پھر سے دھرائیں وہ گھڑی کیسے

[ظفری]

کیا بتائیں کہ جان گئی کیسے
پھر سے دھرائیں وہ گھڑی کیسے

کس نے رستے میں چاند رکھا تھا
مجھ کو ٹھوکر وہاں لگی کیسے

وقت پہ پاؤں‌کب رکھا ہم نے
زندگی منہ کے بل گری کیسے

آنکھ تو بھر گئی تھی پانی سے
تیری تصویر جل گئی کیسے

ہم تو اب یاد بھی نہیں کرتے
آپ کو ہچکی لگ گئی کیسے ​

 

[یونس رضا]

خوبصورت ہے ظفری ۔۔۔۔۔۔۔۔ سادہ الفاط ۔۔ سادگی سے ادائیگی۔۔۔۔۔۔۔۔ مگر اجساس میں کافی کچھ ہے

 

[ظفری]

شکریہ یونس بھائی ۔ مجھے شاعر کا نام معلوم نہیں‌ تھا ۔ مگرجب تحیقق کی تو جس پر شک تھا اسی کی یہ غزل نکلی ۔ جناب گلزار صاحب ۔

 

[زونی]

اچھی غزل ھے چاچو

اور شکر ھے شاعر کا نام بتا دیا ، غزل واقعی اچھی ھے

 

[یونس رضا]

کیا سادگی ہے اس شعر میں طفری ۔۔۔۔

وقت پہ پاؤں‌کب رکھا ہم نے
زندگی منہ کے بل گری کیسے

ناصر کاظمی کا ایک شعر ایسی ہی سادگی میں تھا

بیٹھ کر سایہ گل میں ناصر
ہم بہت روئے جب وہ یاد آیا

 

[شمشاد]

اچھی غزل ھے چاچو

اور شکر ھے شاعر کا نام بتا دیا ، غزل واقعی اچھی ھے

بچ گئے ظفری بھائی کہ شاعر کا نام لکھ دیا نہیں تو خودکش حملہ ہو جانا تھا۔

 

[محمد وارث]

شکریہ ظفری بھائی خوبصورت غزل پوسٹ کرنے کیلیئے

 

[فرخ منظور]

گل زار اس غزل میں روتا ہے زار و زار- بہت شکریہ ظفری!

 

[الف عین]

گلزار کا لہجہ پکار پکار کر کہتا ہے کہ اس کی ہے۔ ورنہ ہندی میں کسی کی بھی گجل اس قسم کی ہو سکتی ہے ۔

 

[حجاب]

اچھا انتخاب ہے پسند آیا ۔