میں وچ زمین قاضی
دھوکے بندیاں دے رب جاندا اے نال خبر خیر الماکرین قاضی
سولی چڑھنا تے ذرا نہ فکر کرنا مڈھوں عشق دی رمز آمین قاضی
وارث قول زبان توں ہار جانا نہیں عاشقاں دا مذہب دین قاضی
آخری تدوین:
