چار اشعار برائے تنقید و تصحیح

[محمد امجد نذیر الہ آبادی]

سوالوں سے آگے جوابوں سے آگے
نگہ ہے مری اب ستاروں سے آگے

تصوف کی باتیں نیابت کی باتیں
کبھی تو پڑھو تم نصابوں سے آگے

یہی ہے قیادت یہی ہے ذہانت
چلو تم ہمیشہ سواروں سے آگے

شکایت ہے بس اک کہ اس نے بھی امجد
ڈبویا ہے مجھ کو کناروں سے آگے

 

[الف عین]

محض دو قسم کے قوافی۔۔ ’بوں‘ اور ’روں‘ پر ختم ہونے والے۔ غزل کو یکسانیت دیتے ہیں۔ بلکہ یہ شک ہوتا ہے کہ دو غزلوں کو خلط ملط کر دیا گیا ہے۔
عروضی طور پر قوافی کے علاوہ چاروں اشعار درست وزن میں ہیں۔
اصلاح کی غرض سے۔۔۔۔ محض ’نگہ ہے‘ میں ’ہ‘ کی تکرار سے نجات حاصل کی جا سکتی ہے۔ مثلاً
ہیں نظریں مری اب ستاروں سے آگے

 

[محمد امجد نذیر الہ آبادی]

محض دو قسم کے قوافی۔۔ ’بوں‘ اور ’روں‘ پر ختم ہونے والے۔ غزل کو یکسانیت دیتے ہیں۔ بلکہ یہ شک ہوتا ہے کہ دو غزلوں کو خلط ملط کر دیا گیا ہے۔
عروضی طور پر قوافی کے علاوہ چاروں اشعار درست وزن میں ہیں۔
اصلاح کی غرض سے۔۔۔۔ محض ’نگہ ہے‘ میں ’ہ‘ کی تکرار سے نجات حاصل کی جا سکتی ہے۔ مثلاً
ہیں نظریں مری اب ستاروں سے آگے

ممنون ہوں آپ کا کہ.۔۔ آپ نے مجھے اس قابل سمجھا.
انشاء اللہ آئندہ خیال رکھوں گا. اصل میں میں نے کہیں پڑھا تھا کہ قوافی کے آخری حروف جتنے یکساں ہونگے اتنے قافیے بہترین ہونگے.

 

[ادب دوست]

بھئی کیا کہنے ! بہت خوب

 

[محمد امجد نذیر الہ آبادی]

بھئی کیا کہنے ! بہت خوب

بہت شکریہ جی.