پیڑ لکائی پھرنے آں، ملک ہسائی پھرنے آں

[عبدالقیوم چوہدری]

پِیڑ لُکائی پھرنے آں
مُلک ہسائی پھرنے آں
اوہنوں ملیا کی لبھیا
ہوش گنوائی پھرنے آں

ٹھوکر عقلاں دیندی اے
پر نا آئی، پھرنے آں
ہیر دے پچھے لگے ساں
کن پڑوائی پھرنے آں

ڈھول وجانا نہیں آیا
گل اچ پائی پھرنے آں
اوکھی کار سی جینا وی
توڑ نبھائی پھرنے آں

اپنے آپ نوں پورن لئی
لاش اٹھائی پھرنے آں
ہنھیرے فیر وی نہیں مکے
گھر سڑوائی پھرنے آں

تیری یاد اچ یاداں دا
شہر وسائی پھرنے آں
بدل ورگیاں اکھاں تے
ہنجو چائی پھرنے آں

متاں دیون والے ساں
وانگ سودائی پھرنے آں
کاہدے ساڈے حج نمازاں
ڈھونگ رچائی پھرنے آں

اک دوجے دی اکھاں وچ
گھٹا پائی پھرنے آں
دین اے میرے سجناں دی
پھٹ سجائی پھرنے آں

پاویں کوڈیوں کھوٹے ہاں
بھڑتھو پائی پھرنے آں
بھکھاں مارے بوتھے تے
مُچھاں تائی پھرنے آں

لیراں ہوئے جثے نوں
توپے لائی پھرنے آں
اینج اے چیکاں کون سنے
شعر بنائی پھرنے آں

ساڈے وچ کوئی ہور اے یار
بھیس وٹائی پھرنے آں
تیرے ورگے کئی نثارؔ
ڈب اچ پائی پھرنے آں
​

 

[یوسف سلطان]

ٹھوکر عقلاں دیندی اے
پر نا آئی، پھرنے آں

ڈھول وجانا نہیں آیا
گل اچ پائی پھرنے آں

اک دوجے دی اکھاں وچ
گھٹا پائی پھرنے آں

واه! بہت ودھيا

سرگوشی: سرگوشى

پائين ايہہ اڪھر "توپے"اے يا "تروپے؟"۔
تے"بھڑتھوں" دا كى مطلب ہوندا اے؟۔

 

[عبدالقیوم چوہدری]

واه! بہت ودھيا

مہربانی

پائين ايہہ اڪھر "توپے"اے يا "تروپے؟"۔

اپنے پنڈاں ال تروپے ای کہیا جاندا اے، لیکن توپے وی ٹھیک اے کہ لیلپور تے اردگرد 'توپے' ہی کہندے نیں

تے"بھڑتھوں" دا كى مطلب ہوندا اے؟۔

رولہ رپا

 

[یوسف سلطان]

مہربانی

اپنے پنڈاں ال تروپے ای کہیا جاندا اے، لیکن توپے وی ٹھیک اے کہ لیلپور تے اردگرد 'توپے' ہی کہندے نیں

رولہ رپا

شكريہ اڪھراں دے مطلب دسن لئى۔

 

[رومانہ چوہدری]

بہت خوب۔

متاں دیون والے ساں
وانگ سودائی پھرنے آں
کاہدے ساڈے حج نمازاں
ڈھونگ رچائی پھرنے آں