رضا پیشِ حق مژدہ شفاعت کا سناتے جائیں گے

[مہ جبین]

پیشِ حق مژدہ شفاعت کا سناتے جائیں گے​

آپ روتے جائیں گے ہم کو ہنساتے جائیں گے​

​

دل نکل جانے کی جا ہے آہ کن آنکھوں سے وہ​

ہم سے پیاسوں کے لئے دریا بہاتے جائیں گے​

​

کشتگانِ گرمیِ محشر کو وہ جانِ مسیح​

آج دامن کی ہو ادے کر جِلاتے جائیں گے​

​

ہاں چلو حسرت زدوں سنتے ہیں وہ دن آج ہے​

تھی خبر جس کی کہ وہ جلوہ دکھاتے جائیں گے​

​

کچھ خبر بھی ہے فقیرو آج وہ دن ہے کہ وہ​

نعمتِ خلد اپنے صدقے میں لٹاتے جائیں گے​

​

خاک افتادو بس اُن کے آنے ہی کی دیر ہے​

خود وہ گر کر سجدہ میں تم کو اٹھاتے جائیں گے​

​

وسعتیں دی ہیں خدا نے دامنِ محبوب کو​

جرم کھلتے جائیں گے اور وہ چھپاتے جائیں گے​

​

لو وہ آئے مسکراتے ہم اسیروں کی طرف​

خرمنِ عصیاں پہ اب بجلی گراتے جائیں گے​

​

آنکھ کھولو غمزدودیکھو وہ گریاں آئے ہیں​

لوحِ دل سے نقشِ غم کو اب مٹاتے جائیں گے​

​

سوختہ جانوں پہ وہ پُر جوشِ رحمت آئے ہیں​

آبِ کوثر سے لگی دل کی بجھاتے جائیں گے​

​

پائے کوباں پل سے گزریں گے تری آواز ہر​

رَبِّ سَلِّم کی صدا پر وجد لاتے جائیں گے​

​

سرورِ دیں لیجئے اپنے ناتوانوں کی خبر​

نفس و شیطاں سیّدا کب تک دباتے جائیں گے​

​

حشر تک ڈالیں گے ہم پیدائشِ مولیٰ کی دھوم​

مثلِ فارس نجد کے قلعے گراتے جائیں گے​

​

خاک ہو جائیں عدو جل کر مگر ہم تو رضا
دَم میں جب تک دَم ہے ذکر اُن کا سناتے جائیں گے​

​

​

اعلیٰ حضرت الشاہ امام احمد رضا خان فاضلِ بریلوی رحمۃاللہ علیہ​

 

[نایاب]

سبحان اللہ
کیا شان رسول صلی اللہ علیہ وآلہ وسلم بیان فرمائی ہے ۔

 

[جواد رضا خان جامی]

کلام الامام امام الکلام

 

[ابو المیزاب اویس]

​

حشر تک ڈالیں گے ہم پیدائشِ مولیٰ کی دھوم​

مثلِ فارس نجد کے قلعے گراتے جائیں گے​

​

نعت پڑھ کے، ذکر کر کے، عاشقو اب جاؤ جھوم​

خوب چرچا ہو نبی کا، ہے یہ قراں کا مفہوم​

ان شاء اللہ بہ طفیلِ فضلِ ربِّ قیوم​

حشر تک ڈالیں گے ہم پیدائشِ مولیٰ کی دھوم​

مثلِ فارس نجد کے قلعے گراتے جائیں گے​

 

[ابو المیزاب اویس]

​

خاک ہو جائیں عدو جل کر مگر ہم تو رضا​

دَم میں جب تک دَم ہے ذکر اُن کا سناتے جائیں گے​

​

​

اعلیٰ حضرت الشاہ امام احمد رضا خان فاضلِ بریلوی رحمۃاللہ علیہ​

روکنا چاہا پزاروں نے مگر یہ نہ رُکا​

کِس کے روکے سے رُکے ہیں عاشقانِ مُصطفٰی​

ذکر یہ وہ ہے جسے خود رب نے ہے اونچا کیا​

خاک ہو جائیں عدو جل کر مگر ہم تو رضا​

دَم میں جب تک دَم ہے ذکر اُن کا سناتے جائیں گے​