چراغوں کے مقابل جب ہوا رکھی گئی تھی

[سیدہ شگفتہ]

دلیل بیعت فاسق رکھی گئی تھی​

مدینے میں بنائے کربلا رکھی گئی تھی​

​

حسین آغوش پیمبر میں جب لائے گئے تھے​

وہیں بنیاد تہذیب عزاء رکھی گئی تھی​

​

حضور سرور کونین جب محضر ہوا پیش​

زمین کربلا سب سے جدا رکھی گئی تھی​

​

منا ، کا خواب پورا ہو رہا تھا کربلا میں ​

یہ قربانی اسی دن پر اٹھا رکھی گئی تھی​

​

زمین سے آسمان تک نور تھا ، بس نور ہی نور​

چراغوں کے مقابل جب ہوا رکھی گئی تھی​

​

بہت مشکل مراحل آ پڑے تھے راستے میں​

سو زاد راہ میں خاک شفا رکھی گئی تھی​

​

صاحب کلام: احمد نوید​

 

[سید زبیر]

سبحان اللہ
زمین سے آسمان تک نور تھا ، بس نور ہی نور
چراغوں کے مقابل جب ہوا رکھی گئی تھی
بہت مشکل مراحل آ پڑے تھے راستے میں
سو زاد راہ میں خاک شفا رکھی گئی تھی
جزاک اللہ

 

[محمد بلال اعظم]

سبحان اللہ
جزاک اللہ

 

[علی کریمی]

السلام علیکم
یہ کلام جناب افتخار عارف صاحب کا ہے احمد نوید کا نہیں۔