پھر کوئی آیا دل زار ۔ فیض

[نور وجدان]

فیض

پھر کوئی آیا دل زار نہیں کوئی نہیں

راہرو ہوگا کہیں اور چلا جائے گا

ڈھل چکی رات بکھرنے لگا تاروں کا غبار

لڑکھڑانے لگے ایوانوں میں خوابیدہ چراغ

سو گئی راستہ تک تک کے ہر اک راہ گزار

اجنبی خاک نے دھندلا دیئے قدموں کے سراغ

گل کرو شمعیں بڑھا دو مے و مینا و ایاغ

اپنے بے خواب کواڑوں کو مقفل کر لو

اب یہاں کوئی نہیں کوئی نہیں آئے گا

 

[نور وجدان]

 

[گُلِ یاسمیں]

خوبصورت انتخاب۔

 

[ایس ایس ساگر]

بہت اعلٰی۔

 

[سیما علی]

بہت عمدہ انتخاب ۔۔