پیار سزاواں از آصف شفیع

[آصف شفیع]

میری پنجابی دی کتاب " پیار سزاواں" اپنا رنگ ویب سائیٹ تے پبلش ہو گئی اے۔ دوست احباب اس لنک نوں ویکھ سکدے نیں۔

http://www.apnaorg.com/books/asif-shafi/
فرخ صاحب تے تلمیذ ہوراں دا شکریہ کہ اوہناں نے ایس ویب سائیٹ توں متعارف کروایا-

 

[تلمیذ]

آصف جی، شکریے والی کوئی گل ای نئیں سرکار !

میں تے حریانی دے سمندر وچہ اجے تیک ڈکو ڈولے کھانا پیا واں ، جے تہاڈا کلام اینی شتابی 'اپنا آرگ' تے لشکن وی لگ پیا وے، جتھے وڈے وڈے چراں پچھوں جا کے تھاں بنا سکدے نیں۔

ایہہ تہاڈے کلام دے سُچے تے اول درجہ ہون دی اک دلیل اے۔ میرے ولوں لکھ لکھ مبارکاں قبول کرو۔

ساہڈے لئی ایہہ بڑے مان دی گل اے پئی سوہنا تے سلکھنا کلام آکھن والا اک شاعر ساہڈے وشکار موجود اے۔

میں ساری کتاب اوتھوں 'لاہنا' شروع کر دتی اے۔ تسیں ہن چھیتی چھیتی اہدے (پیپر بک دی صورت وچہ) چھپن دا پربندھ وی کرو۔

شکریہ !!

 

[آصف شفیع]

پیار سزاواں-اشاعت 2003

آصف جی، شکریے والی کوئی گل ای نئیں سرکار !

میں تے حریانی دے سمندر وچہ اجے تیک ڈکو ڈولے کھانا پیا واں ، جے تہاڈا کلام اینی شتابی 'اپنا آرگ' تے لشکن وی لگ پیا وے، جتھے وڈے وڈے چراں پچھوں جا کے تھاں بنا سکدے نیں۔

ایہہ تہاڈے کلام دے سُچے تے اول درجہ ہون دی اک دلیل اے۔ میرے ولوں لکھ لکھ مبارکاں قبول کرو۔

ساہڈے لئی ایہہ بڑے مان دی گل اے پئی سوہنا تے سلکھنا کلام آکھن والا اک شاعر ساہڈے وشکار موجود اے۔

میں ساری کتاب اوتھوں 'لاہنا' شروع کر دتی اے۔ تسیں ہن چھیتی چھیتی اہدے (پیپر بک دی صورت وچہ) چھپن دا پربندھ وی کرو۔

شکریہ !!

سرکار۔ میں پہلے وی عرض کیتی سی پئی ایہہ کتاب ( کاغذ اتے) 2003 وچ شایع ہو گئی سی۔ میں زیادہ توجہ اردو شاعری دی طرف دتی تے پنجابی ول دھیان نئی دتا زیادہ۔ ایہہ ساری کتاب کوئی مہینے دے وچ لکھی ہووے گی۔ ایس توں بعد کجھ وی نئییں لکھیا۔ ہن پر لکھن دی کوشش کراں گے۔ تہاڈا حوصلہ ودھاون دا بڑا شکریہ۔

 

[محسن حجازی]

آہا آصف صاحب کیا باتاں نیں جی تہاڈیاں!

کچے دھاگے ٹٹ جاندے نیں
ہتھاں وچوں چھٹ جاندے نیں

سرکار میں ایویں ذرا کتاب پھرولی اے تے مینوں اینج لگا اے بھئی جیویں پنجابی دیے بشیر بدر نوں پڑھ ریا واں۔
چونکا دین والیاں گلاں بڑے سدھے سادھے لہجے وچ بہت خوب!
انٹرنیٹ تے دستیاب کرن واسطے بہت بہت شکریہ!

 

[محمد وارث]

"آپنا" ویب سائٹ بہت ودہیا ویب سائٹ اے تے میں وی کوئی چار پنج سال توں اودا قاری آں، انہاں دا معیار واقعی بوہت اعلٰی اے۔

تہاڈی کتاب اس ویب سائٹ تے چھپن دی خوشی وچ، میرے طرفوں وی تہانوں بہت بہت مبارک باد آصف صاب۔

 

[mujeeb mansoor]

زیادہ تہ نہیں ویکھی پر چنگی لگدی اے۔تاڈا شکریہ پائی جی

 

[فاروقی]

اک نوں کر لے توں اپنا
ہر اک تے نہ مریا کر


میں وی اونوں چنگا لگدا
او وی مینوں چنگی لگدی
میرا دل وی پاگل پا گل
او وی عش دی ڈنگی لگدی​

بڑا چنگا کلام لکھیا جے تساں نے .........ہولی ہولی میں ایس کتاب نوں سارا پڑاں دا.......تسی ائیے اے کم کر دے او کہ چھڈ دیتا جے.....میرا مطبل اے شاعری آلا

 

[آصف شفیع]

آہا آصف صاحب کیا باتاں نیں جی تہاڈیاں!

کچے دھاگے ٹٹ جاندے نیں
ہتھاں وچوں چھٹ جاندے نیں

سرکار میں ایویں ذرا کتاب پھرولی اے تے مینوں اینج لگا اے بھئی جیویں پنجابی دیے بشیر بدر نوں پڑھ ریا واں۔
چونکا دین والیاں گلاں بڑے سدھے سادھے لہجے وچ بہت خوب!
انٹرنیٹ تے دستیاب کرن واسطے بہت بہت شکریہ!

محسن صاحب۔ بڑا شکریہ۔ تے نوازش۔

 

[آصف شفیع]

اک نوں کر لے توں اپنا
ہر اک تے نہ مریا کر


میں وی اونوں چنگا لگدا
او وی مینوں چنگی لگدی
میرا دل وی پاگل پا گل
او وی عش دی ڈنگی لگدی​

بڑا چنگا کلام لکھیا جے تساں نے .........ہولی ہولی میں ایس کتاب نوں سارا پڑاں دا.......تسی ائیے اے کم کر دے او کہ چھڈ دیتا جے.....میرا مطبل اے شاعری آلا

شعر پسند کرن دا بڑا شکریہ۔ جس کم دی بندے نوں لت پے جے، کدوں چھٹ دی اے۔ ناں ای شاعری چھٹ دی اے تے ناں ای عشق۔

 

[آصف شفیع]

"آپنا" ویب سائٹ بہت ودہیا ویب سائٹ اے تے میں وی کوئی چار پنج سال توں اودا قاری آں، انہاں دا معیار واقعی بوہت اعلٰی اے۔

تہاڈی کتاب اس ویب سائٹ تے چھپن دی خوشی وچ، میرے طرفوں وی تہانوں بہت بہت مبارک باد آصف صاب۔

وارث صاحب، تہا ڈا بڑا شکریہ پئی تسوں میری حاصلہ افزائی کیتی۔مینوں وی خوشی ہوئی اے پئی میرے پنجابی کلام نوں وی پذیرائی ملی اے- اس دے وچ تہاڈے دوستاں دا خلوص تے دعاواں شامل نیں۔ میں اپنا بلاگ وی کجھ ترتیب دتا اے۔ تسی ذرا اک نظر تے ماریو اوہدے تے۔

 

[محسن حجازی]

شعر پسند کرن دا بڑا شکریہ۔ جس کم دی بندے نوں لت پے جے، کدوں چھٹ دی اے۔ ناں ای شاعری چھٹ دی اے تے ناں ای عشق۔

لیکن سرکار گل اے ہے کہ جے عشق چھٹ جاوے(فرقت دی گل نئیں کردے اسیں) تاں شاعری وی چھٹ جاندی ہندی اے ایہہ ساڈا ذاتی تجربہ سمجھ لو تسی
لیکن میں کوئی آدھی کتاب اوسے ویلے مکا کے ہٹیاں او تے ویلا اذاناں دا ہو چلا سی تے نمازاں نوں ٹر گئے ورنہ آپاں مکا کے ای چھڈنی سی۔
میری رائے وچ اینوں یونی کوڈ ٹیکسٹ دے وچ فوری طور تے ہونا چائیدا اے۔

 

[ملائکہ]

میں وی تھوڑی جئی پڑھی اے خوشی اس گل دی اے کہ مینوں سمجھ آرہی اے تواڈی شاعری

 

[آصف شفیع]

میں وی تھوڑی جئی پڑھی اے خوشی اس گل دی اے کہ مینوں سمجھ آرہی اے تواڈی شاعری

سانوں وی خوشی ہوئی پئ تہانوں ساڈی پنجابی شاعری سمجھ آرہی اے۔ شاعری اوہ ہی ہندی اے جیہڑی دوجے دی سمجھ وچ آ جاوے۔