چاند پر اشعار

[عبدالرحمن آزاد]

چاند روشن چمکتا ستارہ رہے
سب سے اونچا یہ جھنڈا ہمارا رہے

 

[زیرک]

بارش کے بعد رات سڑک آئینہ سی تھی
اِک پاؤں پانیوں پہ پڑا، چاند ہِل گیا​

 

[زیرک]

میں نے اس طاق میں کچھ ٹوٹے دِیے رکھے ہیں
چاند سورج کو بھی لے جا کے وہیں پر رکھ دو
راحت اندوری​

 

[زیرک]

برفیلی رُت کی تیز ہوا کیوں جھیل میں کنکر پھینک گئی
اِک آنکھ کی نیند حرام ہوئی، اِک چاند کا عکس خراب ہوا
محسن نقوی​

 

[زیرک]

روٹی کو ڈھونڈتا ہوا کُوڑے کے ڈھیر پر
دیکھا ہے میں نے چاند کا ٹکڑا ابھی ابھی​

 

[جان]

اے کاش ہماری قسمت میں ایسی بھی کوئی شام آ جائے
اک چاند فلک پر نکلا ہو، اک چاند سر بام آ جائے
انور مرزاپوری

 

[زیرک]

تلخیاں بڑھ گئیں جب زیست کے پیمانے میں
گھول کے درد کے ماروں نے پیا عید کا چاند​

 

[زیرک]

چاند چہرہ اُجڑا سا لگتا ہے
عید کیسے مناؤں میں عابی
عابی مکھنوی​

 

[جاسمن]

جھیل آنکھوں میں سرمگیں آنسو
چاند بے خود تھا اس نظارے پر
احمد سجاد بابر

 

[جاسمن]

جھیل آنکھوں میں سرمگیں آنسو
چاند بے خود تھا اس نظارے پر
احمد سجاد بابر

 

[جاسمن]

شہر سارا چھتوں پہ تھا بابرؔ
چاند اترا تھا پھر چوبارے پر
احمد سجاد بابر

 

[جاسمن]

اگر چلتے چلے جائیں گے یوں ہی چاند کے پیچھے
تو پھر یہ رات گزرے گی، نہ گھرجائیںگے ہم دونوں
سردار سلیم

 

[مومن فرحین]

ابر میں چھپ گیا ہے آدھا چاند
چاندنی چھن رہی ہے شاخوں سے
جیسے کھڑکی کا ایک پٹ کھولے
جھانکتا ہو کوئی سلاخوں سے

جاں نثار اختر

 

[محمداحمد]

ابر میں چھپ گیا ہے آدھا چاند
چاندنی چھن رہی ہے شاخوں سے
جیسے کھڑکی کا ایک پٹ کھولے
جھانکتا ہو کوئی سلاخوں سے

جاں نثار اختر

بہت خوب!

 

[محمداحمد]

اگر چلتے چلے جائیں گے یوں ہی چاند کے پیچھے
تو پھر یہ رات گزرے گی، نہ گھرجائیںگے ہم دونوں
سردار سلیم

کیا بات ہے!

 

[سیما علی]

بچھڑ کے مجھ سے کبھی تو نے یہ بھی سوچا ہے
ادھورا چاند بھی کتنا اداس لگتا ہے

یہ رکھ رکھاؤ محبت سکھا گئی اس کو
وہ روٹھ کر بھی مجھے مسکرا کے ملتا ہے
محسن نقوی

 

[سیما علی]

اپنی ضروریات ہیں اپنی ضروریات
آنا پڑا مطلب تمہیں دل لیئے ہوئے
بیٹھا جو دل تو چاند دکھا کر کہا قمر !
وہ سامنے چراغ ہے منزل لیئے ہوئے
قمر جلالوی

 

[مومن فرحین]

ہم سانجھ سمے کی چھایا ہیں ، تم چڑھتی رات کے چندرماں
ہم جاتے ہیں ، تم آتے ہو ، پھر میل کی صورت کیوں کر ہو

وہ راتیں چاند کے ساتھ گیئں وہ باتیں چاند کے ساتھ گیئں
اب سکھ کے سپنے کیا دیکھیں ، جب دکھ کا سورج سر پر ہو

 

[سیما علی]

ہائے وہ لوگ گئے چاند سے ملنے اور پھر
اپنے ہی ٹوٹے ہوئے خواب اٹھا کر لے آئے
عبید اللہ علیم

 

[فیصل عظیم فیصل]

چاند کہتے تھے میرے جیون کا
اب کہاں لوگ چاندنی جیسے