چاند تاروں سے بات کیا کرنی ۔۔۔۔ نصیر احمد ناصر

[صائمہ شاہ]

چاند تاروں سے بات کیا کرنی
دن ہے مشکل تو رات کیا کرنی

ہم ازل کے غلام ابن غلام
شاہ زادی سے بات کیا کرنی

ہم نہیں ہیں زمیں کے قابل بھی
ہم نے یہ کائنات کیا کرنی

چند لمحے سکوں کے مل جائیں
عمر بھر کی نجات کیا کرنی

جو میسر ہے یار کافی ہے
خواہش ممکنات کیا کرنی

ایک ناکردہ چھوڑ دیتے ہیں
آخری واردات کیا کرنی

اتنے چھوٹے بڑے خداؤں میں
ایک آدم کی ذات کیا کرنی

عرض پا جتنا سائباں اپنا
اتنی لمبی قنات کیا کرنی

قصر سارا ہے سازشی ناصر
راہ داری میں گھات کیا کرنی

 

[زبیر مرزا]

واہ بہت خُوب

 

[صائمہ شاہ]

واہ بہت خُوب

خوشگوار حیرت کے ساتھ شکریہ

 

[نکتہ ور]

ہمت سے کام لیں یوں نا امید نہ ہوں

اے جذبۂ دل گر میں چاہوں ہر چیز مقابل آ جائے​

منزل کے لیے دو گام چلوں اور سامنے منزل آ جائے​

​

کشتی کو خدا پر چھوڑ بھی دے، کشتی کا خدا خود حافظ ہے​

مشکل تو نہیں ان موجوں میں بہتا ہوا ساحل آ جائے​

​

(بہزاد لکھنوی)​

 

[صائمہ شاہ]

ہمت سے کام لیں یوں نا امید نہ ہوں

اے جذبۂ دل گر میں چاہوں ہر چیز مقابل آ جائے​

منزل کے لیے دو گام چلوں اور سامنے منزل آ جائے​

​

کشتی کو خدا پر چھوڑ بھی دے، کشتی کا خدا خود حافظ ہے​

مشکل تو نہیں ان موجوں میں بہتا ہوا ساحل آ جائے​

​

(بہزاد لکھنوی)​

دل ناامید تو نہیں ناکام ہی تو ہے

 

[مدیحہ گیلانی]

واہ عمدہ غزل ہے صائمہ