پہلے تو مٹی کا اور پانی کا اندازہ ہوا ۔۔۔۔ شاہین عباس

[نوید صادق]

غز ل

پہلے تو مٹی کا اور پانی کا اندازہ ہوا
پھر کہیں اپنی پریشانی کا اندازہ ہوا

اے محبت تیرے دُکھ سے دوستی آساں نہ تھی
تجھ سا ہو کر تیری ویرانی کا اندازہ ہوا

عمر بھر ہم نے فنا کے تجربے خو د پر کئے
عمر بھر میں عالمِ فانی کا اندازہ ہوا

اک زمانے تک بدن بِن خواب بِن آداب تھے
پھر اچانک اپنی عریانی کا اندازہ ہو ا

تیرے ہاتھوں جل اُٹھے ہم، تیرے ہاتھوں جل بجھے
ہوتے ہوتے آگ اور پانی کا اندازہ ہو ا

لوگ میری بند آنکھوں میں سے گزرے ، تب اِ نہیں
اپنی اپنی خواب سامانی کا اندازہ ہوا

ایک گھیرا وقت کا ہے دوسرا نا وقت کا
خود نگر ! کچھ اپنی نگرانی کا اندازہ ہو ا؟

صورتیں بگڑ یں تو اپنی حالتوں میں آئے ہم
آئنہ ٹوٹا تو حیرانی کا اندازہ ہوا

رات اک دہلیز ایسی آ گئی تھی خواب میں
رات کچھ کچھ اپنی پیشانی کا اندازہ ہوا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(شاہین عباس)

 

[کاشفی]

بہت ہی خوب انتخاب ہے ۔۔۔اور آپ کا ذوق بھی اعلی ہے۔۔ماشاء اللہ

 

[سارہ خان]

بہت خوب ۔۔۔

 

[ایم اے راجا]

بہت خوب، واہ واہ

 

[شاہ حسین]

بہت خوب جناب نوید صادق صاحب

 

[محمد وارث]

بہت شکریہ نوید صاحب، خوبصورت غزل شیئر کرنے کیلیے!