چاند پر اشعار

[محمد تابش صدیقی]

جو چاند کی منزل پہ پہنچ کر ہوئے نازاں
وہ لوگ مری گردِ سفر تک نہیں پہنچے

نظرؔ لکھنوی

 

[کاشفی]

آسمان اور زمیں کا ہے تفاوت ہر چند
اے صنم دور ہی سے چاند سا مکھڑا دکھلا
(حیدر علی آتش)

 

[کاشفی]

چاند کا حسن بھی زمین سے ہے
چاند پر چاندنی نہیں ہوتی
(ابن صفی)

 

[کاشفی]

چاند سے تجھ کو جو دے نسبت سو بے انصاف ہے
چاند کے منہ پر ہیں چھائیں، تیرا مکھڑا صاف ہے
(حاتم، شیخ ظہور الدین)

 

[کاشفی]

دور جتنا بھی چلا جائے مگر
چاند تجھ سا تو نہیں ہو سکتا
(نعمان شوق)

 

[کاشفی]

مجھ کو معلوم ہے محبوب پرستی کا عذاب
دیر سے چاند نکلنا بھی غلط لگتا ہے
(احمد کمال پروازی)

 

[کاشفی]

پہلی بار نظروں نے چاند بولتے دیکھا
ہم جواب کیا دیتے کھو گئے سوالوں میں
(بشیر بدر)

 

[کاشفی]

رات کے شاید ایک بجے ہیں
سوتا ہوگا میرا چاند
(پروین شاکر)

 

[کاشفی]

تیرا چہرہ کتنا سہانا لگتا ہے
تیرے آگے چاند پرانا لگتا ہے
(کیف بھوپالی)

 

[عبد الرحمٰن]

آج سمجھا ھوں میں تیرے رُخِ تاباں کا سبب​

تجھ کو اے چاند نبی پاک (صلی اللہ علیہ وآلہٖ وسلم) نے دیکھا ھو گا​

(حماد رضا بُخاری)​

 

[عبد الرحمٰن]

یوٰں اندھیری رات میں اے چاند تُو چمکا نہ کر​

حشر اک سیمیں بدن کی یاد میں برپا نہ کر​

مرزا بشیرالدین محمود احمد​

 

[عبد الرحمٰن]

چاند نکلا تو ھم نے وحشت میں​

جس کو دیکھا اسی کو چوم لیا۔​

ناصرکاظمی​

 

[جاسمن]

باغ، پُھول، پتّے، کھیت، چاند، آسماں، تارے
یُوں تو کتنے ساتھی ہیں، دِل مگر اکیلا ہے

اعجاز عبؔید

 

[عبد الرحمٰن]

ہاتھ اٹھتے ہیں مگر حرفِ دعا یاد نہیں

ہمیں ساغر یاد آ گیا

ہے دعا یاد مگر حرف دعا یاد نہیں
میرے نغمات کو انداز نوا یاد نہیں


آؤ اک سجدہ کریں عالم مدہوشی میں
لوگ کہتے ہیں کہ ساغرؔ کو خدا یاد نہیں

 

[نازنین شاہ]

وہ راتیں چاند کے ساتھ گئیں وہ باتیں چاند کے ساتھ گئیں
اب سکھ کے سپنے کیا دیکھیں جب دکھ کا سورج سر پر ہو

ابن انشاء

 

[زیرک]

چاند کو جب قریب سے دیکھا
دُور سے دیکھنے کی شے نکلی
انور شعور

 

[فیصل عظیم فیصل]

چاند کو جب قریب سے دیکھا
دُور سے دیکھنے کی شے نکلی
انور شعور

چاند کو دیکھنا اگر چاہو
آئینہ دیکھ لو کبھی جانا

 

[زیرک]

چھپ گیا چاند بادلوں میں کہیں
پھر اندھیرا ہی کامیاب ہوا
علینا عترت رضوی

 

[فیصل عظیم فیصل]

چھپ گیا چاند بادلوں میں کہیں
پھر اندھیرا ہی کامیاب ہوا
علینا عترت رضوی

چاند کا بادلوں میں چھپ جانا
حسن والوں کی اک ادا ٹھہری

 

[زیرک]

راہِ طلب میں کون کسی کا، اپنے بھی بے گانے ہیں
چاند سے مکھڑے، رشکِ غزالاں سب جانے پہچانے ہیں