چند انتظامی تبدیلیاں

[الف عین]

نبیل برائے نام بھی تو ایڈمن رہ سکتے تھے، کام تو کوئی نہ کوئی کر ہی لے گا لیکن بانی تو اور کوئی نہیں ہو سکتا ہے۔ بہر حال ان کے لیے بھی بہت دعائیں کہ وہ اپنا وقت جہاں خرچ کرنا چاہتے ہیں کر سکیں۔
تابش کے لیے بھی بہت دعائیں اور مبارکباد

 

[جاسمن]

نئے عہدے بھی تخلیق کیے جاسکتے ہیں۔
بانی کے نام سے
اس طرح ہم سب کے دل ٹوٹنے سے بچائے جاسکتے ہیں۔

 

[La Alma]

نیٹ پر بیشتر فورمز تھے جو اب فعال نہیں ہیں۔ کیا یہ بات ایڈمنز کے دائرہ اختیار میں ہوتی ہے کہ اپنی مرضی کی کوئی بھی پالیسی تشکیل دیں،چاہے تو سائٹ کو چلتا رہنے دیں یا کسی بھی وقت بند کر دیں؟
پوچھنا یہ چاہ رہی ہوں کہ ایڈمن ہونا کیا انتظامی نوعیت کا کوئی عہدہ ہے یا پھر ایڈمنز کو کسی سائٹ کے مالکانہ حقوق بھی حاصل ہوتے ہیں؟

 

[سعادت]

نبیل بھائی، محفل میں آپ کی خدمات کے لیے آپ کا شکریہ۔

اور محمد تابش صدیقی ، آپ کو مبارک ہو۔

 

[سروش]

نبیل بھائی آپ کی بطور منتظم ذمہ دراریوں پر بہت شکریہ اور مستقبل کے لئے آپ کے لئے دعاگو ۔ امید ہے کہ عام رکن ہونے کے باوجود آپ اپنی خداداد صلاحیتوں سے اور اپنے علم سے اس فورم اور اردو زبان کو فائدہ پہنچاتے رہیں گے ۔ والسلام
محمد تابش صدیقی بھائی کے لئے بہت مبارک باد اور تعاون کی یقین دہانی ۔

 

[آصف اثر]

امید کرتا ہوں کہ بطور ایڈمن وہ محفل فورم کے ارتقاء میں مزید بھرپور کردار ادا کر سکیں گے۔

جینو ٹائپ یا فینو ٹائپ

 

[سید عاطف علی]

جینو ٹائپ یا فینو ٹائپ

ہردو ٹائپ

 

[نیرنگ خیال]

اپنی باری آئی تو زور زبردستی۔

میرے سے تعاون کی امید نہ رکھی جاوے۔۔۔۔۔

 

[نیرنگ خیال]

نئے عہدے بھی تخلیق کیے جاسکتے ہیں۔
بانی کے نام سے
اس طرح ہم سب کے دل ٹوٹنے سے بچائے جاسکتے ہیں۔

جیسے حکومت وزارتیں نکالتی ہے؟

 

[نیرنگ خیال]

اگر کوئی ایسا کام طے پا جاتا ہے تو ہمیں بھی یاد فرما لیجئے گا۔ ہم بخوشیییییی حاضر ہو جائیں گے

سوچتے ہیں کچھ۔۔ ۔کوچہ ریٹائرڈاں بناتے ہیں۔

 

[محمد تابش صدیقی]

سوچتے ہیں کچھ۔۔ ۔کوچہ ریٹائرڈاں بناتے ہیں۔

کوچۂ سینہ چاکانِ چمن کیوں نہیں

گویا میں کہہ سکتا ہوں کہ
آ ملیں "ہیں" سینہ چاکانِ چمن سے سینہ چاک

 

[محمد تابش صدیقی]

محمد تابش صدیقی آپ کو بہت بہت مبارک ہو۔ آپ اس عہدے کے اہل ہیں۔ امید ہے کہ آپ احسن طریقے سے اپنی ذمہ داریاں نبھائیں گے۔ اللہ تعالیٰ آپ کا حامی و ناصر ہو۔ آمین!!

آمین۔ جزاک اللہ لاریب بہن۔

تابش کے لیے بھی بہت دعائیں اور مبارکباد

آمین۔ جزاک اللہ استادِ محترم۔

اور محمد تابش صدیقی ، آپ کو مبارک ہو۔

بہت شکریہ سعادت بھائی۔

محمد تابش صدیقی بھائی کے لئے بہت مبارک باد اور تعاون کی یقین دہانی ۔

بہت شکریہ سروش بھائی۔

 

[نیرنگ خیال]

کوچۂ سینہ چاکانِ چمن کیوں نہیں

کسی نے مجھ سے اس کا مطلب پوچھ لیا تو کیا بتاؤں گا؟

 

[نیرنگ خیال]

نبیل بھائی، محفل میں آپ کی خدمات کے لیے آپ کا شکریہ۔

اور محمد تابش صدیقی ، آپ کو مبارک ہو۔

اس طرح ہر اعلان والے دھاگے میں تبصرے کرتے رہے تو وہ دن دور نہیں کہ ہزاری کہلائیں گے۔ اجتناب اجتناب اجتناب سعادت جی

 

[سین خے]

سوچتے ہیں کچھ۔۔ ۔کوچہ ریٹائرڈاں بناتے ہیں۔

یعنی کہ ریٹائرڈ والے ریٹائرڈاں

میں تو سمجھ رہی تھی کوئی مارچ وارچ کا اعلان ہوگا، کوئی گو وو رو چلو ولو کے نعرے لگیں گے، کنڈے ڈالے جائیں گے، کوئی چوک ووک چنا جائے گا، کٹینر ہوگا، ساوَنڈ سسٹم ہوگا، کھانے کا انتظام ہوگا ۔۔۔۔ لیکن یہ تو ۔۔۔

خیر میری ذہنی قلابازیوں سے یہ تو ثابت ہوا کہ میں جب انصافین تھی تو کتنی سچی انصافین تھی خان صاحب سے کتنی اچھی مفت میں ٹریننگ حاصل کی

 

[محمداحمد]

السلام علیکم،

نبیل بھائی بے حد شکریہ اس خوبصورت محفل کا جو اردو دُنیا کے لئے باعثِ اعزاز ہے، اور محفل کے لئے آپ کی بے لوث خدمات کا بھی ۔ بلاشبہ آپ کی اور دیگر بانیان محفل و منتظمین کی کوششیں لائقِ صد ستائش ہیں۔

تابش بھائی مبارکباد قبول کریں کہ جناب منتظم بن گئے ہیں۔ اللہ سے دعا ہے کہ آپ کو اپنی نئی ذمہ داریوں سے عہدہ برآ ہونے کے لئے ہمت و توفیق عطا فرمائے۔ آمین۔

 

[زیک]

السلام علیکم
نبیل بھائی اپنا فیصلہ واپس لیجیے پلیز!

شگفتہ اب مجھ سے ناراضگی ختم کرنے کا وقت آ گیا ہے

 

[ام اویس]

یہ کیا ؟
جیسے بھی حالات ہوں بانیان محفل کو اپنی جگہ نہیں چھوڑنی چاہیے ان سے بڑھ کر کوئی دوسرا نہ تو محفل کے قیام کے مقصد سے آگاہ ہوسکتا ہے اور نہ ہی مخلص

 

[ام اویس]

نئے لوگوں کو جگہ ضرور دینی چاہیے اور ان پر ذمہ داری بھی ڈالنی چاہیے لیکن خود اپنی جگہ پر قائم رہنا چاہیے
بہت معذرت کے ساتھ مجھے بالکل اچھا نہیں لگا اگرچہ میں اردو محفل کے بارے میں بہت زیادہ نہیں جانتی لیکن عام زندگی میں اکثر لوگوں کے یہ رویے بہت تکلیف دیتے ہیں ۔

 

[فاخر رضا]

سلام
بہت اچھا فیصلہ ہے
خدا اس فیصلے کو اچھا بنائے
میں تو پتہ نہیں کب سے کس کس کے عہدے چھوڑنے کا انتظار کررہا ہوں. مگر دیکھا یہ ہے کہ جب تک خدا نہ بلائے لوگ کرسی سے چپکے رہتے ہیں اور ان سے چھوٹے بوڑھے ہوکر مر جاتے ہیں. پرنس چارلس کو دیکھ لیں.
بہت اچھا کیا عہدہ خود چھوڑ کر. ایسے ہی گاڑی آگے بڑھتی ہے. تابش تھوڑا ہچکولے کھائیں گے اور کھلائیں گے پھر دوڑنے لگیں گے اور خوب گاڑی چلائیں گے
ہر جگہ سے ریٹائرمنٹ کی ایک عمر یا مدت ہونی چاہیے اس کے بعد گھر جائیں، سامان پیک کریں اور دنیا گھومنے نکل جائیں. مجھے تو دس سال بعد یہی کرنا ہے
یہ محفل اب ختم نہیں ہو سکتی. یہ تو guaranteed ہے. چاہے تو شرط لگا لیں
میں محرم کے بعد خوب لکھوں گا انشاءاللہ
تابش کو میری پوری سپورٹ رہے گی حالانکہ ان کو اس کی قطعاً ضرورت نہیں ہے