چل ترے خوابوں میں کچھ رنگ نیا لاتے ہیں

[الف عین]

آسی بھائی کی نظر کا میں بھی قائل ہوں۔ ۔مجھ میں یہ صلاحیت بھی نہیں، اور نہ اتنا صبر کہ اطمینان ست گھنٹوں غور کروں ایک ایک شعر پر۔ اور بھی کام ہیں دنیا میں اصلاحِ سخن کے سوا
شعر 4 اور 8 میں ہی زمین کا مسئلہ ہے، باقی اشعار میں نہیں۔

 

[محمد یعقوب آسی]

آسی بھائی کی نظر کا میں بھی قائل ہوں۔ ۔مجھ میں یہ صلاحیت بھی نہیں، اور نہ اتنا صبر کہ اطمینان ست گھنٹوں غور کروں ایک ایک شعر پر۔ اور بھی کام ہیں دنیا میں اصلاحِ سخن کے سوا
شعر 4 اور 8 میں ہی زمین کا مسئلہ ہے، باقی اشعار میں نہیں۔

مدت ہوئی ہم نے شرمندہ ہونا چھوڑ دیا۔
آپ کی محبت ہے جناب اعجاز عبید صاحب۔

 

[محمد یعقوب آسی]

۔۔۔۔ کہ جو اُس نے کہا ۔۔۔۔​

دراصل شعر کہنے کا عمل تین حصوں پر مشتمل ہے، شعر کہنا، شعر بنانا اور شعر توڑنا اور انکی ترتیب اس ترتیب سے بالکل الٹ ہے جس ترتیب سے میں نے انہیں لکھا ہے، اور وجہ یہ کہ ہر شاعر فوری طور پر شعر کہنے پر پہنچتا ہے اور بے وزن شعر کہہ کر خواہ مخواہ تنقید کا سامنا کرتا ہے، حالانکہ یہ سارا عمل، ایک شاعر کیلیے، شعر توڑنے سے شروع ہوتا ہے، جب کسی کو شعر توڑنا آ جاتا ہے تو ایک درمیانی عرصہ آتا ہے جس میں وہ شعر 'بناتا' ہے اور اسی کو مشقِ سخن کہا جاتا ہے اور جب کسی شاعر کو شعر کہنے میں درک حاصل ہو جاتا ہے تو پھر وہ جو شاعری کرتا ہے اسی کو صحیح معنوں میں 'شاعری' کہا جاتا ہے پھر اسکے ذہن میں شعر کا وزن نہیں ہوتا بلکہ خیال آفرینی ہوتی ہے۔

۔۔۔۔۔۔۔۔۔۔۔۔۔۔۔۔ محمد وارث​

 

[فرحان عباس]

مجھے یہ سمجھ نہیں آرہی کہ کیا بڑے بڑے شعراء پہلے سوچتے ہیں کہ ہم نے کس بحر میں غزل کہنی ہے یا پہلے غزل جو کہ آمد ہو وہ اسی طرح لکھ کر بعد میں علم عروض کا استعمال کر کے اس غزل کو بحر میں لاکر اس کا وزن درست کیا جاتا ہے؟

 

[کاشف اسرار احمد]

۔۔۔۔ کہ جو اُس نے کہا ۔۔۔۔​

دراصل شعر کہنے کا عمل تین حصوں پر مشتمل ہے، شعر کہنا، شعر بنانا اور شعر توڑنا اور انکی ترتیب اس ترتیب سے بالکل الٹ ہے جس ترتیب سے میں نے انہیں لکھا ہے، اور وجہ یہ کہ ہر شاعر فوری طور پر شعر کہنے پر پہنچتا ہے اور بے وزن شعر کہہ کر خواہ مخواہ تنقید کا سامنا کرتا ہے، حالانکہ یہ سارا عمل، ایک شاعر کیلیے، شعر توڑنے سے شروع ہوتا ہے، جب کسی کو شعر توڑنا آ جاتا ہے تو ایک درمیانی عرصہ آتا ہے جس میں وہ شعر 'بناتا' ہے اور اسی کو مشقِ سخن کہا جاتا ہے اور جب کسی شاعر کو شعر کہنے میں درک حاصل ہو جاتا ہے تو پھر وہ جو شاعری کرتا ہے اسی کو صحیح معنوں میں 'شاعری' کہا جاتا ہے پھر اسکے ذہن میں شعر کا وزن نہیں ہوتا بلکہ خیال آفرینی ہوتی ہے۔

۔۔۔۔۔۔۔۔۔۔۔۔۔۔۔۔ محمد وارث​

بہت بہت شکریہ استاد محترم ۔۔۔
یہ ہے اصل نکتہ آفرینی ۔۔۔ ماشا اللہ ۔۔۔
اور آپ نے بلکل صحیح اندازہ لگایا ۔۔۔ میری ترتیب ہمیشہ الٹی ہی رہی ہے ۔۔
اب انشا اللہ اس نکتے کو ذہن میں رکھ کر مشق کیا کرونگا۔۔۔
جزاک اللہ ۔۔۔۔

 

[محمد یعقوب آسی]

مجھے یہ سمجھ نہیں آرہی کہ کیا بڑے بڑے شعراء پہلے سوچتے ہیں کہ ہم نے کس بحر میں غزل کہنی ہے یا پہلے غزل جو کہ آمد ہو وہ اسی طرح لکھ کر بعد میں علم عروض کا استعمال کر کے اس غزل کو بحر میں لاکر اس کا وزن درست کیا جاتا ہے؟

محمد وارث کی بات دل کو لگتی ہے۔
ایک شخص جو شعر کہنے سے پختگی کی حد تک مانوس ہو، اس کو شاید تحریک چاہئے بس! کوئی شعر دل کو بھا گیا، کہیں کسی بات سے کوئی نکتہ ہاتھ آ گیا۔ اس کے اولین الفاظ یا ایک دو مصرعے نکلتے ہی کسی بحر میں موزوں ہو کر ہیں۔ اسی لئے تو اس کو پختہ کہتے ہیں، کہ اسے بحور پر سوچنا نہیں پڑتا۔ اس کے بعد کا عمل البتہ سارا وہی ہوتا ہے غزل بنانے والا۔

 

[محمد یعقوب آسی]

بہت بہت شکریہ استاد محترم ۔۔۔
یہ ہے اصل نکتہ آفرینی ۔۔۔ ماشا اللہ ۔۔۔
اور آپ نے بلکل صحیح اندازہ لگایا ۔۔۔ میری ترتیب ہمیشہ الٹی ہی رہی ہے ۔۔
اب انشا اللہ اس نکتے کو ذہن میں رکھ کر مشق کیا کرونگا۔۔۔
جزاک اللہ ۔۔۔۔

یہ نکات آفرینی جناب محمد وارث کی ہے اور اس میں ان کا تجربہ بول رہا ہے۔

 

[کاشف اسرار احمد]

اساتذہ اکرام کی خدمت میں
۔۔
درست املاء یوں ہو گی:
اساتذہء کِرام کی خدمت میں
۔۔
اساتذہء کِرام ۔۔ مرکب توصیفی ہے، اس کے اجزاء ہیں:
استاذ (ج: اساتذہ) موصوف ۔۔ ہمزہ (زیر بصورتِ ہمزہ، بوجہ ہ) علامتِ صفت ۔۔ کَریم (ج: کِرام : کاف مکسور کے ساتھ) صِفَت
یہ فارسی طریقہ ہے اور اس میں عربی اور فارسی اسماء جمع کئے جا سکتے ہیں۔
۔۔
مزید مثالیں:
گُلِ تر، دلِ ناشاد، شَبِ طویل، دیدہء بینا، حکایاتِ خونچکان، دردِ لادوا، مشامِ تیز، بندہء مولاصفات، آہِ نارسا، بحرِ ناپیداکنار، نوائے تازہ، جولانیء طبع، مےء لالہ فام، موئے مُشکین؛ وغیرہ۔
۔۔

بلکل درست سر ۔۔
مجھے بس ایک ہی دقت ہے کہ یہ "کی-بورڈ" میری سمجھ میں نہیں آتا۔۔۔
ایک ایک حرف کو ڈھونڈنا پڑتا ہے مجھے تو۔۔۔
اور نہیں ملتا تو غلط املاء لکھنا پڑتا ہے۔۔۔

 

[محمد یعقوب آسی]

املاء کے حوالے سے ایک اور ضروری بات ۔۔۔
اردو رسم الخط کا مزاج رومن، گرمکھی، دیوناگری وغیرہ سے بہت مختلف ہے۔ وہ آوازوں پر زیادہ بھروسا کرتے ہیں اور ہم ہجوں کی اصل پر۔
ہمارے ہاں نظیر اور نذیر مختلف المعانی الفاظ ہیں، اسی طرح شک اور شق، اصل اور عسل، حرم اور ہرم، مقصور اور مکسور؛ اور بے شمار مثالیں ہیں۔

 

[کاشف اسرار احمد]

سب سے پہلے ۔۔ اچھی بات ہے کہ آپ نے بحر نے ارکان لکھ دیے۔
اسی وزن کو میں "فاعلن فاعلتن فاعلتن فاعلتن" لکھا کرتا ہوں۔ اس میں آخری "فاعلتن" کے مقابل "مفعولن" آ سکتا ہے۔

1.
چل ترے خوابوں میں کچھ رنگ نیا لاتے ہیں
مسندِ حور کی، آ سیر کرا لاتے ہیں

غور فرمائیے کہ یہاں "خواب" پورا پڑھا جا رہا ہے۔ واو گرا دیا، نون تو ویسے ہی غنہ ہے؛ یعنی ٹیکنیکی حوالے سے ٹھیک ہو گیا۔ مگر صوتی ملائمت جاتی رہی۔
چل ترے خواب میں کچھ ۔۔ اس کو دیکھ لیجئے، اگر آپ کے معانی مقصود کو پورا کرتا ہے تو اپنا لینے میں کوئی ہرج نہیں۔
مسند کا مفہوم مقام (مرتبہ) ہے، مقام (مکان، جگہ) نہیں۔ سیر تو جگہ کی ہوتی ہے، مراتب کی نہیں ہوتی۔
مضمون مجھ پر نہیں کھلا، یا پھر دونوں مصرعوں میں فاصلہ نہیں پاٹ سکا۔ خود ہی دیکھ لیجئے گا۔

سر کیا اب یہ عروضی اور معنوی سطح پر درست ہے؟
تجھ کو بستی میں خوابوں کی گھما لاتے ہیں
رنگ اور نور بھری سیر کرا لاتے ہیں

 

[محمد یعقوب آسی]

سر کیا اب یہ عروضی اور معنوی سطح پر درست ہے؟
تجھ کو بستی میں خوابوں کی گھما لاتے ہیں
رنگ اور نور بھری سیر کرا لاتے ہیں

خواب میں واو معدولہ ہے صاحب۔ اس کی صوتیت "خاب" ہے، "خ وا ب" نہیں۔ اور ہاں، اس کو عربی کے لفظ "خاب" (وہ رسوا ہوا، وہ مار کھا گیا) سے بھی خلط ملط نہیں کرنا۔

ع: چل تجھے سپنوں کی بستی میں گھما لاتے ہیں
ع: چل تجھے خواب جزیروں میں گھما لاتے ہیں ۔۔۔ یا ۔۔۔ پھرا لاتے ہیں۔
جب پہلے مصرعے میں "گھما لانا" آ گیا تو دوسرے مصرعے میں "سیر کرا لانا" وہی معانی تو ہیں!
ع: رنگ اور نور کے انداز دکھا لاتے ہیں
ع: نور کرنوں کے نئے رنگ دکھا لاتے ہیں
۔۔۔۔ کچھ بھی کر لیجئے۔

 

[محمد یعقوب آسی]

عربی علامتِ تعریف (الف لام) جہاں بھی وارد ہو اس کی املاء برقرار رکھنی ہوتی ہے، اگرچہ الف یا لام کی آواز مسموع نہ ہو۔ الف مقصورہ کی یاے یا واو کو بھی املاء سے حذف نہیں کیا جاتا۔ گول ۃ کو بھی قائم رکھتے ہیں (تا آنکہ وہ عربی قواعد کے مطابق سکون کی وجہ سے ہ نہ بن جائے)، الف صرفی، ہمزۃ الوصل بلکہ بعض الفاظ میں متواتر دو دو الف خاموش وارد ہوتے ہیں، ان سب کو املاء میں شامل رکھنا ہوتا ہے:
بالمشافہ، بالاستعیاب، علی الرغم، حکیم الامت، ولایات الاسلامیہ، شق القمر، بالکل، اعوذ باللہ، علی الاطلاق، حتی الوسع، زکوٰۃ، شرح المعانی،موسیٰ، اولو العزم، سدرۃ المنتہیٰ، عیسیٰ، یحییٰ، سلمیٰ، تحفۃ العروض، حدائق البلاغت، کلوا واشربوا، اقیموا الصلوٰۃ، بدیع الزمان؛ و علیٰ ہٰذا القیاس۔
ہم "عبدالصمد" کو "عبدُصَّمد" نہیں لکھ سکتے، اسی طرح "بالکل" کو "بلکل" نہیں لکھ سکتے۔

​

 

[کاشف اسرار احمد]

خواب میں واو معدولہ ہے صاحب۔ اس کی صوتیت "خاب" ہے، "خ وا ب" نہیں۔ اور ہاں، اس کو عربی کے لفظ "خاب" (وہ رسوا ہوا، وہ مار کھا گیا) سے بھی خلط ملط نہیں کرنا۔
۔

اسی پر میں بھی متذبذب تھا ۔۔۔

 

[کاشف اسرار احمد]

2.
دیر سے آ کے بھی جانے کی ہے جلدی اس کو
روکنے کو اسے گھنگھور گھٹا لاتے ہیں

میرا اپنا خیال ہے کہ "جانے کی جلدی" کو "دیر سے آ کے" سے مشروط کرنا ہے تو دوسرا مصرع اس امر پر زور دے۔ روکنے کا عمل یا ارادہ یا خواہش "دیر سے" اور "دیر کے" آئے ہوئے، دونوں صورتوں میں یکساں ہوتا ہے۔ دوسری بات کہ "اے ابرِ کرم اتنا نہ برس" مضمون کو کوئی نیا ڈھنگ دیجئے۔

استاد محترم ۔۔۔
خواہشِ دید ہمیں ، جانے کی جلدی ان کو
قید ہوں پل یہ، مصور کو بلا لاتے ہیں

 

[محمد یعقوب آسی]

استاد محترم ۔۔۔
خواہشِ دید ہمیں ، جانے کی جلدی ان کو
قید ہوں پل یہ، مصور کو بلا لاتے ہیں

ردیف نے جکڑ رکھا ہے، صاحب۔ میں کچھ نہیں کہہ سکتا۔