محسن نقوی پچھلے عشق کی باتیں ہیں

[سیفی]

یہ پچھلے عشق کی باتیں ہیں،
جب آنکھ میں خواب دمکتے تھے
جب دل میں داغ چمکتے تھے
جب پلکیں شہر کے رستوں میں
اشکوں کا نور لٹاتی تھیں،
جب سانسیں اجلے چہروں کی
تن من میں پھول سجاتی تھیں
جب چاند کی رم جھم کرنوں سے
سوچوں میں بھنور پڑ جاتے تھے
جب ایک تلاطم رہتا تھا !
اپنے بے انت خیالوں میں
ہر عہد نبھانے کی قسمیں
خط، خون سے لکھنے کی رسمیں
جب عام تھیں ہم دل والوں میں

اب اپنی اجڑی آنکھوں میں
جتنی روشن سی راتیں ہیں،
اس عمر کی سب سوغاتیں ہیں
جس عمر کے خواب خیال ہوئے
وہ پچھلی عمر تھی بیت گئی
وہ عمر بتائے سال ہوئے

اب اپنی دید کے رستے میں
کچھ رنگ ہے گزرے لمحوں کا
کچھ اشکوں کی باراتیں ہیں،
کچھ بھولے بسرے چہرے ہیں
کچھ یادوں کی برساتیں ہیں
پچھلے عشق کی باتیں ہیں !

۔۔۔۔۔۔۔۔۔۔۔۔۔۔۔۔محسن نقوی۔۔۔۔۔۔۔۔۔۔۔۔۔۔۔۔۔

 

[شعیب صفدر]

خوب

 

[محب علوی]

یہ پچھلے عشق کی باتیں ہیں

یہ پچھلے عشق کی باتیں ہیں

یہ پچھلے عشق کی باتیں ہیں
جب آنکھ میں خواب دمکتے تھے
جب پلکیں شہر کے رستوں میں
اشکوں کا نور لُٹاتی تھیں
جب سانسیں اُجلے چہروں کی
تن من میں پُھول سجاتی تھیں
جب چاند کی رم جھم کرنوں سے
سوچوں میں بھنور پڑ جاتے تھے
جب ایک تلاطم رہتا تھا
اپنے بے انت خیالوں میں
ہر عہد نبھانے کی قسمیں
خط خون سے لکھنے کی رسمیں
جب عام تھیں ہم دل والوں میں
اب اپنی اُجڑی آنکھوں میں
جتنی روشن سی راتیں ہیں
اُس عمر کی سب سوغاتیں ہیں
وہ پچلی عمر تھی بیت گئی
وہ عمر بِتائے سال ہوئے
اب اپنی دید کے رستوں میں
کچھ رنگ ہے گزرے لمحوں کا
کچھ اشکوں کی باراتیں ہیں
کچھ بُھولے بِسرے چہرے ہیں
کچھ یادوں کی برساتیں ہیں
یہ پچھلے عشق کی باتیں ہیں

 

[الف عین]

بھئ شاعر کا نام تو بتا دیا کرو۔

 

[وہاب اعجاز خان]

جواب

اچھی نظم ہے ہم تو جواب میں یہی کہہ سکتے ہیں۔

سانحہ تھا گزر گیا ہوگا
کس کے جانے کی بات کرتے ہو

 

[محب علوی]

بھئ شاعر کا نام تو بتا دیا کرو۔

اعجاز صاحب معذرت خواہ ہوں کہ شاعر کا نام نہیں جانتا مجھے نیٹ‌پر یونیکوڈ میں مل گئی تھی تو سوچا سب کے ساتھ بانٹ لوں۔

 

[سیفی]

محفل میں ہی کہیں ڈھونڈ لیں جناب۔۔۔ مل جائے گا شاعر کا نام۔

http://www.urduweb.org/mehfil/viewtopic.php?p=8417#8417

 

[محب علوی]

کیا خوب شاعری ہے ، پڑھ کر لطف آگیا

 

[سارا]

یہ پچھلے عشق کی باتیں ہیں

یہ پچھلے عشق کی باتیں ہیں
جب آنکھ میں خواب دمکتے تھے
جب دل میں داغ چمکتے تھے
جب پلکیں شہر کے رستوں میں
اشکوں کا نور لٹاتی تھیں
جب چاند کی رم جھم کرنوں سے
سوچوں میں بھنور پڑ جاتے تھے
جب ایک تلاطم رہتا تھا
اپنے بے انت خیالوں میں
ہر عہد نبھانے کی قسمیں
خط خون سے لکھنے کی رسمیں
جب عام تھی ہم دل والوں میں
اب اپنی اجڑی آنکھوں میں
جتنی روشن سی راتیں ہیں
اس عمر کی سب سوغاتیں ہیں
جس عمر کے خواب خیال ہوئے
وہ پچھلی عمر تھی بیت گئی
وہ عمر بتائے سال ہوئے

اب اپنی دید کے رستے میں
کچھ رنگ ہیں گزرے لمحوں کا
کچھ اشکوں کی باراتیں ہیں
کچھ بھولے بسرے چہرے ہیں
کچھ یادوں کی برساتیں ہیں
یہ پچھلے عشق کی باتیں ہیں

( محسن نقوی )

 

[حسن علوی]

بہت خوب اور شئیر کرنے کا شکریہ۔ مگر یہ شاعری سے کب سے دلچسپی ہو گئی سارا؟؟؟

 

[سارا]

دلچسپی تو بہت پہلے سے تھی۔۔اب تو تقریبا ختم ہو رہی ہے۔۔۔ ویسے ماوراء جانتی ہے ایک اور سائٹ اردو لائف وہاں میں صرف شاعری ہی پوسٹ کرتی تھی اس سائٹ پر میں نے بہت زیادہ شاعری پوسٹ کی ہے کیوں کہ اس وقت مجھے شاعری سے دلچسپی بہت زیادہ تھی۔۔

 

[ماوراء]

بہت خوب اور شئیر کرنے کا شکریہ۔ مگر یہ شاعری سے کب سے دلچسپی ہو گئی سارا؟؟؟

سارا کی شاعری سے تو دلچسپی اب ختم ہو گئی ہے۔ یہ اچانک مجھے اس کی پوسٹ کی ہوئی شاعری سے اندازہ ہوا ہے کہ شاید اب پھر دلچسپی ہو رہی ہے۔

سارا کو تو شاعری سے بہت لگاؤ رہا ہے۔ بلکہ یہاں تک کہ خود بھی شاعری کرتی رہی ہے۔ بلکہ ایک بار تو ہم دونوں نے مل کر ایک غزل بھی لکھی تھی۔ جو بہت ہٹ ہوئی تھی۔

ویسے سارا دلچسپی ختم ہونے کی وجہ کیا ہے؟

 

[حسن علوی]

ویسے سارا دلچسپی ختم ہونے کی وجہ کیا ہے؟

ماوراء عمر کا تقاضہ ھے عمر کے ساتھ ساتھ انسان کے بہت سے شوق ماند پڑ جاتے ہیں اور شاعری بھی ایک عمر تک ہی اچھی لگتی ھے[url=http://www.mysmiley.net] [/URL]

 

[ماوراء]

اچھا؟؟ لگتا ہے تمھیں تجربہ ہے۔ ویسے کس عمر تک شاعری اچھی لگتی ہے؟
میرے بھی اب سر کے اوپر سے گزر جاتی ہے۔:dontknow:

 

[سارا]

سارا کی شاعری سے تو دلچسپی اب ختم ہو گئی ہے۔ یہ اچانک مجھے اس کی پوسٹ کی ہوئی شاعری سے اندازہ ہوا ہے کہ شاید اب پھر دلچسپی ہو رہی ہے۔

سارا کو تو شاعری سے بہت لگاؤ رہا ہے۔ بلکہ یہاں تک کہ خود بھی شاعری کرتی رہی ہے۔ بلکہ ایک بار تو ہم دونوں نے مل کر ایک غزل بھی لکھی تھی۔ جو بہت ہٹ ہوئی تھی۔

ویسے سارا دلچسپی ختم ہونے کی وجہ کیا ہے؟

اب تو اس شاعری پر ہنسی آتی ہے جو ہم نے کی تھی۔۔اس وقت ہم کتنے خوش ہوئے تھے نا کہ کیا کارنامہ سر انجام دیا ہے۔۔
دلچسپی مکمل طور پر ختم نہیں ہوئی ہے لیکن ابھی بہت ہی کم رہ گئی ہے۔۔پتہ نہیں وجہ کیا ہے مجھے خود بھی نہیں معلوم۔۔جب میں حج سے واپس آئی تھی اور پاکستان میں کچھ عرصہ گزارا تھا وہاں میری کزن کی اچانک ڈیتھ اور کچھ اور پرابلمز ہوئے تھے جس کے بعد میں بہت زیادہ بدل گئی تھی۔۔۔پتہ نہیں کیوں لیکن خود ہی یہ سب ہو گیا تھا۔۔

 

[سارا]

ماوراء عمر کا تقاضہ ھے عمر کے ساتھ ساتھ انسان کے بہت سے شوق ماند پڑ جاتے ہیں اور شاعری بھی ایک عمر تک ہی اچھی لگتی ھے[url=http://www.mysmiley.net] [/URL]

اچھا۔۔میں نے تو کتنے ایجڈ لوگوں کو بھی دیکھا ہے جنہیں شاعری بہت زیادہ پسند ہوتی ہے۔۔۔میرا خیال ہے یہ حالات یا خیالات کی بات ہوتی ہے کہ کونسا لمحہ کسی کی زندگی بدل دے۔۔

 

[طالوت]

بلکہ ایک بار تو ہم دونوں نے مل کر ایک غزل بھی لکھی تھی۔ جو بہت ہٹ ہوئی تھی۔:

اگر آپ یہ ملی جلی غزل پوسٹ کر دیں تو نوازش ہو گی۔۔۔۔۔۔۔۔۔۔۔۔وسلام

 

[ماوراء]

اب تو اس شاعری پر ہنسی آتی ہے جو ہم نے کی تھی۔۔اس وقت ہم کتنے خوش ہوئے تھے نا کہ کیا کارنامہ سر انجام دیا ہے۔۔
دلچسپی مکمل طور پر ختم نہیں ہوئی ہے لیکن ابھی بہت ہی کم رہ گئی ہے۔۔پتہ نہیں وجہ کیا ہے مجھے خود بھی نہیں معلوم۔۔جب میں حج سے واپس آئی تھی اور پاکستان میں کچھ عرصہ گزارا تھا وہاں میری کزن کی اچانک ڈیتھ اور کچھ اور پرابلمز ہوئے تھے جس کے بعد میں بہت زیادہ بدل گئی تھی۔۔۔پتہ نہیں کیوں لیکن خود ہی یہ سب ہو گیا تھا۔۔

ہاہاہا۔ کچھ دنوں پہلے میں فائل ٹھیک کر رہی تھی، اس میں سے وہ غزل نکل آئی۔ مجھے اتنی ہنسی آئی پڑھ کے۔ ویسے سچ بتاؤں تو کارنامہ تو تھا ہی۔۔
اچھا میرے ساتھ بھی کچھ ایسا ہی ہوا ہے۔ شاعری سے دل بھر گیا ہے۔ پتہ نہیں کیوں۔

 

[ماوراء]

اگر آپ یہ ملی جلی غزل پوسٹ کر دیں تو نوازش ہو گی۔۔۔۔۔۔۔۔۔۔۔۔وسلام

پوسٹ کر دیں؟ تاکہ لوگوں کو انڈے، ٹماٹر پھینکنے کا موقع مل جائے؟

 

[طالوت]

پوسٹ کر دیں؟ تاکہ لوگوں کو انڈے، ٹماٹر پھینکنے کا موقع مل جائے؟

نہیں محترمہ ایسی کوئی بات نہیں۔۔۔۔ مانا کہ ہم اچھی داد نہیں دے سکتے لیکن بری چیز پر کسی کو لتاڑتے بھی نہیں آپ بے فکر ہو کر پوسٹ کریں کم از کم ایسی صورت حال میں میں آپ کا پورا ساتھ دوں گا اور پہلا انڈہ یا ٹماٹر کا سامنا میں کروں گا لیکن آپ اس ملی جلی غزل سے محروم نہ کریں۔۔۔۔۔۔۔ وسلام